1 Korent 2:6 - Kwatay (Kuwaataay)

⁶ Bare keeemo ku káyilen kooniin kiyanayan, iŋ'iriwaareiin búwesinato bu. Búwesinato bite bíiit t'etaam ye, bite bíiit yooŋ bakan kómbokun ku bakate ku t'etaam ye keeemo ku bakate bútowuto.

1 Korent 2:6 ပူးပေါင်းရင်းမြစ်များ

Májiye 13:22

Bakaaku kámoomi naane sinawaay seeneye su t'arkee du esisa. Boko kaamo fu kiŋki kajam hirim hu jak. Bare biyinoor bite t'etaam ye, ni sírirem sunsu subuut iye, bondu uŋu bubuuf ho, abe utu hubukoor.

Májiye 19:21

Yesu n'aano: —Af'á̱maŋi kakuuru but, a̱ja a̱joohen buroon b'a̱baje bu fe, abe n'á̱sik sírirem su a̱wun keebajut ku. Af'á̱hin ii, n'aŋ'a̱baj t'etiir ebaj. A̱haban, n'aŋ'a̱bin á̱aseinam ti hiñaawu.

Májiye 5:48

Faafuun eeemo u t'etiir aŋ'akuur but; aruun yooŋ áriyemi naane akina.

Hirim Heetoofe hu hi Luk akiñje hu 16:8

Husaanum hu n'asokoroor aroka éejubut u ti kámuusu koone kondu. Ábuki keeemo ku t'ébaani i kahaŋahaŋ keeemo ku ti meejaaŋe mu kámuusu tu buroon bimbi káhinoor.

1 Korent 1:28

Bakan ku kúŋgowulan ku káwiiniane ku, ni kahuufiin, abe yooŋ kajokutiin doon fe, Atambatun ajifaniinjifan kaanuku éebuj keejokee ku bakan kómbokun.

1 Korent 12:8

Búwejet bu uŋu buwun ake káwasi ti báhamin; bo Búwejet bifeeneŋ bu nu buwun ake kámeyi báhamin.

1 Korent 14:20

Kújakuwe, atum'aŋ'ariyinoor naane biñi. Ti káhinu kite meejakut mu, áriyemi naane bilekej; bare ti biyinoor bu, áriyemi naane sifaaf.

1 Korent 2:1

Kújakuwe, h'ibine hu t'aruun kaanuku iiwaareuun b'Atambatun ánuusaanie bu, iŋesut ariibin ariene ímoomi báhamin ihaban, man yooŋ íñje an eejaŋgee.

1 Korent 2:13

Abe uŋ'úsok bo, káanukiiit man ni báhamin béenuutina tu búwesinato bite húŋgowulan, bare ni báhamin bu Búwejet bite Atambatun biliikene bu úne. Iyu uf'úkam buroon bite Atambatun keebaje ku Búwejet boone.

1 Korent 2:8

Mayet afeeneŋ ti bakan kómbokun ku bakate ku t'etaam ye ámeyie búwesinato bondu. Kane kámeyi bo, man katib yéeni *t'ekuruwa i Anahaan éenike u.

1 Korent 3:1

Kújakuwe, múniyo h'íyemie hu t'aruun, iyinaatuun yéeni káhamin naane an aa áhamin ni bakan keebaje Búwejet bite Atambatun. Íhaminuunhamin naane an aa áhamin ni bakate ku t'etaam ye, naane bilekej ti bítim bite *Kiris.

2 Korent 1:12

Iisokuun bimb'irisaŋgoor ne bo: sihel site s'uni súwufoorawufoor uni kaanuku iririikariiko n'ésuk i biriiko beejoŋoore, ni bijak yooŋ, áhaŋum n'aruun. Abe bondu fe t'Atambatun tu búnuutina fu. Káanukiiit tu búwesinato bite húŋgowulan. Aaa, t'Atambatun éewufoore u uni kajaku koone tu búnuutina fu.

2 Korent 13:11

Hahiyu úwasoor kújakuwe! Ariŋes káyemi bakan keekuure but, ariyaŋgananoor kikaw, arijamoor, abe n'arikin ti káasuumaay. Af'árihin iyu, Atambatun éemaŋie u ésuk i, abe n'aŋ'awuniin káasuumaay n'aŋ'áyemi n'aruun.

2 Korent 4:3

Arko bare Hirim Heetoofe hu hih'iriwaare húkumbalooleekumbalool, n'aŋ'áami kame ti bakan keeemo ku tu bútowuto bu barebare.

2 Korent 4:4

Bokondu káyilenut, ábuki atambatun eejakut u ite etaam i ámiñamiñ ñúwejet ñooniin ñéeyemi t'ébaani. Áhinahin bondu kaanuku itim káyini kajuku meejaaŋe mite Hirim Heetoofe hu, héewufoore hu kániku kite ku *Kiris eeemo u humuum búnokoorum bite Atambatun.

Efees 2:2

Aŋ'arineefan yéeni tu kunoŋk kite bakate ku t'etaam ye. Aŋ'árijamaani t'aseef ite sembe seejakut su seeemo su t'etiir. Aseef ondu aamo fu búwejet beejakut bu bumbu burok iye ti kéejeŋginaariit ku Atambatun.

Kolos 1:28

Kiris ondu if'iriwaare ésuk i fe. Iŋ'íriyeegaliin, abe n'iriliikeniin yooŋ ni káwasi k'Atambatun awune ku uni fe, kaanuku man huruw fe n'abin asiiŋo hágila Atambatun, káahaatin ti naane áhine i t'afeeneŋ ni Kiris.

Kolos 4:12

Epafuras eeemo u yooŋ ite t'aruun asaafuun. Akina aroka ite Yesu Kiris, abe aŋ'áñiŋkaan kep ti kalawu Atambatun bija t'aruun kaanuku man n'arijok alitee, n'arihaat yooŋ ti káyilen ku, abe n'arifare káhinu b'Atambatun ámaŋie bu fe.

Esuwif i 5:14

Bare maanu wéekunde wu, wo wute keehaate ku; buroon bimbi kajuk tu buroŋ booniin biliikenaliiken siheliin kámeyi beejake bu ni beejakut bu.

Esuwif i 6:1

Iŋ'ite ho aamo fu úwas inde kiñaawu buroon b'újabe bu úliiken ti bítim bite *Kiris, abe n'úja hágila núujok beeniŋe bu, beeemo bu bite sifaaf su. Utum'uŋk'úsooñ ti beeheeke bu beesiiŋanee ti kátiyar ku, naane buwatanooro bite kinij keebajut ku éñjeriŋ kiŋki kibin n'eket i, ni káyilen ku t'Atambatun,

Saak 3:15

Búwesinato naane bondu búnuutinoot t'etiir, bo bite t'etaam ye, bite húŋgowulan, ti Setani tu búnuutina.

Saak 3:2

Úreyi fe uŋ'újuum kuhooj aa ti máhinar meehooje. An éejuumaariit ti báhamin, akina an eekuure but, akina an éeyinie bújokumooro áhabanein.

1 Piyeer 5:10

Sílaam soonuun iti sifiyo dómbokun. Atambatun eehaŋe u émaŋia úne, aruwuunruw bite kániku koone kéehabanaariit ku aŋarkeyi naane árihinahin ni Yesu Kiris t'afeeneŋ. O humuumo karitanuun ariisiiŋo, n'ayaŋgananuun yooŋ ti kawunuuun sembe, abe n'asiiŋanuun t'ayane.