Hibulu 2:8 - Kiŋwakti ki Nyɔ Miŋkaiŋ Mifiaŋ

⁸ Wɔ jiə lɔ biɛiŋ bichi i mi wiwɔm chɛiŋ, wi bə́ saka.” Asi Nyɔ nì jiə biɛiŋ bichi i mi wiwɔm chɛiŋ, fiɛŋ fidɔkɔ kɔbi fiə fi mɔŋ i wi kaŋ. Na si yi kɔ yakadəiŋ, bukumbɛiŋ kɛiŋki ki yɛiŋ kə a biɛiŋ bichi kɔ i mi wiwɔm chɛiŋ.

Hibulu 2:8 ပူးပေါင်းရင်းမြစ်များ

Matiɔ 28:18

Jisɔs dza kini dzə dzaka i bɔ a, “Ba wuŋ kɔ num wi nya lɔ ŋga bichi i bɛiŋ bəh i kuku i mih.

Ntum wi ndzɔŋni wə wi kɔ kɔm Jisɔs si Jɔn nì nyaka 13:3

Si Jisɔs nì kɔ wi si kiə lɔ a Ba wi nya biɛiŋ bichi i wi kaŋ, bəh a wi nì nyə i Nyɔ wi fiəni tsə i Nyɔ,

Ntum wi ndzɔŋni wə wi kɔ kɔm Jisɔs si Jɔn nì nyaka 3:35

Tii Waiŋ kɔŋ Waiŋ, ka nya biɛiŋ bichi i wi kaŋ.

1 Kɔlɛn 15:27

Akɔ gia yə bə nì nyaka i Kiŋwakti ki Nyɔ wə a, “Nyɔ kɔ wi jiə lɔ biɛiŋ bichi i wi chɛiŋ.” Ayakalə, i dzaka a biɛiŋ bichi kɔ i wi chɛiŋ a kɔkə a Nyɔ wə wi jiə biɛiŋ bichi i wi chɛiŋ kɔ tə i wi chɛiŋ.

Hibulu 1:13

Akɔ i winaiŋ chinda wi Nyɔ wə Nyɔ num dzaka i wi a, “Shînum i tsɛiŋ yiŋ yiləkəli wə, i tsə̂ bûku jɔbi wə mih bi nɔsiki bəni ba bə̀ bɔ baiŋŋki wɔ i wɔ nshiŋ ka kiŋgbɔkɔ ka ki gvu, wɔ tɔmyi gvu ya i bɔ bɛiŋ?”

Hibulu 1:2

Ayakalə, i chɔkɔ bi gɔksini biələ wə, wi dzakaki lə i bukumbɛiŋ i waiŋ wi wə. Akɔ waiŋ wi wələ wi kɔ wi saiŋbwili wi, jiə a wi ni numki ndzi kwili i biɛiŋ bichi wə. Ayaka a num wi wə Nyɔ nì maa mbi wələ bəh biɛiŋ bichi tsə i wi kaŋ.

Hibulu 2:5

Nyɔ nì ka jiə dəkə mbi wi dzəni wələ, wə bukumbɛiŋ dzakaki kɔm wi a, a bi sâkaki bəchinda bu.

1 Bita 3:22

Jisɔs Klistus wələ yaka lɔ i bɛiŋ ka shinum i tsɛiŋ yiləkəli yi Nyɔ wə, wi num fɛiŋ bəchinda bə Nyɔ bəh biŋ'waka biə bi kaŋaki ŋga bəh biŋ'waka bichi biə bi sakaki num i wi chɛiŋ.

Kiŋwakti ki Gia 1:18

Akɔ mih wə mih kɔ wiwɔm. Mih nì kɔ mih kpi, ayakalə tsɛ̂iŋ, mih fiəni chu wiwɔm, mih num i ni numki jɔbi wichi. A kaŋaki mih biŋ'wɛli bi kpi bəh bi tumi bi bəni bə kpili.

Kiŋwakti ki Gia 1:5

bəh i Jisɔs Klistus a num wi wə wi si chusi gia yi ŋkɔŋ kɔm Nyɔ i bəni. A nì kɔ wi mi wi ninshiŋ i fiəni dza i kpi wə. Ayaka akɔ wi wə wi sakaki bəŋkuŋ bəchi fa kuku. Akɔ wi wə wi kɔŋki bukumbɛiŋ, wi bwili bukumbɛiŋ i chu bibukumbɛiŋ wə bəh mwa mu.