1 Korent 1:2 - Kwatay (Kuwaataay)

² Uni bokondu ti kákiñjinuun aruun bakate ku Korent *kéeyilene ku, aruun k'Atambatun akino ku. Aruwuunruw kaanuku áriihin t'afeeneŋ ni Yesu Kiris, aruun ni bakaaku fe keeemo ku tánotan, kiŋki karuw huruwu hite Anahaan ite úne Yesu Kiris, Anahaan ooniin n'Anahaan ite úne toko.

1 Korent 1:2 ပူးပေါင်းရင်းမြစ်များ

Epotor i 10:36

Atambatun áboñinoboñin *t'Israyel Hirim Heetoofe hite káasuumaay ku, éeŋaasann káasuumaay kondu ti Yesu *Kiris eeemo u Anahaan ite ésuk i ereyi fe.

Epotor i 15:9

Te o úwayeit nu boko: akuuranakuuran ñúwejet ñooniin aŋarkeyi naane káyilenayilen.

Epotor i 18:1

Hunuut toko, Pool n'anuut Aten eeja Korent.

Epotor i 22:16

Hahiyu naŋ n'a̱nahan fu? A̱rito, a̱bostee, wuhoofoor wúuwe weeñawee, awe ti karuwu huruwu hoone.”»

Epotor i 26:18

Iiboñi a̱aja á̱feŋgin ñíkiniin, abe n'á̱nuutanniin t'ébaani i keebin ti meejaaŋe mu. Boko kánuutina ti sembe site Setani keebin t'Atambatun. Ifi káyilen t'íñje, wuhoofoor wooniin n'uŋu wuboŋketee, abe n'iŋi káyini kareyi ti bakan kite Atambatun.»

Epotor i 9:13

Anañas n'aano: —Anahaan u, ijamajam ti bakan keehooje mite m'ániine ondu, abe kasokamsok yooŋ naane álaamane i bakan kúuwe Serusalem.

Epotor i 9:14

Abe h'abine hii beebe, eseef ite esaraha i kawunowun sembe site kajoku ésuk i fe kiŋki kalaw tu huruwu húuwe.

Epotor i 9:21

Keejamo ku fe ni kajahale, abe n'iŋi kaanoor: —Ániine óndiiit kereŋ áyemie fu Serusalem ti káhihinoor kite kiŋki kalaw tu huruwu hite Yesu? Kajoku kóoniiniit k'abine fu beebe kaanuku eeja nu boko t'eseef ite *esaraha i?

Eleetar i yi Pool akiñje i bakate ku Rom 1:7

Aruun keeemo ku *Rom k'íkiñjina fee, aruun k'Atambatun ámaŋie ku arireyi fe, abe n'aruwuun kaanuku áriiyemi bakan koone. Atambatun Faaf úne, n'Anahaan u Yesu Kiris kaja kásoniyanuun, abe ni kawunuun káasuumaay.

Eleetar i yi Pool akiñje i bakate ku Rom 10:12

Náami Asuwif u n'eenooto u Asuwif, boko k'afeeneŋ ku. Anahaan afeeneŋ i kabaje fu aa ásoniyan dómbokun kiŋki karuwo fe.

Eleetar i yi Pool akiñje i bakate ku Rom 3:22

Kéejube ku t'Atambatun kaamo fu bakan ku fe kéeyilene ku ti Yesu *Kiris. Te o, kúŋgowulan ku kawayeit,

Eleetar i yi Pool akiñje i bakate ku Rom 8:28

Úmoomi kaanuku doon fe deeyino kabaju kéemaŋie ku Atambatun, bokondu k'aruwe ku naane t'afiye du asok, aŋ'áhin do déeyemi deejake bija ti káasuumaay kooniin.

1 Korent 1:30

Atambatun áhinuunhin t'afeeneŋ ni Yesu Kiris, abe akina Kiris ákinineŋe fu n'úmeyi búwesinato béenuutina bu t'Atambatun. Akina ákinineŋe fu yooŋ Atambatun n'ajok úne bakan kéejube, n'ajifan úne núuyemi bakan koone, abe n'áhin úne núufak tu wuhoofoor wu,

1 Korent 10:32

Manoŋkar moonuun itim mineyan ti kaahoofoor Esuwif i, ni keenooto ku Esuwif, ni *kéeyilene ku yooŋ ti *Kiris.

1 Korent 12:27

Náami aruun arireyi fe árihinahin eni efeeneŋ, yeeemo i yite i Kiris, abe huruw fe t'aruun ajokoorajokoor te yo.

1 Korent 8:6

T'úne bare Atambatun afeeneŋ taŋ abaje fu: o aamo fu Faaf u éewuwane u doon areyi fe, abe bija te o h'úemo fee buroŋ. Anahaan yooŋ afeeneŋ taŋ abaje fu: o aamo fu Yesu *Kiris, éekinineŋe u doon fe nu dúwuwin, abe n'ákinineŋ yooŋ n'úroŋ.

2 Korent 1:1

Íñje Pool eeemo u *apotor ite Yesu *Kiris naane t'Atambatun ámaŋie du, n'ati úne Timote írikiñjinuun fee aruun bakate ku Korent *kéeyilene ku, ni bakaaku fe bakate ku Akayi k'Atambatun akino ku.

2 Korent 4:5

Úniiit kumuum uni k'if'iriwaareuun, bare Anahaan u Yesu Kiris i if'iriwaareuun. Irijokoorajokooro naane eroka yeenuun iŋ'ite hu Yesu.

Galasi 1:2

Íñje ni *kéeyilene ku keeemo ku beebe fe írikiñjinuun fee aruun bakate ku Galasi kéeyilene ku. Uni bokondu ti kasokuuun bonde:

Efees 5:26

Áhinahin bondu kaanuku éekajiniin bija t'Atambatun. *Akuuraniinkuuran nu móhujo, ni hirim hu yooŋ.

1 Tesalonik 1:1

Íñje Pool, ni Silas, ni Timote, irikiñjuun fee, aruun bakate ku Tesalonik *kéeyilene ku, aruun k'Atambatun Faaf u, n'Anahaan u Yesu *Kiris kakino ku. Atambatun aja ásoniyanuun, abe n'awunuun káasuumaay.

1 Tesalonik 4:7

Atambatun aruwut úne kaanuku núuyemi bakan *keekuurut, bare kaanuku núuyemi bakan keenabe.

2 Tesalonik 1:1

Íñje Pool, ni Silas, ni Timote, írikiñjinuun fee, aruun bakate ku Tesalonik *kéeyilene ku, aruun k'Atambatun Faaf úne, n'Anahaan u Yesu *Kiris kakino ku.

1 Timote 2:8

Ímaŋamaŋi kaanuku tánotan fe, háyine hu n'iŋi kalaw, boko ti kayitu sumoŋiiin nu suhol seekuure but, itim kayiŋat, itim yooŋ kañakoor.

1 Timote 3:15

bibin búuma ufu búkuri, n'á̱meyi buŋ bu buroŋ bite an buware fu káyemi tu butoŋ bite Atambatun. Butoŋ bondu beemo fu bakate ku Atambatun eeemo u buroŋ *kéeyilene ku, keeemo ku naane hiñaan hítiyar hite enuuf tu múniyo mu miyaajee du.

2 Timote 1:9

Akina afakane fu úne, abe n'aruw úne kaanuku núuyemi bakan koone keenabe. Káanukiiit man úne únoŋke ajakee, bare aŋarkeyi naane búmoomi ti hikawo, abe yooŋ ámaŋamaŋi káwufoor úne kajaku koone. T'etaam i éwuwanoorutee, aanaan o kaŋaasu ti Yesu *Kiris éewufoor úne kajaku koone.

2 Timote 2:19

Bare káyilen k'Atambatun awune ku úne kiyanayan naane kiñaan kítiyar kite enuuf. Kirim konde kikiñjee fu toko: «Atemit ámoomi bakan koone.» Nu bonde yooŋ: «An fe eeene akina an ite Atemit áwuŋg meejakut mu hiñaawu.»

2 Timote 2:22

A̱tey wúfaŋi wute hiñiaate hu. A̱ŋes kajoŋoor ku, ni káyilen ku, ni kámaŋioori ku, ni káasuumaay ku. A̱ŋes bondu fe ni kiŋki kalaw Anahaan u nu suhol seekuure.

Esuwif i 10:10

Makamu Yesu Kiris áhina ahaban b'Atambatun ámaŋie bu, kaasarah k'áhine ku kite eni yeene, kifeeneŋ ku taŋ abe yooŋ kiraanu, kukuurana úne tu wuhoofoor wu.

Esuwif i 13:12

Iŋ'ite ho hi Yesu yooŋ akete fu tíyaŋ hikinu hu, kaanuku *eekuuran ésuk i ni halan hoone.

Esuwif i 2:11

Yesu aa *akuuran kúŋgowulan ku wuhoofoor wooniin, ni bakan keekuuranee ku, kareyi fe Faafiin afeeneŋ. Iŋ'ite ho hi Yesu áfuñaariit fu karuwiiin bakat'o ni bákaniino.

Eleetar i yi Sud akiñje i 1:1

Íñje Sud aroka ite Yesu *Kiris, íñje at'ute Saak íkiñjinuun fee aruun k'Atambatun Faaf u aruwe ku. Ámaŋiuunmaŋi, abe Yesu Kiris af'ajukaruun.

Kafeeñal ku 19:16

Kakiñjakiñj ti kájufa koone nu tu huboŋo huruwu honde: «Áyi ite bákayi ku, n'Anahaan ite kunahaan ku».