HECHOS 8:32 - Nduudu nʼdai yeⁿʼe Ndyuūs yeⁿʼe cuicateco yeⁿʼe Tepeuxila

³² Naachí n'geēⁿ sa yeⁿ'ē Escritura, chuū chii: Tan'dúúcā 'iiti cuūchī candɛ́ɛ yā 'iiti ní 'caaⁿ'núⁿ yā 'iiti. Tan'dúúcā 'iiti cuūchī 'lííⁿ nguɛ́ɛ́ ngii n'gai tī taachi ngií yā duudú tī 'tíícā nguɛ́ɛ́ n'dai yā cheendi yā.

HECHOS 8:32 ပူးပေါင်းရင်းမြစ်များ

SAN LUCAS 23:34

Tuu'mi ní taachi snée yā i'neeⁿnga'á yā, Jesús miiⁿ caⁿ'a yā: N'diī, Chiidá, nadich'ɛɛcú nī yeⁿ'e saⁿ'ā s'uuⁿ caati nguɛɛ déénu sá dɛ'ɛ̄ chi 'túúcā idiiⁿ sa. Tuu'mi ní soldados tun'dáa sa suerte na catecai Jesús chí ca'ā sa 'áámá sá ndúúcū taama sa.

SAN JUAN 1:29

Chi dɛɛvɛ táámá nguuvi ní Juan n'diichi sa Jesús ndaá yā naachi canee sa, níícú ngaⁿ'ā sa: Cun'diichí nī. 'Íngaā Jesucristo chi nguuví yā 'Ííti Cuūchī yeⁿ'é Dendyuūs chi nadivíí yā nuūⁿndī yeⁿ'e 'iiⁿ'yāⁿ yeⁿ'e íⁿ'yeēⁿdī.

HECHOS 8:31

Saⁿ'ā miiⁿ caⁿ'a sa: ¿Taacā cuuvi diíⁿ ti mar 'áámá 'iiⁿ'yāⁿ nguɛ́ɛ́ ngi'cueeⁿ yā 'úú? Ní neⁿ'e sa chi Felipe miiⁿ caa sa ní 'cuūndī sa ndúúcu sa.

ROMANOS 8:36

'Tíícā canéé nguūⁿ na libro yeⁿ'é Ndyuūs: Cáávā chi s'uuúⁿ ní yeⁿ'e di s'uuúⁿ nuuⁿmaⁿ nguuvi canee yú listo chi 'caaⁿ'núⁿ yā s'uuúⁿ cáávā di. Ní 'iiⁿ'yāⁿ diiⁿ cuenta yā chi s'uuúⁿ tan'dúúcā 'iiti cuūchī chi caⁿ'á yā 'caaⁿ'nuⁿ yā, 'tíícā s'uuúⁿ.

1 CORINTIOS 15:3

Vmnááⁿ vmnaaⁿ ní chi'cueéⁿ ndís'tiī chɛɛ chi más ca importante tan'dúúcā chi Cristo chi'cueéⁿ yā 'úú. Chuū chiiⁿ chi Cristo ní ch'īi yā cáávā nuuⁿndi yeⁿ'ē yú tan'dúúcā chi canéé nguūⁿ ndii cuááⁿ vmnaaⁿ na libro yeⁿ'é Ndyuūs.

1 PEDRO 1:19

Naati Ndyuūs nadanguáⁿ'ai yā ndís'tiī ndúúcū yuūúⁿ chi yaⁿ'ai chíí'vɛ̄ ti yuūúⁿ yeⁿ'e Cristo. Cristo ní ca'a yā maáⁿ yā cuerpo caavā ofrenda chi 'iiⁿ'yāⁿ s'eeⁿ 'caaⁿ'núⁿ ya 'yā. Ní Cristo miiⁿ tan'dúúcā 'áámá 'iiti cuūchī chi nguɛ́ɛ́ n'gai tī ní nguɛ́ɛ́ dɛ'ɛ̄ vɛɛ ndíí yeⁿ'e tī, 'tííca yā.