1 Korent 3:5 - Kwatay (Kuwaataay)

⁵ Náami aañ aamo fu Apolos, aañ yooŋ aamo fu Pool? Uni eroka yite Atambatun barebare taŋ, aruun ariŋaase t'uni áriiyilen. Iŋ'írihin huruw fe burok b'Atambatun asaano bu:

1 Korent 3:5 ပူးပေါင်းရင်းမြစ်များ

Májiye 25:15

N'asaaniin yooŋ sírirem aliik huruw fe tu doon d'áyinie du karoku: átiyar u n'asaano similiyoŋ seemo hutok, ásooboriyan u súsuba, áhaajiyan u efeeneŋ; ahaban n'aja.

Hirim Heetoofe hu hi Luk akiñje hu 1:2

Ni kakiñj bo naane bakan keejuke ku bo ni ñíkiniin huta hu ti kájabina ku kanabane i uni bo, bokondu keesooñe ku káyemi ewaaraa Hirim hite Atambatun.

Saaŋ 3:27

Saaŋ n'aaniin: —An ayinaat kabaju b'Atambatun asaanuto.

Epotor i 18:24

N'abaj ake Asuwif eebukee Aleksandiri éereeŋina Efees, iŋi kaano Apolos. Ániine ondu ámoomi báhamin, ámoomi yooŋ *Míkiñjin mu dómbokun.

Epotor i 19:1

H'Apolos áyemie hu Korent, Pool n'afin akan birij bu, abe n'areeŋ Efees. N'aŋaabo bo bakaake *kéeyilene,

Eleetar i yi Pool akiñje i bakate ku Rom 15:16

íiyemi aroka ite Yesu *Kiris bija ti keenooto ku Esuwif. Burok b'eemo bee te bo bite kawaare kite Hirim Heetoofe hu búmoomi naane bite *asaraha, kaanuku man keenooto ku Esuwif ni káyini káyemi kaasarah keetoofe Atambatun, ku Búwejet Beenabe bu bíkajine bija te o.

1 Korent 12:28

Iye a Atambatun asiiŋane fu *kéeyilene ku: *epotor i kaamo fu étiyar i; *eyiŋana yite Atambatun ni káyemi ésooboriyan i; kiŋki kaliiken ésuk i mite m'Atambatun ni káyemi éhaajiyan i; kiŋki káhin beehaŋe bu ésuk i kikaw ni kásein; kanuut toko náami keebaje ku sembe site karitan bakan kéesomute; kahaban náami kiŋki káyokunan ésuk i; kanuut toko náami kiŋki káwuforoor bakaaku buroon bi kaware bu káhinu, abe n'atik áami kiŋki káhamin ti kíhaminiin kuway.

1 Korent 16:12

Útif hahiyu t'ati úne Apolos. Ilawolaw abe n'isooñoor kaanuku man n'abin t'aruun akina ni kéeyilene ku, bare átumbut ámaŋi bibin hahiye. O bibin kane bítimo biŋaas.

1 Korent 3:10

Naane t'Atambatun awunam du t'isiiŋane fu kiñaan kítiyar ku naane anuta éemeyie buroko. Hahiye ake ondu ti káhoojinan enuuf i. Bare huruw fe anaŋ toko hikawo ti naane aamo i ti káhoojinan ku.

1 Korent 3:22

íñje Pool, Apolos, Piyeer, etaam i, buroŋ bu, eket i, beebaje bu hahiye, ni beeyak bu bibin kabaju fe, aruun arikino bo.

1 Korent 3:7

Náami eenawe u n'eeroose u kanooto doon tus. Atambatun aamo fu doon areyi fe, ábuki akina áhine fu nunukanuk nu neehaat.

1 Korent 9:17

Arko yéeni íñje inoŋke fu eeene íihin burok bondu, n'iŋ'ijaamee. Bare naane aamo i t'íñjeiit tu búnuutina, butum tu buwananooro doon d'Atambatun asejanam t'eemo fu,

2 Korent 11:23

Boko eroka bakate *Kiris? Íihamin fu naane an éetumbe awen: ihaŋiinhaŋ káyemi aroka ite Kiris. Af'arko karokarok, ihaŋiinhaŋ; ihaŋiinhaŋ kámeyi ekulu; bímiñ bu t'íñje ti bihaŋe; ihaŋiinhaŋ yooŋ káheelin t'eket i.

2 Korent 3:3

Áriwufoorawufoor ti máhinar moonuun kaanuku aruun eleetar yi *Kiris akiñje, abe uni n'iribin ne yo. Ekiñjeekiñj káanukiiit man ni hikiñju, bare nu Búwejet bite Atambatun eeemo u buroŋ. Ekiñjeekiñj káanukiiit man tu bujuju, bare tu suhol site kúŋgowulan.

2 Korent 3:6

Akina áhine fu uni íriiyini káyemi eroka kaanuku iŋ'iriwaare ésuk i *kaajamoor kíyeni ku. Kaajamoor kondu kukolut n'Eluwa yeekiñjee i, bare nu Búwejet Beenabe bu. Ábuki Eluwa yeekiñjee i eŋ'eyool, bare Búwejet bu uŋu buwun buroŋ.

2 Korent 4:1

Atambatun ayubiyene fu eesaan uni burok bondu; iŋ'ite ho h'iriñakeit fu ni hiñaawu.

2 Korent 4:5

Úniiit kumuum uni k'if'iriwaareuun, bare Anahaan u Yesu Kiris i if'iriwaareuun. Irijokoorajokooro naane eroka yeenuun iŋ'ite hu Yesu.

2 Korent 4:7

Bare uni kéeyekie ku ebaj yendu, írimoomi naane simeenaay seerokee n'ekaf, man ésuk i n'ejuk kaanuku sembe sómbombokun sondu t'úniiit tu súnuutina fu, bare t'Atambatun.

2 Korent 5:18

Abe bondu fe t'Atambatun tu búnuutina fu, o éehine u núubukan ne o, aŋ'asaan bo ti Kiris. Abe hahiye Atambatun n'asaan uni burok bondu bite káwufoor ésuk i kaanuku ámaŋamaŋi kabukan nu boko.

2 Korent 6:1

Makamu iŋ'irirok n'Atambatun, uni bokondu ti kaanuuun waasuun, atum'árihin kásoniyan k'Atambatun ásoniyanuun ku kéeyemi kite fuufu.

2 Korent 6:4

Aaa, iŋ'íriwufoor tu buroon bu fe bimb'írihin kaanuku uni eroka bakate Atambatun: iŋ'irituumen dómbombokun ti sílaam su, nu kúnuur ku, nu wútaañi wu,

Efees 3:7

Atambatun ti kajaku koone, asejanamsejan burok kaanuku iŋ'isok ésuk i Hirim Heetoofe hu. Awunamwun bondu ti sembe soone.

Kolos 1:23

Bare ariwarawar kajoku alitee ti káyilen ku, abe n'arisiiŋo te ko ayanee. Atum'áriwuŋg kiñaawu eyakar y'aribaje i huta h'aŋ'aribin arijam Hirim Heetoofe hu. Hirim hondu Heetoofe hu huwaareewaare kúŋgowulan ku fe t'etaam ye, abe íñje Pool, burokam hahiyu kawaare ho.

Kolos 1:25

Íñje hahiyu aroka ite kéeyilene ku. Atambatun asejanam fu burok bondu kaanuku iŋ'ibin irok bo bija t'aruun: aboñamboñ kaanuku iiwaare hirim hoone hireyi fe.

1 Timote 1:12

Íñj'endu ti kaanu Yesu *Kiris Anahaan ite úne eyeehen, akina eewunam u sembe íihin burok boone. Íñj'endu ti kaanio eyeehen naane ajokam i an éejube, abe n'ajifanam iirok bija te o.

1 Piyeer 4:10

Atambatun awunuunwun arireyi fe bifehe bite káyokunan bakaaku, huruw fe aliik ti b'Atambatun awuno bu. Áriyemi naane eroka keejake keeemo ti káhinu bakaaku meejake mite m'Atambatun meewayoore mu.