Kiŋwakti ki Nɔm 8:32 - Kiŋwakti ki Nyɔ Miŋkaiŋ Mifiaŋ

³² Di biə wi nì faaki i Kiŋwakti kiwɔ wə nì dzakaki a, “Wi nì kɔ aka shwaŋ yə bə tsəki i kum, wi chu num tə aka waiŋ jaka wə bə kəə kiluli ki, yi də kə. Akɔ yakadəiŋ tə si wi nì kɔ a mɔŋ.

Kiŋwakti ki Nɔm 8:32 ပူးပေါင်းရင်းမြစ်များ

Ntum wi ndzɔŋni wə wi kɔ kɔm Jisɔs si Luk nì nyaka 23:34

Jisɔs dza dzaka a, “Ba, dâlinya chu bi bəni bələ, kɔm bɔ kiəki kə gia yə bɔ fəki.” Bəni bəwɔ dzɔ bəmbuŋ bə Jisɔs, ka tum kaaŋ yɛiŋ i gaa bəmbuŋ bəwɔ i bɔ kintəəŋ.

Ntum wi ndzɔŋni wə wi kɔ kɔm Jisɔs si Jɔn nì nyaka 1:29

Si chɔkɔ ni buku wɔɔ, Jɔn yɛiŋ si Jisɔs dzəki, wi ka dzaka a, “Mbɛiŋ tsɛ̂iŋ, wələ kɔ Waiŋ Jaka wi Nyɔ wə wi dzɔki bwiliki chu bi mbi wələ!

Kiŋwakti ki Nɔm 8:31

Wi chukuli a, “Mih kɔ i wɔkɔ kiə dəiŋ maka mi fuku baiŋsi yi i mih a?” Wi ka dzaka a Filib yâka nûm bəh wi i kɔdɔk wiwɔ wə.

Kiŋwakti kə Baul nì nyaka i kijuŋni ki Lum 8:36

Yi kɔ num bə nyaka a bəni bədɔkɔ nì dzakaki i Nyɔ a, “Buku tsɛiŋki tsəki kpi chɔkɔ bichi kɔm wɔ. Bəni dzɔki buku aka shwáŋ yə bə tsəki i kum.”

1 Kɔlɛn 15:3

Mbɛiŋ kiəki a mih nì nya fiɛŋ i mbɛiŋ fi num fi ninshiŋ i biɛiŋ bichi. Ayaka, a num a fifiə bə nì nya i mih. Gia yiwɔ num a Klistus nì kpi kɔm chu bibukumbɛiŋ a liŋ asi bə nì nyaka i Kiŋwakti ki Nyɔ wə,

1 Bita 1:19

Wi nì təiŋ num bəh mwa mi Klistus mɔ kɔbi fiɛŋ fi kilɔlɔ, mə mɔ kɔ ka mi waiŋ jaka wi mfə gia wə wi kaŋaki kə chu bidɔkɔ nabə gia yi kiŋgbɔ yidɔkɔ.