Hibulu 4:3 - Kiŋwakti ki Nyɔ Miŋkaiŋ Mifiaŋ

³ I bukumbɛiŋ bə̀ bə kɔ bə bum, bi liəki lə i ŋ'waka wiwɔ wə. Ayaka i bəni bədɔkɔ bə̀ Nyɔ nì dzaka a, “Shɔm nì kɔ yi bɔkɔ mih, mih dzi ŋkaiŋ a, ‘Bɔ bi lansi liə kə i di mbiŋ bi wakani wə.’” Nyɔ nì dzakaki yakadəiŋ, a kɔbi a di bi wakani nì mɔŋ, kɔm nɔm wi nì kɔ wi kaa lɔ i chɔkɔ biə wi nì maa mbi.

Hibulu 4:3 ပူးပေါင်းရင်းမြစ်များ

Matiɔ 13:35

Wi nì fəki yakadəiŋ ka yi dzə kpɛiŋ asi mi wi ntum wi Nyɔ widɔkɔ nì dzaka a, “Mih bi wɛliki dzaka kəŋŋ a bəndi wə. Mih bi tɔyi gia yə yi nì num i nyumi wə i yisi asi bə nì maa mbi.”

Matiɔ 25:34

Wi wə wi kɔ Ŋkuŋ ni ka dzaka i bə̀ bɔ kɔ i tsɛiŋ yi yiləkəli wə a, ‘Bəni bə̀ Ba wuŋ kɔ wi bɔiŋsi bɔ, mbɛiŋ dzə̂ kwâti di i ŋkuŋ biə wi nì kɛiŋsi jiə i mbɛiŋ i yisi si bə nì maa mbi,

Ɛfɛsus 1:4

Na ka Nyɔ numki i maa mbi wələ wi nì kɔ wi sabibwili lɔ bukumbɛiŋ a bukumbɛiŋ bi chîŋni bəh Klistus bə baiŋki, bə nûm kiŋgbɔ kidɔkɔ kɔbi i wi nshiŋ. I kiŋkɔŋ ki wə,

Hibulu 3:11

Ayaka shɔm nì kɔ yi bɔkɔ mih, mih dzi ŋkaiŋ a, ‘Bɔ bi lansi liə kə i di mbiŋ bi wakani wə.’”

Hibulu 3:14

Mbɛiŋ kîəki a bukumbɛiŋ si num i fiɛŋ fimu wə bəh Klistus a i jɔbi wə bukumbɛiŋ ka kaŋa a gia yə bukumbɛiŋ ni num i yɛiŋ bɛiŋ i kikpu wə i tsə gɔksi.

Hibulu 9:26

A kabə num a yəmaka nì kɔ yi ŋkɔŋ, ma Klistus nì kaŋaki i kpiki fiəni dza, i fiəni kpiki i yisi na si bə nì maa mbi. Ayakalə, si yi kɔ, wi dzə a kpamu yi kaa yakadəiŋ. Wi dzə i jɔbi wələ wə i jɔbi wə mbi si kaa tsə i dzɔ gwu yi i fə mfə gia yɛiŋ, kpi i wɔkɔ bwili chu.

1 Bita 1:20

Nyɔ nì saiŋbwili wi na ka mbi yisi, ka chusi wi i chɔkɔ bi gɔksini biələ wə kɔm mbɛiŋ.