Kiŋwakti ki Gia 7:10 - Kiŋwakti ki Nyɔ Miŋkaiŋ Mifiaŋ

¹⁰ Bɔ nì wiliki bə ja yiləkəli dzaka a, “Mbɔiŋ dzəki num i Nyɔ wibuku wə wi kɔ wi shinum i kiŋkii wə bəh i Waiŋ Jaka wə.”

Kiŋwakti ki Gia 7:10 ပူးပေါင်းရင်းမြစ်များ

Ntum wi ndzɔŋni wə wi kɔ kɔm Jisɔs si Luk nì nyaka 3:6

ka bəni bəchi bi yɛiŋ si Nyɔ bwili bəni.”

Ntum wi ndzɔŋni wə wi kɔ kɔm Jisɔs si Jɔn nì nyaka 1:29

Si chɔkɔ ni buku wɔɔ, Jɔn yɛiŋ si Jisɔs dzəki, wi ka dzaka a, “Mbɛiŋ tsɛ̂iŋ, wələ kɔ Waiŋ Jaka wi Nyɔ wə wi dzɔki bwiliki chu bi mbi wələ!

Ntum wi ndzɔŋni wə wi kɔ kɔm Jisɔs si Jɔn nì nyaka 1:36

Wi dza yɛiŋ si Jisɔs nyaniki tsəki, ka dzaka a, “Mbɛiŋ tsɛ̂iŋ, wələ kɔ Waiŋ Jaka wi Nyɔ.”

Ntum wi ndzɔŋni wə wi kɔ kɔm Jisɔs si Jɔn nì nyaka 4:22

Mbɛiŋ bəni bə Samalia tsaki fiɛŋ fiə mbɛiŋ kiəki kə, ayaka buku Bəju tsa fiɛŋ fiə buku kiəki, kɔm mbɔiŋ tsəki dzəh i Bəju wə.

Ɛfɛsus 2:8

Mbɛiŋ kîəki a Nyɔ nì bwili mbɛiŋ a num kɔm shɔm yi yindzɔŋni yə wi nì chusi i mbɛiŋ tsə dzəh i shɔm yə mbɛiŋ nì jiə i Klistus wə. A num kə i kimfə kimbɛiŋ wə. A num kinya ki Nyɔ.

Kiŋwakti ki Gia 12:10

Mih dza wɔkɔ ja yi dzaka na bəh ŋga i tumi ki Nyɔ wə a, “Akɔ i liə Nyɔ ki bwiliki bəni bu, i chusiki ŋga bi bi nɔm, i sakaki ŋkuŋ bi, Kimbwili wi wə wi nì kaka ni chusi tə ŋga bi i nsaka wi wə. Yi nûm yaka i liə kɔm bə kɔ bə laaŋ shi mi wiwɔ i kuku wə wi ni shi kɔ i Nyɔ wibukumbɛiŋ nshiŋ, a num wə wi jiəki gia i bwa bə nih bəbukumbɛiŋ fuŋ nshiŋ bəh nchɔkɔ.

Kiŋwakti ki Gia 19:1

Si yəmaka nì tsə, mih dza wɔkɔ fiɛŋ fii i tumi ki bɛiŋ wə aka mbaŋ wi bəni wimbum, wili a, “Kiŋkɔksi nûm i Nyɔ wibuku wə. Akɔ wi wə wi bwiliki bəni, a kaŋaki wi mbum bəh ŋga.

Kiŋwakti ki Gia 21:5

Ayaka wi wə wi num i kiŋkii wə ka dzaka a, “Mbɛiŋ tsɛ̂iŋ, mih ni fə gia yichi i liə yi fiəni chu yimfiaŋ.” Wi chu dzaka i mih a, “Nyâka gia yələ i kiŋwakti wə, kɔm bəndzaka bələ kɔ bə ŋkɔŋ a num bə̀ bəni kɔ i jîəki mfi yɛiŋ wə.”

Kiŋwakti ki Gia 22:3

Fiɛŋ fiə Nyɔ kɔ wi faaŋ lɔiŋ yɛiŋ bi lansi numki kə i kwili wələ wə. A bi numki num kiŋkii ki Nyɔ bəh ki Waiŋ Jaka fɛiŋ. Bəni bu bə nɔm bi nyaki kiŋkɔksi kimbum i wi.

Kiŋwakti ki Gia 4:6

Fiɛŋ fidɔkɔ nì kɔ tə i kiŋkii kiwɔ nshiŋ ki bwɔsi kinchwɔ kimbum, kidɔkɔ kə ki baiŋki lə ghaiŋ aka mijwɔ. Biɛiŋ biwɔm bidɔkɔ binaa nì kɔ num bi fiəli tali kiŋkii kiwɔ bimbu bichi, num dzə́kəh jikə i bi wə nalə i ninshiŋ bəh i jum wə.

Kiŋwakti ki Gia 5:7

Waiŋ Jaka wiwɔ ka tsə dzɔ kiŋwakti kiwɔ i tsɛiŋ yiləkəli yi mi wə wi nì kɔ wi shinum i kiŋkii wə.