Kiŋwakti ki Nɔm 17:25 - Kiŋwakti ki Nyɔ Miŋkaiŋ Mifiaŋ

²⁵ Wi dzaki kə fiɛŋ fidɔkɔ fiə wi tsɛiŋki a mi nɔm i wi, kɔm akɔ wi wə wi nyaki bəni bəchi kiŋ'waka ka bɔ numki bəwɔm bəh biɛiŋ bichi biə bɔ nəŋki.

Kiŋwakti ki Nɔm 17:25 ပူးပေါင်းရင်းမြစ်များ

Matiɔ 5:45

Ayakadəiŋ, mbɛiŋ ni numki bwa bə Ba wimbɛiŋ wə wi kɔ i bɛiŋ. Akɔ wi wə wi si fə ka wɔŋ baiŋki i bəni bəchu wə bəh i bəndzɔŋni wə. Asi faaŋ wi tə dzaŋ a yi dzə i bəni bə̀ bɔ fəki gia yi chəŋ, bəh i bə̀ bɔ fəki kə gia yi chəŋ.

Matiɔ 9:13

Mbɛiŋ tsə̂ kwaka yɛiŋ a fwu wi gia yə bə nyaka si Nyɔ dzakaki a, ‘Mih nəŋki a bəni kwâsiki num nshɛiŋ i bəni wə, mih nəŋki kə a bə fə̂ki gia i mih’, yəmaka kɔ a nə a? Mbɛiŋ kîə a mih ka dzə dəkə i bɔɔŋ bəni bə̀ bɔ kɔ chəŋ. Mih dzə i bɔɔŋ num bə̀ bɔ kɔ bəchu.”

Kiŋwakti ki Nɔm 14:17

Ayakalə, wi ka fəki a gia yə yi ndzɔŋki i bəni, i chusi a ŋgaiŋ kɔ lə. Wi ka nyaki bɔ bəh dzaŋ, bɔ kwati dzɛiŋ i jɔbi wi ndzɔŋni wə, bɔ dzi wɔkɔ ndzɔŋni.”

Kiŋwakti ki Nɔm 17:28

Gia yələ kɔ a liŋ asi mi widɔkɔ nì dzaka lɔ a, ‘Akɔ wi, wi fəki ka bukumbɛiŋ nɔki, nyani, chu num asi bukumbɛiŋ kɔ.’ Mi wimbɛiŋ wi kichum widɔkɔ nì dzaka tə a, ‘Buku tɔksi kɔ bwa bu.’

Kiŋwakti kə Baul nì nyaka i kijuŋni ki Lum 11:35

Akɔ ndə wə wi num nya Nyɔ bəh fiɛŋ ka Nyɔ bi fiəni gɔm wi a?”

1 Timɔti 6:17

I kimbu ki bəni bəmbum i fa mbi wələ wə, wɔ dzâka i bɔ a kiə bɔ ma ghâŋsiki gwu. Kiə bɔ ki jîə kə mfi bibɔ i mbum wə, bi num i dza kaa. Bɔ jîə mfi num i Nyɔ wə wi shukuki biɛiŋ bichi a bukumbɛiŋ wɔkɔki ndzɔŋni yɛiŋ.