Kiŋwakti ki Gia 1:8 - Kiŋwakti ki Nyɔ Miŋkaiŋ Mifiaŋ

⁸ Bah Nyɔ dzakaki a ŋgaiŋ kɔ Alfa bəh Ɔmega. A num wə wi kɔ a num wə wi nì kɔ, a num wə wi kɔ bi dzə. A num wi Ŋga Bichi.

Kiŋwakti ki Gia 1:8 ပူးပေါင်းရင်းမြစ်များ

2 Kɔlɛn 6:18

Mih ni numki Ba wimbɛiŋ, mbɛiŋ num bwa mbəŋ bənyuku bəh bəkaŋa. Yələ gia dzaka Bah wə wi kaŋaki Ŋga Bichi.”

Kiŋwakti ki Gia 1:11

Yi nì dzakaki a, “Nyâka gia yələ wɔ yɛiŋki lə i kiŋwakti mə wɔ chîŋsi i bijuŋni bi bəni bə bumni nanitaŋ bɔ kɔ i tumi ki Ɛfɛsus, Similna, Bɛgamum, Tayatila, Saldis, Filadɛlfia bəh Lawdɛsia wə.”

Kiŋwakti ki Gia 1:17

Si mih yɛiŋ wi, ka gbɔ i wi nshiŋ ka numki aka kiŋkpili ki mi. Wi jiə tsɛiŋ yi yiləkəli i mih wə dzaka a, “Kiə wɔ ki lwâki kə. Akɔ mih Ninshiŋ a num mih Kiŋgɔksi.

Kiŋwakti ki Gia 1:4

Akɔ mih Jɔn, mih nyakaki kiŋwakti kələ i bijuŋni bi bəni bə bumni bə̀ nanitaŋ bɔ kɔ i kimbu ki mbi wi Ɛsia wə. Ma shɔm yi yindzɔŋni bəh kimbɔiŋni num i mbɛiŋ, ki dzə i Nyɔ wə wi kɔ, a num wə wi nì kɔ, a num wə wi kɔ i bi dzə. Ma kinduksi ki Nyɔ bəh kimbɔiŋni numki bəh mbɛiŋ, ki dzə tə i biŋ'waka biə nanitaŋ bi kɔ i kiŋkii ki nshiŋ,

Kiŋwakti ki Gia 11:17

Bɔ ni fəki yakadəiŋ, dzakayi a, “Buku nyâki kiyɔŋni i wɔ, Bah Nyɔ wə wi Kaŋaki Ŋga Bichi, akɔ wɔ wə wɔ kɔ i liə, a num wɔ wə wɔ nì kɔ wɔ si num. Buku nyâki kiyɔŋni kɔm wɔ kɔ wɔ dzɔ lɔ ŋga bia bimbum ka yisi i sakaki.

Kiŋwakti ki Gia 15:3

yəəŋ njaŋ wi Muses wə mi wi nɔm wi Nyɔ bəh njaŋ wi Waiŋ Jaka. Bɔ nì yəəŋki a, “Ɔ Bah Nyɔ wə Wi Kaŋaki Ŋga Bichi, biɛiŋ biə wɔ fə kɔ na bimbum bəh bi kaŋyini. Ɔ wɔ kɔ Ŋkuŋ i bitumi bichi, ayaka dzəh yə wɔ fəki gia yɛiŋ kɔ yi chəŋ bəh yi ŋkɔŋ.

Kiŋwakti ki Gia 16:14

Biŋ'waka biələ kɔ num bəchinda bə ŋkpɛli. Ayaka a num bɔ bə̀ bɔ fəki bənchəsi bə̀ bɔ chusiki ŋga bibɔ. Bɔ nyaniki tsəki i bəŋkuŋ bətumi wə bəchi, fa kuku juŋni bɔ a bɔ sisi jum yə yi bi numki i chɔkɔ bimbum bi Nyɔ wə wi Kaŋaki Ŋga Bichi.

Kiŋwakti ki Gia 16:7

Ayaka mih dza wɔkɔ ja yidɔkɔ buku i tɔŋ wi fəni wi gia wə tɔbi a, “Aaŋ, Bah Nyɔ wə Wi Kaŋaki Ŋga Bichi, wɔ təiŋyiki bənsaka ba biəli dzəh yi ŋkɔŋ bəh yi chəŋ!”

Kiŋwakti ki Gia 19:15

Nywɔ wi kwani wi jum nì bukuki i dzaka ki wə, a num wə wi bi tumdzi bitumi yɛiŋ wə, saka bɔ bəh ŋga bimbum. Wi bi bwili shɔm yi bɔkɔli yi Nyɔ wə wi Kaŋaki Ŋga Bichi chusi i bəni. Shɔm yi Nyɔ yələ kɔ yə yi fukusiki na bəh ŋga asi bə si dəiŋyi mitam mbih ləŋ buku.

Kiŋwakti ki Gia 19:6

Mih dza wɔkɔ fiɛŋ fi num aka ja yi mbaŋ wi bəni wimbum, yi fii aka ja yi bɔ́kɔ yə yi shiki i kaŋŋ wə, wam aka dzaŋ yə yi wamyiki bəh ŋga a, “Kiŋkɔksi nûm i Nyɔ wə, kɔm Bah wibukumbɛiŋ wə Nyɔ wə wi Kaŋaki Ŋga Bichi si saka lɔ.

Kiŋwakti ki Gia 2:8

Mi wiwɔ chu dzaka i mih a, “Nyâka kiŋwakti i chinda wi Nyɔ wə wi kɔ wi kijuŋni ki bəni bə bumni i Similna a, ‘Wələ kɔ ndzaka wi wəmaka wə wi kɔ wi Ninshiŋ a num wi Kiŋgɔksi. Akɔ wi wə wi nì kpi fiəni chu wiwɔm.

Kiŋwakti ki Gia 21:22

Mih nì ka yɛiŋ dəkə juŋ yi fəni yi gia i kwili wələ wə, kɔm Bah Nyɔ wə wi Kaŋaki Ŋga Bichi bəh Waiŋ Jaka nì kɔ num juŋ yi fəni yi gia fɛiŋ.

Kiŋwakti ki Gia 21:6

Wi chu fiəni dzaka i mih a, “Yi num lɔ. Akɔ mih Alfa, a num mih Ɔmega. Akɔ mih kin'yisi, a num mih Kiŋgɔksi. Mi wə kindɔŋ wɔmki wi mih ni nya lə wi bəh mwi mi dzəŋə mə mɔ nyaki nɔni wi mu maka wi gɔm fiɛŋ fidɔkɔ.

Kiŋwakti ki Gia 22:13

Akɔ mih Alfa, a num mih Ɔmega. Akɔ mih ninshiŋ, a num mih jum wə. Akɔ mih Kin'yisi, a num mih Kiŋgɔksi.”

Kiŋwakti ki Gia 4:8

Biɛiŋ biwɔm biwɔ binaa nì kɔ bi kaŋa mbəkəli bisɔ bisɔ, num bi jikə bəh dzə́kəh i bɛiŋ bəh i nichɛiŋ. Biɛiŋ biwɔ nì shiki yəəŋki nchɔkɔ bəh nshiŋ bɔh kə. Bi nì yəŋəki a, “Nyɔ baiŋki lə! Nyɔ baiŋki lə! Nyɔ baiŋki lə! Akɔ wi Bah Nyɔ wə wi Kaŋaki Ŋga Bichi. Akɔ wi wə wi nì kɔ wi si num lɔ, a num wi wə wi kɔ, ayaka wi num i ni dzə.”