Mateo 14:8 - Majepacʉ jʉ̃menijicʉi yávaiye mamaene coyʉitucubo

⁸ Jípaco jẽniaicõjenejacod̶a ṍre. Aru ico nomió bojʉyo arejacod̶a Herodede: —Jíjacʉ yʉre carijĩe Juan Bautistai jipobʉre jororʉque, arejacod̶a õ.

Mateo 14:8 ပူးပေါင်းရင်းမြစ်များ

Mateo 14:11

Burarĩ bʉojarĩ, jororʉque nʉvari, jídejamed̶a ico nomió bojʉyore. Aru jídejacod̶a jípacore, õi majicojiyepe ad̶o Juan Bautista bácʉ jãve yaiyʉ́ bácʉre.

Mateo 14:7

Que baru parʉéque arejamed̶a ṍre: —Jíquijivʉ mʉre yéde mi ʉrõre. Yʉre ñájine d̶ajacʉrĩ Jʉ̃menijicʉ, ji d̶abedu yópe ji ainope, arejamed̶a.

Mateo 14:9

Õi jẽniainore jápiarĩ, chĩorejamed̶a ñai jabocʉ. Ʉbenita ʉ̃i aiye báque boje parʉéque ʉ̃i cutuimara ne jápiaiyede, jícaicõjenejamed̶a ṍre.

Marcos 6:24

Náre jocarĩ, etarĩ nʉri, jẽniari jã́rejacod̶a jípacore: —¿Yéde jẽniaji ʉ̃́re? arejacod̶a. Aru jípaco jẽniaicõjenejacod̶a ṍre: —Juan Bautistai jipobʉre jẽniajaco, arejacod̶a.

Marcos 6:25

Maumena copainʉri ñai jabocʉ yebai, arejacod̶a: —Jíjacʉ yʉre carijĩe Juan Bautistai jipobʉre jororʉque, arejacod̶a õ Herodede.

Marcos 6:28

Ãmeina teivʉre jẽni jacoiñami nʉri, burarĩ bʉojarĩ nʉvarejamed̶a Juan Bautista bácʉi jipobʉre jororʉque. Jídejamed̶a ico nomió bojʉyore. Aru jídejacod̶a jípacore, õi majicojiyepe ad̶o Juan Bautista bácʉ jãve yaiyʉ́ bácʉre.