Mateo 14:27 - Majepacʉ jʉ̃menijicʉi yávaiye mamaene coyʉitucubo

²⁷ Ʉbenita maumena ñʉjare coyʉrĩ, arejame Jesús: —Parʉéque dápiajarã. Yʉ́tamu Jesús. Jidʉbejarã mʉja, arejame ʉ̃.

Mateo 14:27 ပူးပေါင်းရင်းမြစ်များ

Mateo 14:28

Dinʉmʉma Pedro arejame ʉ̃́re: —Mʉ, ji jabocʉ, jãve mʉ maru, yʉre daicõjejacʉ mi yebai, oco pʉenora, arejame ʉ̃.

Mateo 17:7

Ʉbenita Jesús ne yebai nʉri, náre tʉorĩ, arejamed̶a: —Nacajajara mʉja. Jidʉbejarã, arejamed̶a Jesús.

Mateo 28:10

Que teni Jesús arejamed̶a náre: —Jidʉbejarã mʉja. Jívʉre yópe arĩ, coyʉrãnʉjara mʉja, “Galileai nʉri, noi yʉre jã́ranʉjara mʉja, aibi Jesús”, náre ajarã mʉja, arejamed̶a dinomivare Jesús.

Mateo 28:5

Aru ñai ángele arejamed̶a ina nomivare: —Jidʉbejarã mʉja. Coreóvaivʉ yʉ voivʉre Jesúre, ne jocʉcʉjaravena pẽvaimʉ mácʉre.

Mateo 9:2

Apevʉ ʉ̃mʉva nʉvarejaimad̶a ʉ̃i yebai cũinácʉ ʉ̃mʉ, nacajaiye majibecʉre, ʉ̃i parainoque. Coreóvayʉ bácʉ Jesús náre jʉ aivʉre ʉ̃́re, arejamed̶a ñai nacajaiye majibecʉre: —Mʉ, ji ʉmʉ, chĩomejacʉ. Mi ãmeina teiyede jarʉvarĩ, diede ãrʉmeteivʉ yʉ, arejamed̶a Jesús.

Marcos 6:50

Caivʉ ina ʉ̃́re jã́ri, pare cuecumarejaimad̶a. Ʉbenita maumena náre coyʉyʉ arejamed̶a: —Parʉéque dápiajarã. Yʉ́tamu Jesús. Jidʉbejarã mʉja, arejamed̶a náre Jesús.

Lucas 1:13

Ʉbenita ñai ángele arejamed̶a ʉ̃́re: —Mʉ, Zacarías, jidʉbejacʉ mʉ. Jʉ̃menijicʉ jápiaibi mi jẽniaiye báquede. Aru caride Jʉ̃menijicʉ cad̶atecʉyʉme mʉre. Mimarepaco jʉed̶ocʉvacod̶ome. Aru Juan ãmidojacʉ mʉ ʉ̃ macʉyʉ́re.

Lucas 1:30

Aru ñai ángele arejamed̶a ṍre: —Ji coyʉiyede jidʉbejaco mʉ, María. Jʉ̃menijicʉ mʉre jecʉbi.

Lucas 12:32

Cojedeca yópe arĩ, buedejamed̶a Jesús: —Mʉja, jívʉ, obebejĩnavacari jidʉbejarã. Majepacʉ Jʉ̃menijicʉ, ʉ̃i me boje, epecʉyʉme mʉjare jabovava ʉ̃i jaboteinʉmʉre.

Lucas 2:10

Ʉbenita ñai ángele arejamed̶a náre: —Jidʉbejarã mʉja. Mʉjare yávaiye méne davayʉtamu yʉ. Mʉjare aru caivʉre mʉje torojʉrãjiyede davayʉbu yʉ.

Lucas 5:10

Santiago aru Juan máre, Zebedeoi mára, Simón Pedroi yóvaimara marejáimad̶a. Cuecumarejaimad̶a na máre. Ʉbenita Jesús arejamed̶a Simón Pedrore: —Jidʉbejacʉ. Caride epequijivʉ mʉre, mi davaquiyepe põevare ji yebai yópe mi moare davaiyepe pápicʉque, ji mead̶aquiyepe náre, arejamed̶a Jesús.

Juan 16:33

Caiye iyede mʉjare coyʉivʉ yʉ, mʉje cãrijimenajiyepe ayʉ, mʉje cʉe boje yʉ́que cũinávʉpe. Mʉjare ñájine d̶arãjarama ijãravʉcavʉ Jʉ̃menijicʉre jʉ abevʉ. Ʉbenita jidʉbejarã mʉja. Ijãravʉque ãmene jave vainí tʉivʉ yʉ. Que baru jʉ ajarã yʉre, arejame ñʉjare Jesús.

Juan 6:20

Que teivʉre jã́ri, ñʉjare yávarejame Jesús: —Yʉ Jesútamu. Jidʉbejarã mʉja, arejame ñʉjare.

Hechos 23:11

Diñamimareca Jesús cʉeteni núcʉ Pablo yebai arejamed̶a ʉ̃́re: —Jidʉbejacʉ mʉ. Nópe mi coyʉiyepedeca ji yávaiyede Jerusalẽ́cavʉre, coyʉcʉyʉmu Romacavʉre máre, arejamed̶a Jesús Pablore.