1 Korent 4:5 - Kwatay (Kuwaataay)

⁵ Iŋ'ite ho aamo fu atum'arijoonan an tu hunak hu hireeŋoorut. Arinahan Anahaan u eebin: o kafeeñal ti meejaaŋe mu béenuusee bu t'ébaani i, abe n'áwufoor yooŋ biyinoor bite kúŋgowulan ku béenuusee bu. Abe huruw fe, Atambatun kaliiku ti b'áhine bu eesokorooro.

1 Korent 4:5 ပူးပေါင်းရင်းမြစ်များ

Májiye 10:26

—Náami atum'árikoleyi kiŋki kasok t'aruun! Béenuusee bu bireyi fe kajukiee, abe beesokutee bu yooŋ kámeyiee.

Májiye 24:30

Náami éluwenuma yite *Añi ute Húŋgowulan hu káŋaasina tu bufor bu. Ésuk i ereyi fe kalolobool, abe n'iŋi kajuk Añi ute Húŋgowulan hu ti bibin tu bufor bu ni sembe, o káanikin naane.

Májiye 24:46

Atoof t'aroka ondu kane ate enuuf i ábatikein, n'áŋaabeino tu burok b'asaano bu!

Májiye 25:21

Ániine u n'aano: “Iyu kep, awe aroka eejake, á̱jubajub. Makamu á̱jubajub tu buroon biŋgilis, hahiyu íñje kanaŋu tu sumoŋii buroon beehaŋe diyu. A̱bin, hikawi heetoof naane íñje.”

Májiye 25:23

Ániine u n'aano: “Iyu kep, awe aroka eejake, á̱jubajub. Makamu á̱jubajub tu buroon biŋgilis, hahiyu íñje kanaŋu tu sumoŋii buroon beehaŋe diyu. A̱bin, hikawi heetoof naane íñje.”

Hirim Heetoofe hu hi Luk akiñje hu 6:37

—Atum'arijoonan an, abe Atambatun yooŋ at'ajoonanuun. Atum'aritinan an, abe Atambatun yooŋ at'atinanuun. Ariboŋket bakaaku, abe Atambatun n'aŋ'aboŋketuun.

Saaŋ 21:22

Yesu n'aano: —If'ímaŋi aroŋ bija kóyin k'iyak ku bíbatikeina, a̱kolakol ne bo? Awe á̱seinam ti hiñaawu!

Saaŋ 21:23

Náami bijamaa ti *kéeyilene ku kaanuku ariboora ondu at'aket. Yesu bare aanut at'aket. Aanaan: «If'ímaŋi aroŋ bija kóyin k'iyak ku bíbatikeina, a̱kolakol ne bo?»

Saaŋ 5:44

Buŋ b'ariyino fu kabaju káyilen naane aa ariŋes t'ésuk i kusokorooru, abe áriŋesaariit ko t'Atambatun afeeneŋ u?

Eleetar i yi Pool akiñje i bakate ku Rom 14:4

Kame awe a̱amo fu aañ ayak aŋ'a̱tinan aroka ite ake? Af'ajok alitee tu burok boone, man yooŋ n'akananoor, an u t'aamo du tu burok bu kasokio naane áhine i. Abe akina kajoku alitee, ábuki Anahaan u áyinoonio káyokunan.

Eleetar i yi Pool akiñje i bakate ku Rom 2:1

Náami awe aa a̱joonan bakaaku, hutoof á̱yemi aañ, aŋkut a̱baj b'a̱ware bukuuso te bo hágila Atambatun. Af'aŋ'a̱joonan bakaaku, a̱yoosanooraa ti kaayeen awe humuumi, ábuki aŋ'á̱hin yooŋ buroon bimbi káhin.

Eleetar i yi Pool akiñje i bakate ku Rom 2:16

Bondu bija fu kajukiee akuur but hunak h'Atambatun aja hu kaŋaasu ti Yesu *Kiris eejoonan biyinoor béenuusee bite kúŋgowulan ku, naane Hirim Heetoofe hu hih'iwaare iye husoke i.

Eleetar i yi Pool akiñje i bakate ku Rom 2:29

Asuwif ite u nu múniyo, tu búwejeto t'aamo fu Asuwif, abe kateyi karam kite ku nu múniyo keemo fu kite ehol i. Karam kondu, tu Búwejet bite Atambatun tu kúnuutina fu, t'Eluwa yíiit yeekiñjee i. Asuwif ondu ite u nu múniyo, Atambatun af'asokorooro, kúŋgowulan kíiit.

Eleetar i yi Pool akiñje i bakate ku Rom 2:7

Atambatun kawunu buroŋ béehabanaariit bu kiŋki káñiŋkaan ti káhinu kite meejake mu. Tu bondu t'ifi kaŋes kániku ku, nu kusokorooru ku, nu buroŋ béehabanaariit bu.

1 Korent 1:7

Náami buroon b'Atambatun bamb'awun, bike bunooto toko b'aribajut, aruun keeemo ku ti kanahan kóyin k'Anahaan ite úne Yesu Kiris áŋaasin ku.

1 Korent 11:16

An af'asooñ ámaŋi síjeeŋoor tu bondu, ámeyi bonde: iyu if'írihin, uni ni bakate ku Atambatun *kéeyilene ku.

1 Korent 11:26

Ábuki híhinin fe h'ariteŋe humburu honde, abe n'árihujo t'ekot yende, áriwufoora kaanuku Anahaan u aketaket, abe bondu bija yooŋ kóyin k'ábatikein ku.

1 Korent 15:23

Bare huruw fe ni hífinooru hoone: Kiris aamo fu átiyar u dók ti birito bu t'eket i. Abe h'aŋa h'ayak bíbatikeina, bakan k'akino ku n'iŋi kafin karito.

1 Korent 3:13

Tu hunak hite Kajoonan ku, burok bite ánoan fe kafeeñu, abe bo kámeyiee. Ábuki hunak hondu káyemi hite sineemak sómbokun, site káwufoor buŋ bu burok bite ánoan fe bunokoore fu.

1 Korent 3:14

Ake af'asiiŋan burok boone ti kiñaan kítiyar ku, abe sineemak su siyinaat te bo doon, an ondu kasiibanee.

1 Korent 3:8

Eenawe u n'eeroose u karare, ábuki iŋi karok t'afeeneŋ bija t'Atambatun, abe o kasiibaniin huruw fe aliik tu burok boone. Aruun ariemo fu etool ite Atambatun. Aruun ariemo fu yooŋ báakinum bite Atambatun.

2 Korent 10:18

Ábuki kiŋki kanoŋk keesokorooro, bókoiit katoofe fu Atemit. Aaa, keetoofo ku kaamo fu kaŋk'anoŋk eesokoroor.

2 Korent 10:9

Ímaŋiit ariyinoor n'ariene man íñje ímaŋiuun kákolinan ti bileetar búuma.

2 Korent 4:2

Iriteñekateñeko béefuñinanie bu bumbu búnuusee. Íribuutaariit an, abe írihosanaariit yooŋ Hirim hite Atambatun. Múniyo mu kep m'if'íriwufoor ésuk i akuur but, man huruw fe n'ámeyi t'ehelo hágila Atambatun kaanuku uni bakan kéejube.

2 Korent 5:10

Ábuki úwarawar bibin bisiiŋo úreyi fe hágila Kiris eejoonan úne, huruw fe eebatikanee doon d'aroke du t'enio, man meejake, man yooŋ meejakut.

1 Tesalonik 5:2

Ábuki árimoomi akuur but aruun kumuumuun kaanuku hunak h'Anahaan u ábatikein hu te ho, ho káfufu naane ákuw aa áfuf nu huhuk.

Esuwif i 4:13

An ayinaat kánuusu Atambatun doon. Doon fe d'áwuwane, aŋ'ajuk do fuufu te do tálaŋ, abe akina u úja fu kakamu buroon b'úhine bu.

Saak 4:11

Kújakuwe, atum'arisok meejakut ti bakaaku. An af'asok meejakut t'ake, man yooŋ n'ajoonano, asoka meejakut t'Eluwa yite Atambatun, ajoonana yo yooŋ. Abe af'a̱joonan Eluwa i, aŋkut á̱yemi an éejeŋgine yo: awe ajoonana yo.

Saak 5:7

Kújakuwe, náami árimuñ kep ayak abin áami Anahaan u abina. Arijuk naane awaña aa ámuñ ti kanahan éhotukan i yeereeŋ. Aŋ'ámuñ ti kanahan kite káriiŋ ku, ni basokotoŋ bu fe.

Saak 5:9

Kújakuwe, atum'aŋ'áriŋuŋunoor ti bakaaku, man Atambatun atum'abin ajoonanuun. Ajoonana u ondu, áreeŋino ti karuŋ ku!

1 Piyeer 1:7

Sílaam sondu site kajuku man káyilen koonuun kite nu múniyo man yooŋ. Éwurus áyinooniee kábuju, bare ti sineemak t'af'ajukee man ejakajak. Iyu yooŋ i káyilen koonuun keehaŋe ku éwurus ifi kiŋesee ti sílaam sánosan, t'ajuk man kiyanayan. Náami hunak hi Yesu Kiris áŋaasin hu, Atambatun kasokorooruun, n'ánikanuun, abe n'asaluun.

1 Piyeer 5:4

Abe Kiris Aseef ite ehaawa i af'aja áŋaasin, n'aŋ'awunuun hisiibanu héenike, abe utu húbujo hikee.

2 Piyeer 3:12

aruun ti kanahan ku hunak hoone, aruun yooŋ ti káhinu wáhowah kaanuku heesoŋk heereeŋ. Hunak hondu, sineemak su kásufu bufor bu, abe buroon bite bu t'etiir fe butuuyo.

2 Piyeer 3:4

abe n'iŋi kaane: «Yesu aanut kereŋ akina bíbatikeina? Náami ondu diin? Sifaaf úne kaketa, abe bare doon fe duwayeit huta h'etaam i eŋ'ebin éwuwanee!»

Eleetar i yi Sud akiñje i 1:14

Enok, eeemo u atoken u ni bákasuba ti sifaaf úne kéeseina ku *t'Adam, asoŋka bíhamin iŋ'ite hu bokondu aane: «Arijamatan! Atemit bibin n'emalaka yeene keenabe ku keereeŋe súñjune-súñjune,

Kafeeñal ku 1:7

Arijuk, ondu ti bibin tu bufor bu! Ésuk i fe, bija yooŋ ni keeyao ku kajukio ni ñíkiniin. Búsuk bite t'etaam ye fe kayiyu uŋu hoone hu. Hee bondu kabaju! Amiin!

Kafeeñal ku 20:12

Abe n'ijuk keekete ku, sifaaf su ni biñi bu ti kasiiŋee hágila eriikeey ite híyiaate hu. Wuwiit nu wúfeŋginee. Kike kaawiit yooŋ ni kífeŋginee: ko keemo fu kaawiit kite buroŋ bu. Keekete ku ni kajoonanee aliik tu buroon bi karoke bu, naane bikiñjee i tu wuwiit wu.