1 Korent 6:2 - Kwatay (Kuwaataay)

² Árimeyiit kaanuku bakan k'Atambatun akino ku kaja fu kajoonan bakate ku t'etaam i? Abe arko aruun ariware fu kajoonan bakate ku t'etaam i, n'áriyiniaati fíya kajoonan beeŋaaŋut bu kabaju éñjeriŋ?

1 Korent 6:2 ပူးပေါင်းရင်းမြစ်များ

Májiye 19:28

Yesu n'aaniin: —Iisokuun bifeeneŋ bu: etaam éyeni i ef'esiiŋo, abe *Añi ute Húŋgowulan hu n'ariiko t'eriikeey yeene yite híyiaate hu yéenike i, aruun sumoŋu ni bákasuba ku keesao ku ti hiñaawu, aruun yooŋ biriiko ti biriikeey bite bákayi, áriiyemi eseef ite sunuuf site *Israyel sumoŋu nu súsuba su.

Hirim Heetoofe hu hi Luk akiñje hu 22:30

Úne buñoofo abe n'úhujo t'afeeneŋ ti Jáyi júuma, abe aruun biriiko ti biriikeey bite bákayi, áriiyemi eseef ite sunuuf site *Israyel sumoŋu nu súsuba su.

Eleetar i yi Pool akiñje i bakate ku Rom 6:16

Árimeyiit kaanuku af'árisik kikawuun arisaan ake, abe n'aŋ'arijam te o, áriyemia búsukateen boone? Hahiyu arijuk, man áriijeŋgin kaahoofoor ku kiŋki kibin n'eket i, man yooŋ áriijeŋgin Atambatun, abe n'aŋ'ajokuun bakan kéejube.

1 Korent 1:20

Náami húwesina hu hondu diin? Eejaŋgee u ondu diin? Eetoofe u butum t'etaam ye ondu diin? Atambatun áwufoorawufoor kaanuku búwesinato bite kúŋgowulan ku buñunut!

1 Korent 1:21

Múniyo kúŋgowulan ku nu búwesinato booniin fe kámeyiit Atambatun, abe bondu Atambatun áhine fu bo nu búwesinato boone. Náami Atambatun áhabaneina fu kaanuku eefakan *kéeyilene ku ni hirim hih'iriwaare heeemo hu naane heeñunut.

1 Korent 6:4

Abe arko árijamooraariit te bo, iŋi naŋ n'af'arija bija t'ejoonana k'árimeyie kaanuku kéeyilene ku kajokutiin doon fe?

2 Korent 4:18

Ábuki kikaw úne kunooto tu buroon beejukanee bu; kondu ti beejukaneit bu. Beejukanee bu bífiyaariit, bare beejukaneit bu iŋi bifiyo hiraanu.

1 Tesalonik 3:13

Káhinu iyu, o káwutiyenuun sembe kaanuku man hunak h'ábatikein hu te ho, akina Anahaan ite úne Yesu ni bakan k'akino ku fe, n'aŋ'áriyemi bakan keenabe hágila Atambatun Faaf úne, abe an at'áyiniuun kawatan tu doon areyi fe.

Kafeeñal ku 20:4

Hunuut toko, n'ijuk siriikeey site híyiaate. Keeriikee ku te so ni kawunee sembe site kajoonan. N'ijuk yooŋ siyaan site bakan ki kafarane ku kikaw iŋi naane ii kaseede Yesu, abe ni kawaare yooŋ hirim hite Atambatun. Boko kásukaayut éndakakureŋ i, nu búwisenum bite te yo, abe káhinutee ékeetanuma i tu kúyuut, nu tu sumoŋu. Ni kásooñin buroŋ, kéeyemi bákayi ni *Kiris bija simit éñjune.

Kafeeñal ku 3:21

An fe eeyak kariiŋan, íñje karahano t'eriikeey íima yite híyiaate hu, naane iriiŋane i yooŋ, Faafam n'arahanam t'eriikeey yeene yite híyiaate hu.