1 Korent 3:12 - Kwatay (Kuwaataay)

¹² Ake áyinooni káhoojinan enuuf i n'éwurus, man yooŋ n'ehalis, man yooŋ nu bujuju beeseere, man yooŋ n'ásik búkuŋu, man yooŋ étuuru, man yooŋ yaŋej.

1 Korent 3:12 ပူးပေါင်းရင်းမြစ်များ

2 Timote 4:3

Ábuki bibin birko ésuk i it'iŋki kámaŋi kajamatan bimbi kaliikenee bite bu nu múniyo. Boko kajoŋoor nu wúfaŋi wooniin. Boko kaŋesu bakan keehooje iŋi kabin kaliikeniin bimbi kámaŋi kajamu.

2 Timote 3:7

Ko kireyi fe kámaŋamaŋi kaliikenee, bare kámusut mayet kámeyi múniyo mu.

2 Timote 2:20

T'enuuf yéewarie, bíndiis bíteiit éwurus, man yooŋ bite ehalis beemo fu toko barebare. Bike yooŋ bondu toko beefaasee, bike nu burokee n'ekaf. Bítiyar bu uŋu búnuutannee hunak hite efeet, biraanu bu nu búnuutannee húnakonak.

Kafeeñal ku 21:18

Hiñaan hu hunuteenut nu bujuju bimbi kaane esasip, abe hikinu hu hurokeerok n'éwurus yeekuure but yeejaaŋe naane eweer.

Kafeeñal ku 3:18

Náami iirimi bonde: a̱bin a̱ajoohen t'íñje éwurus yeekuuranee ti sineemak, man n'á̱yemi husaanum. A̱joohen yooŋ wañ weefañje man n'a̱siimo á̱anuus méefuñinanie múuwe. Abe n'a̱joohen bubuun bite káhinu ti ñíkini man n'á̱yini kajuku.

1 Piyeer 1:7

Sílaam sondu site kajuku man káyilen koonuun kite nu múniyo man yooŋ. Éwurus áyinooniee kábuju, bare ti sineemak t'af'ajukee man ejakajak. Iyu yooŋ i káyilen koonuun keehaŋe ku éwurus ifi kiŋesee ti sílaam sánosan, t'ajuk man kiyanayan. Náami hunak hi Yesu Kiris áŋaasin hu, Atambatun kasokorooruun, n'ánikanuun, abe n'asaluun.

Kafeeñal ku 2:14

Bare ítaañianataañian t'awe ti bike: bakaake bokondu t'awe keejoke ti bi Balam abine bu aliiken ésuk i kóyin sifaaf. Balam aliikene fu Balak eetiŋg bakate ku *Israyel ti kaahoofoor, ti kateŋu kite efuwa yite sunuk *seesarahee tu ñúwisenum, nu huŋotu hu ni bakan ki kaseñeit.

Esuwif i 13:9

Atum'ariwas an eebuutuun ni maliikenar mánoman, meewayee ni m'ariliikenee mu. Ajakeejak suhol site s'úne ni sibaj sembe séenuutina ti kajaku k'Atambatun kaŋk'áwufoor úne. Sembe sondu súnuutinoot ti kájeŋgin kite buluwa beesoke bu tu buroon b'an awarut kateŋu. Ábuki buluwa bondu bibajut éñjeriŋ bija ti kiŋki kájeŋgin bo.

2 Timote 3:13

Bare kéenafute ku ni ñatuuk ñu, boko kahaŋu ti meejakut mooniin kep. Boko kabuutu bakaaku, abe boko kumuumiin yooŋ kabuutiee.

1 Timote 6:3

An af'aliiken ake bike beewayee, abe n'ateñeko kirim kite ku nu múniyo kite k'Anahaan ite úne Yesu *Kiris, nu bumb'úliiken ésuk i beeriibe bu nu múniyo m'Atambatun áwufoore mu úne,

Kolos 2:8

Arinaŋ toko kikawuun an atum'abuutuun nu búwesinato bite húŋgowulan, beeemo bu bibajut éñjeriŋ. Búwesinato naane bondu iŋi kajam bo t'ejoosan ite kúŋgowulan ku, nu tu ñúwejet ñeebaje ñu sembe ñite ñu t'etaam ye. Búwesinato bondu búnuutinoot ti Kiris.

2 Korent 2:17

Irinooto naane bakaaku keehooje kaa kiŋki kájula Hirim hite Atambatun. Uni iŋ'írihamin boone bu ajoŋoor júl, abe yooŋ tu buhooŋio naane eroka bakate Kiris, ábuki akina Atambatun aboñe fu uni.

Eleetar i yi Pool akiñje i bakate ku Rom 16:17

Kújakuwe, íñj'endu ti káwasiyanuun bonde: áriwasiyoor kiŋki kayeeñooran *kéeyilene ku. Iŋi kahiilaniin ni báhamin booniin bondu bite biteñeko bu buroon b'ariliikenee bu. Arikambiin,

Epotor i 20:30

Abe bakaake t'aruun kumuumuun kasoku báhamin bite haajuus kaanuku keeñak kéeyilene ku.

2 Korent 4:2

Iriteñekateñeko béefuñinanie bu bumbu búnuusee. Íribuutaariit an, abe írihosanaariit yooŋ Hirim hite Atambatun. Múniyo mu kep m'if'íriwufoor ésuk i akuur but, man huruw fe n'ámeyi t'ehelo hágila Atambatun kaanuku uni bakan kéejube.

1 Korent 3:11

Ábuki kiñaan kítiyar ku kiheeka keesiiŋo, ko keemo fu Yesu Kiris, abe an ayinaat kasiiŋan kike.

1 Korent 3:13

Tu hunak hite Kajoonan ku, burok bite ánoan fe kafeeñu, abe bo kámeyiee. Ábuki hunak hondu káyemi hite sineemak sómbokun, site káwufoor buŋ bu burok bite ánoan fe bunokoore fu.