1 Korent 4:7 - Kwatay (Kuwaataay)

⁷ Kame aañ áhinuun fu ariihaŋ bakaaku? Átambatuniit awunuun fu doon d'aribaje du fe? Makamu iyu i bije fu, iŋi naŋ n'af'arisaŋg nu doon d'aribaje du kite áruuniit ariwunee do?

1 Korent 4:7 ပူးပေါင်းရင်းမြစ်များ

Hirim Heetoofe hu hi Luk akiñje hu 19:13

Bala aja, n'aruw bakan kaamo sumoŋu t'eroka yeene, eesaaniin huruw kaawiit kite sírirem seefame abe n'aaniin: «Árisik sírirem sondu ariirok ayak abin áami íbatikeino.»

Saaŋ 1:16

An ondu ásoniyanasoniyan úne ti kajaku koone, abe n'asooñ áwutiyen.

Saaŋ 3:27

Saaŋ n'aaniin: —An ayinaat kabaju b'Atambatun asaanuto.

Eleetar i yi Pool akiñje i bakate ku Rom 1:5

Akina ákinineŋe fu Atambatun n'ásoniyan uni éehin uni epotor, kaanuku man n'írihin biheet bu fe béeyilen te o, abe ni bíjeŋgino. Iyu if'írihin huruwu hoone heehaŋ bijamo.

Eleetar i yi Pool akiñje i bakate ku Rom 12:3

Makamu Atambatun áwufooramwufoor kajaku koone, iisokuun bonde arireyi fe: an t'aruun atum'ayitooro. Árimeyi kep buŋ b'ariemo fu ariike, huruw fe t'aruun aliik ti káyilen k'Atambatun awuno ku.

Eleetar i yi Pool akiñje i bakate ku Rom 12:6

Atambatun awunawun úne huruw fe éeyini káhinu buroon beewayee, aliik ti kajaku koone k'áwufoore ku úne. Náami an eewunee kaanuku aŋ'abin ayiŋan bite b'Atambatun, áhin bo aliik ti káyilen k'abaje ku.

1 Korent 15:10

Bare Atambatun áwufooramwufoor kajaku koone éehinam íiyemi an u eemo ee, abe naane áwufooram i kajaku koone, áfiitenut: irokarok ihaŋ bakaaku epotor fe. Múniyo íñjeiit humuumam if'irok iyu, bare kajaku k'Atambatun áwufooram ku keeemo ku t'íñje ufu kurok iyu.

1 Korent 3:5

Náami aañ aamo fu Apolos, aañ yooŋ aamo fu Pool? Uni eroka yite Atambatun barebare taŋ, aruun ariŋaase t'uni áriiyilen. Iŋ'írihin huruw fe burok b'Atambatun asaano bu:

1 Korent 5:6

Biyitooro boonuun bondu bijakut! Árimeyiit kereŋ naane báhamin bonde bije i: «*Élefir yeefamut ef'ékundufuloolan éfariŋ yeefame»?

1 Korent 7:7

Tu kúuma ku, ésuk i fe n'eŋ'éyemi biyeeŋat naane íñje. Bare huruw fe ni b'Atambatun awuno bu: an e nu bonde, aau nu bonda.

Saak 1:17

kawunu fe keetoofe ni keejake, t'etiir tu buroon bondu búnuutina fu. T'Atambatun áwuwana ite meejaaŋe meeemo mu t'etiir t'ufu búnuutin béewanein. Atambatun áwayaariit, áwetekaariit yooŋ éehin ébaani.

1 Piyeer 4:10

Atambatun awunuunwun arireyi fe bifehe bite káyokunan bakaaku, huruw fe aliik ti b'Atambatun awuno bu. Áriyemi naane eroka keejake keeemo ti káhinu bakaaku meejake mite m'Atambatun meewayoore mu.