1 Korent 15:3 - Kwatay (Kuwaataay)

³ Bítiyar bu ti b'iliikenuun bu fe beemo fu bonde bi kaliikenam bu yooŋ: *Kiris aketaket bija tu wuhoofoor wute w'úne naane ti *Míkiñjin mu mifiye du musok.

1 Korent 15:3 ပူးပေါင်းရင်းမြစ်များ

Májiye 26:24

*Añi ute Húŋgowulan hu eeja kaketu naane *Míkiñjin mu musoke i uŋu hoone hu. Bare afin ayak buŋ kátaañi t'an ondu eeja u kajoohen Añi ute Húŋgowulan hu! Ahaŋ yéeni kajaku te o náami áwuwinoot!

Májiye 26:28

ábuki diye halan húuma héekinineŋe hu *kaajamoor ni kibaj t'etut Atambatun ni bakan koone. Ho búyuuso bija ti keehooje-hooj, kaanuku man Atambatun n'aboŋketiin wuhoofoor wu.

Hirim Heetoofe hu hi Luk akiñje hu 24:25

Náami Yesu eeeniin: —Arisoŋotaa teereŋ! Árikurakuri fu naane ti káyilen kite b'eyiŋana yite Atambatun kasoke bu fe!

Saaŋ 1:29

Tifiit, Saaŋ n'ajuk Yesu ti bibin ásooñann nu boone. N'aane: —O onde, Ametek ite Atambatun aa anuutan wuhoofoor wute ésuk i.

Epotor i 17:2

Pool n'aja toko naane aa afiy áhin tánotan fe t'aje. Ti sirimaas site Esuwif i síhaaji, Pool n'aŋ'ajeeŋoor ti *Míkiñjin mu ni kiŋki káyemi toko.

Epotor i 3:18

Bare iyu i b'Atambatun abine bu asok kóŋkeyin, áŋaasann bo *t'eyiŋana yeene fe bibaje fu. Abinabina aane *Afakana oone awarawar kajuku sílaam.

Epotor i 8:32

Bonde b'áyemie fu ti kajaŋga ku ti *Míkiñjin mu: «Ámoomi naane ékarniina yeeyitee bija kamootu, naane ametek eekoowane kem o ti kayiselee: asokut hirim hifeeneŋ.

Eleetar i yi Pool akiñje i bakate ku Rom 3:25

Atambatun aboñaboñ Kiris éeyemi *kaasarah kaanuku man halan hoone nu hunuutan wuhoofoor wute ésuk i kéeyilene ku te o. Atambatun áhinahin bondu kaanuku éewufoor ésuk i buŋ b'ájube fu ariike. Kóŋkeyin, wuhoofoor w'ésuk i wiwi káhinaani, aŋ'áhin kite ájukaariit wo aŋarkeyi naane aŋ'ámuñ.

Eleetar i yi Pool akiñje i bakate ku Rom 4:25

Yesu ásikeesik asaanee kúŋgowulan ku kaanuku eeket uŋu wuhoofoor wute w'úne, abe n'aritanee t'eket i kaanuku éehin núuyemi bakan kéejube hágila Atambatun.

1 Korent 11:2

Íñj'endu ti kasokorooruun iŋi naane aa áribaŋinaam tu doon areyi fe, ni naane aa arijok nu sumoŋu súsuba b'iliikenuun bu.

1 Korent 11:23

Bonde bi kaliikenam fu béenuutina bu t'Anahaan u, abe íwufooruunwufoor bo yooŋ: Anahaan u Yesu, káajiim ki kajooheno ku, ayitayit humburu

2 Korent 5:21

Kiris ámusut káhinu kaahoofoor, bare Atambatun asejanosejan wuhoofoor wute w'úne. Áhinahin bondu kaanuku man úne kéehine ku t'afeeneŋ ni Kiris n'úyini káyemi bakan kéejube t'Atambatun.

Galasi 1:12

Ijamut ho t'an, ániit yooŋ aliikenam ho, bare Yesu *Kiris humuumo áwufooram fu ho.

Galasi 1:4

Yesu Kiris humuumo ásikasik síhiinio asaan kaanuku eefakan úne tu wuhoofoor wu. Aramaram úne ti sembe site t'etaam ite hahiye yeejakut yee, naane t'Atambatun Faaf úne ámaŋie du.

Galasi 3:13

Yesu Kiris áwuumee fu eeram úne t'úware du yéeni káwuumiee iŋi naane újeŋginut i Eluwa i ereyi, ábuki Míkiñjin mu meenaan: «An fe eekobee ti kaaland kite nunukanuk eeyoolee toko, Atambatun káwuumio.»

Efees 1:7

Ti halan hite Kiris t'Atambatun arame fu úne ti meejakut mu, abe n'aboŋket úne yooŋ wuhoofoor wute w'úne. Iyu a áwufoore fu úne kajaku koone keehahe-hahe ku, n'áhin úne yooŋ núuwesinato, abe n'úniyo.

Efees 5:2

Árimaŋioori ko kireyi fe tu buroŋ boonuun naane *Kiris ámaŋie i úne. Ámaŋamaŋi úne, abe n'ásik buroŋ boone eesaan bo bija t'úne naane *kaasarah keehunde-hund t'Atambatun.

Esuwif i 5:1

Tu kúŋgowulan ku *t'asaraha ómbokun fe t'af'ajifanee, abe aŋ'anaŋee toko kaanuku éeyemi aroka ooniin bija t'Atambatun. Akina af'asarah Atambatun buroon b'ésuk i bimbi kásikino iŋ'ite wuhoofoor wooniin.

Esuwif i 5:3

Naane aamo i akina yooŋ húŋgowulan barebare, awarawar káhinu wusarah, káanukiiit iŋ'ite wuhoofoor wute ésuk i barebare, bare bija yooŋ tu woone wu akina humuumo.

1 Piyeer 1:11

Búwejet bite bu Kiris búmoomi tu boko, abe busoŋka busok sílaam s'aware su kajuku, nu buroon béewarie-warie beeja bu káseina. Eyiŋana yendu ni kaŋes yooŋ kámeyi kaakaŋ, nu buŋ bu bondu bija fu kabaju.

1 Piyeer 2:24

Akina *t'ekuruwa i, ayitayit t'enio wuhoofoor wute w'úne, kaanuku man n'úwasoor ni kaahoofoor ku núuyooso tu buroŋ beejoŋoore. Hee, iŋi busontaay bite bu Kiris h'aribaje fu káasuumaay.

1 Piyeer 3:18

Múniyo Kiris humuumo aketaket hifeeneŋ, abe hiraanu, bija tu wuhoofoor wute kúŋgowulan ku. Akina eeemo u an eejake n'aket bija t'énafuta, kaanuku éehinuun ariibukan n'Atambatun. Enio yi kayoole fu, bare n'ábatikannee buroŋ tu Búwejet Beenabe bu.

1 Saaŋ 2:2

Akina awune fu enio *yeesarahee kaanuku man wuhoofoor wute w'úne nu wuboŋketee. Káanukiiit wute w'úne barebare, bare bija yooŋ nu wute bakaaku kúŋgowulan fe.

Kafeeñal ku 1:5

Yesu *Kiris yooŋ, aseede éejube u aja ásoniyanuun, abe n'awunuun káasuumaay, akina eeemo u átiyar u dók ti karitanee t'eket i, akina eeemo u áyi ite bákayi ku t'etaam i. Kiris ámaŋamaŋi úne, abe n'aram úne tu wuhoofoor wu ni halan hoone héeyuusee hu.