1 Korent 15:2 - Kwatay (Kuwaataay)

² Te ho t'Atambatun aja fu kaŋaasu eefakanuun, kane arko ariijok ho naane t'ibine du isokuun ho. Káhinaate iyu, n'aŋ'áami áriiyilen fuufu.

1 Korent 15:2 ပူးပေါင်းရင်းမြစ်များ

Hirim Heetoofe hu hi Luk akiñje hu 8:13

Bakaaku kámoomi naane t'arkee du bilaaliñj. Iŋi kajam hirim hu, abe ni kajok ho atoof. Bare híbajaariit ñuyoot. Iŋi káyilen t'ewahatu kep, abe Setani af'aŋes káhiniiin keehoofoor, n'iŋi kawasan káyilen kooniin.

Epotor i 2:47

Iŋi kasokoroor Atambatun, abe ésuk i ereyi fe n'émaŋiiin. Húnakonak fe Atemit ti káwutiyeniin bakan keefake éyeni.

Epotor i 8:13

Simoŋ humuumo n'áyilen, abe n'abostee. Aŋ'ariboor ni Filip kep, abe n'aŋ'ajahale dómbokun hah'ajuko ti káhinu buroon beehaŋe bu ésuk i kikaw.

Eleetar i yi Pool akiñje i bakate ku Rom 1:16

Ifuñeit kawaare Hirim Heetoofe hu: ho heemo fu sembe site Atambatun sans'afakan ne so an fe éeyilene, éejabin t'Esuwif i, abe n'ahabanooro ti keenooto ku Esuwif.

Eleetar i yi Pool akiñje i bakate ku Rom 11:22

Náami arijondoman fee ti kajaku kite Atambatun ni naane atoofut i yooŋ nu hoone: atoofut nu hoone ti kéejeŋginaariito ku, abe o kajaku t'aruun, kane arko aririiko ti kajaku koone. Káhinaate iyu, n'aŋ'arifiitee yooŋ naane biland.

1 Korent 1:18

Múniyo kawaare kite eket ite *Kiris *t'ekuruwa i, bakan keeemo ku tu bútowuto bu kajokajok ko naane beeñunut. Bare t'úne keeemo ku ti bítim bite kafaku ku, diyu sembe site Atambatun.

1 Korent 1:21

Múniyo kúŋgowulan ku nu búwesinato booniin fe kámeyiit Atambatun, abe bondu Atambatun áhine fu bo nu búwesinato boone. Náami Atambatun áhabaneina fu kaanuku eefakan *kéeyilene ku ni hirim hih'iriwaare heeemo hu naane heeñunut.

1 Korent 11:2

Íñj'endu ti kasokorooruun iŋi naane aa áribaŋinaam tu doon areyi fe, ni naane aa arijok nu sumoŋu súsuba b'iliikenuun bu.

1 Korent 15:14

Abe arko Kiris áriteinoot t'eket i, n'aŋ'áami kame kawaare kite k'uni káfiiten, káyilen koonuun yooŋ káfiiten.

2 Korent 2:15

Ábuki t'Atambatun úne úemo fu naane haaw heetoofe hite hu Kiris hihi hireeŋ ésuk i. Ti keeemo ku ti kafaku ku, úne haaw heejake hite buroŋ hihi hibin nu buroŋ bu; bare ti keeemo ku tu bútowuto bu, úne haaw heejakut hite eket hihi hibin n'eket i. Aañ áyinie káhinu burok naane bondu?

2 Korent 6:1

Makamu iŋ'irirok n'Atambatun, uni bokondu ti kaanuuun waasuun, atum'árihin kásoniyan k'Atambatun ásoniyanuun ku kéeyemi kite fuufu.

Galasi 3:4

Butum b'arijuke bu fe bite fuufu? Ayinaat káyemi bare bite fuufu.

Efees 2:8

Múniyo iŋi kajaku kite k'Atambatun h'arifake fu, ábuki áriyilenayilen te o. T'áruuniit tu bondu búnuutina, Atambatun awunuun fu bo.

Kolos 1:23

Bare ariwarawar kajoku alitee ti káyilen ku, abe n'arisiiŋo te ko ayanee. Atum'áriwuŋg kiñaawu eyakar y'aribaje i huta h'aŋ'aribin arijam Hirim Heetoofe hu. Hirim hondu Heetoofe hu huwaareewaare kúŋgowulan ku fe t'etaam ye, abe íñje Pool, burokam hahiyu kawaare ho.

2 Tesalonik 2:15

Náami kújakuwe, arijok alitee, abe n'arinaŋ ti kikawuun b'irijoŋoore bu n'aruun iriiliikenuun, man yooŋ b'írikiñjinuun bu.

2 Timote 1:9

Akina afakane fu úne, abe n'aruw úne kaanuku núuyemi bakan koone keenabe. Káanukiiit man úne únoŋke ajakee, bare aŋarkeyi naane búmoomi ti hikawo, abe yooŋ ámaŋamaŋi káwufoor úne kajaku koone. T'etaam i éwuwanoorutee, aanaan o kaŋaasu ti Yesu *Kiris éewufoor úne kajaku koone.

Esuwif i 10:23

Újok alitee t'eyakar i yuy'úwaare iye, ábuki úmoomi kaanuku Atambatun káhinu b'asoke bu.

Esuwif i 2:1

Iŋ'ite ho aamo fu úwarawar kahaŋu kajoku alit tip tu múniyo m'újame mu, utum'úbin útowutanee.

Esuwif i 3:14

Uf'újok alit tip t'eyakar y'úbaje i huta h'újabe hu káyilen ku bija yooŋ tu hunak hiraanu hu, n'uŋ'úbaj húrub ti *Kiris.

Esuwif i 3:6

Bare *Kiris ájubajub naane Añi i Faafo asaane enuuf yeene aano áyemi hikaw hu. Abe enuuf yeene yeemo fu úne, kane arko kikaw úne keeyaŋg, abe n'únaŋ sihel site s'úne yooŋ tu doon d'úyakare du.

Esuwif i 4:14

Úbajabaj *asaraha ómbokun, o aamo fu Yesu, Añi ite Atambatun. Akanakan bufor bu eeja t'Atambatun. Náami újok alit tip ti káyilen kite k'úne.

Saak 2:14

Kújakuwe, an af'aŋ'aane abajabaj káyilen, abe bare ánoŋkaariit ajakee, bibajabaj fíya éñjeriŋ? Káyilen kondu kúnoonio fíya kafakan?

Saak 2:17

Iyu yooŋ i káyilen ku keemo fu: an af'áyilen barebare, abe áwufoorut ko tu hunoŋk hoone heejake hu, káyilen koone keekete.

Saak 2:26

Húŋgowulan heebajut síhiinu, o an eekete. Káyilen yooŋ keeriboorut ni manoŋkar meejake, ko yooŋ keekete.