1 Korent 1:9 - Kwatay (Kuwaataay)

⁹ Atambatun áwasaariit báhamin b'asoke, akina eeruwuun u kaanuku áriihin t'afeeneŋ n'Añio Yesu Kiris Anahaan ite úne.

1 Korent 1:9 ပူးပေါင်းရင်းမြစ်များ

Májiye 24:35

Etaam i nu bufor bu kamoosen, bare báhamin búuma iti biket hikee-kee.

Saaŋ 17:21

Faafa, íñj'endu ti kalawu kaanuku man kareyi fe ni káyemi afeeneŋ, naane a̱amo i t'íñje, n'íyemi yooŋ t'awe; kéeyemi tu wane afeeneŋ, man bakate ku t'etaam i ni káyilen kaanuku awe á̱boñinam fu.

Eleetar i yi Pool akiñje i bakate ku Rom 11:17

Bakate ku *Israyel kámoomi naane *núolifiye neenawee, abe bike biland ni bifiitee. Aruun keenooto ku Esuwif n'áriyemi naane biland bite nike neenoŋke néelooñin, abe ni bísikee beesukenee ti baabu bifiitee du. Hahiyu halan huhu húnuutin ti kíjiŋ kite nunukanuk nondu neenawee nu ufu huwunuun sembe.

Eleetar i yi Pool akiñje i bakate ku Rom 8:28

Úmoomi kaanuku doon fe deeyino kabaju kéemaŋie ku Atambatun, bokondu k'aruwe ku naane t'afiye du asok, aŋ'áhin do déeyemi deejake bija ti káasuumaay kooniin.

Eleetar i yi Pool akiñje i bakate ku Rom 8:30

Bakan kéekinineŋe ku Atambatun n'asoŋk bíhabaneina tu bondu, aruwiinruw yooŋ; k'aruwe ku, ajokiinjok yooŋ bakan kéejube; k'ajoke ku bakan kéejube, áhiniinhin yooŋ keemaat ti kániku koone.

Eleetar i yi Pool akiñje i bakate ku Rom 9:24

Abe bakan kondu kaamo fu úne, úne k'aruwe ku, káanukiiit t'Esuwif i barebare, bare ti keenooto ku yooŋ Esuwif.

1 Korent 1:30

Atambatun áhinuunhin t'afeeneŋ ni Yesu Kiris, abe akina Kiris ákinineŋe fu n'úmeyi búwesinato béenuutina bu t'Atambatun. Akina ákinineŋe fu yooŋ Atambatun n'ajok úne bakan kéejube, n'ajifan úne núuyemi bakan koone, abe n'áhin úne núufak tu wuhoofoor wu,

1 Korent 10:13

Buroon bimbi biñakuun ariiney tu wuhoofoor buwayeit ni bimbi biñak yooŋ bakaaku tu wuhoofoor wu. Atambatun áwasaariit báhamin b'asoke, abe at'awas hikee bike beehaŋuun sembe beebajuun. Af'áriyemi ti kañakiee ti kaahoofoor kep, Atambatun kawunuuun sembe site kajoku alitee, aamo fu efehe yite kafaku ku.

1 Korent 10:16

Uŋ'úene Atambatun eyeehen bija t'ekot ite kásoniyan ku. Uf'úyemi tu búhujo te yo, bondu búwufoorut kereŋ kaanuku uŋ'úmaat úreyi fe tu buroon beejake bite bu Kiris, halan hoone héekinineŋ? Abe humburu huh'úfiitar, uf'úyemi ti kateŋu ho, bondu búwufoorut kaanuku úhinahin t'afeeneŋ ni Kiris iŋ'ite eni yeene?

2 Korent 1:18

Iisokuun bonde hágila Atambatun eeemo u báhamino bifeeneŋ taŋ: h'irienuun hu «hee», áaaiit éyemie fu ti sihel site s'uni.

Galasi 1:15

Bare Atambatun afiyafiya ajifanam t'ibukoorutee, abe n'aruwam ti kajaku koone. Abe h'áhabaneina hu

Galasi 2:20

Náami aŋkut áami íñj'eemo fu tu buroŋ bu, bare Kiris aamo fu tu buroŋ bu t'íñje. Buroŋ bite t'etaam ye b'eemo bee te bo hahiye, íñj'endu te bo ti káyilen ku t'Añi ite Atambatun éemaŋiam u, abe n'ásik síhiinio asaan bija t'íñje.

Efees 3:6

Béenuusee bondu iye i bije fu: makamu keenooto ku Esuwif káyilenayilen ti Hirim Heetoofe hu, boko yooŋ kabaju húrub t'ebaj y'Atambatun anaŋe i bija t'Esuwif i. Káhinahin t'afeeneŋ n'Esuwif i, abe boko yooŋ kamaatu ti b'Atambatun aane bu o káhinu bija ti bakan koone tu huruwu hite Yesu Kiris.

Kolos 1:24

Hahiyu, hikawam hutoofa naane ii ijuk iye sílaam uŋu hoonuun hu. Ábuki íñj'endu ti kajuku sílaam kep t'eniam, kaanuku man n'íyokunan eni yite Yesu yeeemo i *kéeyilene ku, abe n'íreeŋinan yooŋ sílaam site *Kiris seeŋeñene su.

1 Tesalonik 2:12

Iririmuunrim, n'iriyaŋgananuun kikaw, n'irilawuun yooŋ abe n'irisooñoor, kaanuku man buroŋ boonuun ni biriib naane t'Atambatun ámaŋie du, akina eeruwuun u kaanuku ariiyooso ti Jáyi joone ariijuk kániku koone.

2 Tesalonik 2:14

Bondu b'Atambatun aruwuun fu, éeŋaasann bo ti Hirim Heetoofe h'irisokuun hu, kaanuku man kikawuun nu kutoof yooŋ iŋi kániku kite Anahaan ite úne Yesu *Kiris. Bondu bibajabaj aŋarkeyi naane áriyilenayilen tu múniyo mu; bibajabaj yooŋ ti sembe site Búwejet Beenabe bu, béehinuun bu áriiyemi bakan kite Atambatun.

2 Tesalonik 3:3

Anahaan u áwasaariit hirim h'asoke; o kawunuuun sembe, abe n'ajukaruun ti Setani.

2 Timote 1:9

Akina afakane fu úne, abe n'aruw úne kaanuku núuyemi bakan koone keenabe. Káanukiiit man úne únoŋke ajakee, bare aŋarkeyi naane búmoomi ti hikawo, abe yooŋ ámaŋamaŋi káwufoor úne kajaku koone. T'etaam i éwuwanoorutee, aanaan o kaŋaasu ti Yesu *Kiris éewufoor úne kajaku koone.

2 Timote 2:13

Ufut'úyemi bakan kéejube, o abaa káyemi an éejube, ábuki ayinaat kawasu báhamin b'asoke.»

Eleetar i yi Pool akiñje i Tit 1:2

Iyu, n'uŋu bukuuriin kaanuku boko kabaju buroŋ béehabanaariit bu. Huta hu t'etaam i éwuwanoorutee, Atambatun éejuusaariit u asokasok aane o kawunu úne buroŋ bondu.

Esuwif i 10:23

Újok alitee t'eyakar i yuy'úwaare iye, ábuki úmoomi kaanuku Atambatun káhinu b'asoke bu.

Esuwif i 11:11

Káyilen kíkinineŋe fu Saara, naane aamo i ámeyiit kaharat, Atambatun n'áhino éeyini kabaju añi, abe yooŋ o káahaanin húluj. Bukuurokuur kaanuku an eeeno u o kabaju añi ámoomiee káwoolu.

Esuwif i 2:17

Iŋ'ite ho h'aware fu kanokoor ni bakano tu doon areyi fe, kaanuku eebin éeyemi *asaraha ómbokun u, éemeyie kayubiyen an, abe n'ájub tu burok boone hágila Atambatun. Iyu a áyinie fu kásiku buroŋ boone eesarah kaanuku man wuhoofoor wute ésuk i nu wuboŋketee.

Esuwif i 3:1

Kújakuwe, iŋ'ite ho aamo fu aruun keenabe ku, aruun k'Atambatun aruwe ku, arijondoman ti Yesu. Akina a Atambatun aboñe fu éeyemi *asaraha ómbokun u. Íriyilenayilen bondu, abe bo b'if'iriwaare.

Esuwif i 3:14

Uf'újok alit tip t'eyakar y'úbaje i huta h'újabe hu káyilen ku bija yooŋ tu hunak hiraanu hu, n'uŋ'úbaj húrub ti *Kiris.

Esuwif i 6:18

Náami muroon músuba mondu miyinaatee kanuutan mike meesiiŋanee, abe Atambatun ayinaat biñako te mo. Mo miyaŋganane fu úne kikaw núujok t'eyakar y'Atambatun asoke i úne, úne keeemo ku t'ésamunan yeene.

1 Piyeer 5:10

Sílaam soonuun iti sifiyo dómbokun. Atambatun eehaŋe u émaŋia úne, aruwuunruw bite kániku koone kéehabanaariit ku aŋarkeyi naane árihinahin ni Yesu Kiris t'afeeneŋ. O humuumo karitanuun ariisiiŋo, n'ayaŋgananuun yooŋ ti kawunuuun sembe, abe n'asiiŋanuun t'ayane.

1 Saaŋ 1:3

B'irijame bu abe n'irijuk, iriisokuun bo yooŋ kaanuku man n'árihin n'uni t'afeeneŋ, naane írihine i t'afeeneŋ n'Atambatun Faaf u, n'Añio Yesu *Kiris.

1 Saaŋ 1:7

Bare uf'úkin ti meejaaŋe mu, naane Atambatun humuumo aamo i ti meejaaŋe mu, n'aŋ'áami úne *kéeyilene ku úhinahin t'afeeneŋ, abe halan hite Añio Yesu n'uŋu *hukuuran úne ti kaahoofoor kánokan.

1 Saaŋ 4:13

Iye u úmeyie fu kaanuku úhinahin t'afeeneŋ n'Atambatun, abe akina yooŋ n'áhin n'úne t'afeeneŋ: awunawun úne Búwejet boone.

Kafeeñal ku 19:11

Hunuut toko, n'ijuk bufor béefeŋginee, abe efaliñj yeefañje n'éŋaasin. An eerabee u te yo huruwu hoone Éejube u, huruwu hoone yooŋ Múniyo mu. Aŋ'ajoonan, abe n'átuum ajoŋooree.