Mateo 20:32 - Majepacʉ jʉ̃menijicʉi yávaiye mamaene coyʉitucubo

³² Que teni ʉ̃́re cod̶oboboivʉre jápiayʉ Jesús, dajocarejame. Aru apevʉre cutuicõjenejame ina pʉcarã jã́ri eabevʉre ʉ̃i yebai. Eaivʉre, Jesús jẽniari jã́rejame náre: —¿Aipe d̶acaji yʉ mʉjare? arejame ʉ̃.

Mateo 20:32 ပူးပေါင်းရင်းမြစ်များ

Mateo 20:21

Aru Jesús jẽniari jã́rejamed̶a ṍre: —¿Yéde d̶acaji mʉre? arejamed̶a. Ʉ̃́re arejacod̶a: —Dobaicõjejacʉ ina jímara pʉcarãre mi yebai, cũinácʉre meapũravʉi aru apecʉre cãcopũravʉi, mi jabotequinʉmʉ maquinóre, arejacod̶a õ.

Mateo 20:31

Ina obedivʉ põeva náre arĩdurejaima: —Bi ajarã mʉja, arĩdurejaima. Ʉbenita pʉeno baju cod̶oboborejaima cojedeca: —Mʉ, ñʉje jabocʉ, David bácʉi pãramecʉ, cõmaje ãroje jã́jacʉ ñʉjare, arejaima na.

Mateo 20:33

Ʉ̃́re arejaima na: —Mʉ, ñʉje jabocʉ, jã́ri eabevʉbu ñʉja. Ʉrarõ jã́iyʉrivʉbu ñʉja, arejaima.

Hechos 10:29

Que baru yʉre mi órejaiye báquede jápiarĩ, cũiná jʉ arĩ, davʉ yʉ mi yebai. Que baru coyʉjacʉ yʉre. ¿Aipe teni daicõjecʉrʉ̃ mʉ yʉre? arejamed̶a Pedro.

Filipenses 4:6

Aru caiye iye mʉjare vaiyede, cãrijimejara mʉja. Ʉbenita caiye iye mʉjare vaiyede, torojʉede jíni Jʉ̃menijicʉre, coyʉjarã ʉ̃́re mʉjare jaʉéde. Aru jẽniajara ʉ̃́re mʉje jẽniaiyede máre.