Lucas 6:6 - Majepacʉ jʉ̃menijicʉi yávaiye mamaene coyʉitucubo

⁶ Apejãravʉi cojedeca, judíovai jabʉóvaijãravʉ sábadoi, Jesús ecorejamed̶a ne cójijiñami. Aru bueni bʉ́rejamed̶a põevare. Noi cʉrejamed̶a cũinácʉ ʉ̃mʉ, ãmuve meapũravʉcaãmuve jiacʉbecʉ.

Lucas 6:6 ပူးပေါင်းရင်းမြစ်များ

Mateo 4:23

Jesús bueyʉ barejáme Jʉ̃menijicʉi yávaiyede caino Galilea ãmicʉrijoborõi judíovai cójijiñamiai. Coyʉyʉ barejáme iye yávaiye méne Jʉ̃menijicʉi jaboteiyede põevare. Aru mead̶ayʉ barejáme põevare caiye duica ijié coapa aru caino ijinore máre.

Lucas 13:10

Dinʉmʉ Jesús bueyʉ barejámed̶a cũinád̶ami judíovai cójijiñami jívʉi ne jabʉóvaijãravʉ sábadoi.

Lucas 14:3

Ʉ̃́re jã́ñʉ Jesús, jẽniari jã́rejamed̶a ina Jʉ̃menijicʉi yávaiye báquede bueipõevare aru ina fariseovare máre, noi cʉrivʉre, yópe arĩ: —¿Mead̶aiye jaʉri põevare judíovai jabʉóvaijãravʉ sábadoi? arejamed̶a Jesús.

Lucas 4:16

Jesús nʉrejamed̶a Nazaret ãmicʉriĩmaroi, ʉ̃i bʉcʉiĩmaro mácarõi. Ecorejamed̶a judíovai cójijiñami ne jabʉóvaijãravʉ sábadoi, yópe ʉ̃i d̶aiyepe cainʉmʉa. Aru nacajari jã́ri borotedejamed̶a Jʉ̃menijicʉi yávaiyede.

Lucas 4:31

Jesús ẽmeni nʉrejamed̶a Galileacarõ ĩmaroi, Capernaum ãmicʉriĩmaroi. Aru noi buedejamed̶a põevare judíovai jabʉóvaijãravʉ sábadoi.

Lucas 6:1

Apejãravʉ, judíovai jabʉóvaijãravʉ sábadoi, Jesús ʉ̃i vaiyede oteiye cʉrõi, ʉ̃i bueimara diede jẽni, pʉrʉáque cõjʉñori, ãrejaimad̶a.

Lucas 6:5

Cojedeca Jesús arĩ buedejamed̶a: —Yʉ, Jʉ̃menijicʉi daroimʉ mácʉ ʉ̃mʉpe, jabocʉbu yʉ. Que baru d̶aicõjeni bʉojaivʉ yʉ põevare ne d̶aiyede caijãravʉare aru jabʉóvaijãravʉare máre, arejamed̶a Jesús.

Juan 5:3

Die jabʉóvaiyena obedivʉ ijimara paraivʉ barejáima. Jã́ri eabevʉ, cuiye majibevʉ, nacajaiye majibevʉ máre, ijimara coapa noi cʉrejaima. Apenʉmʉa pãcarejavʉ̃ dibʉ. Dibʉ oco pãcaiyede coredejaima ina ijimara. Apenʉmʉa nore cũinácʉ ángele cavarõ mearo Jʉ̃menijicʉi cʉrõre jocarĩ ẽmeni darĩ, dibʉ ocore pãcovarejaquemavʉ. Ʉ̃i ocore pãcovaiye bajure dibʉre cuyarãemejʉrorivʉ barejáima ina ijimara. Mamarʉmʉcacʉ pãcovaiye bajure dibʉre cuyacʉẽmeñʉ, cũiná ũmedarejame, ád̶e ijiéde cʉvacʉ bácʉvacari.

Juan 9:16

—Jʉ̃menijicʉi daroimʉ mácʉ ãmecʉbe ʉ̃, mʉre mead̶ayʉ bácʉ, ʉ̃i memeiye boje maje jabʉóvaijãravʉre, arejaimad̶a apevʉ ina fariseovacavʉ. Ʉbenita apevʉ arejaimad̶a: —¿Ãmeina d̶ayʉ baru, aipe teni põeva ne d̶arĩ majibede jã́d̶ovaiye majidi ʉ̃? arejaimad̶a nácavʉ. Que arĩ ne bajumia cũinátʉrʉra yávabedejaimad̶a. Aru cũinátʉrʉ ãmenejavʉ̃ya ne ũme.