Hebreos 3:11 - Majepacʉ jʉ̃menijicʉi yávaiye mamaene coyʉitucubo

¹¹ Que baru pare baju jorojĩni jã́ñʉ, yópe arĩ dápiarejacacʉ yʉ: “Yʉ́bu Jʉ̃menijicʉ. Que baru yópe coyʉyʉbu jãve. No joborõ ji náre cãrijimene d̶ájʉrorijoborõre ye eabenama na”, arĩ dápiarejacacʉ yʉ, na mácavʉre jarayʉ, arĩ coyʉrejaquemavʉ Jʉ̃menijicʉ.

Hebreos 3:11 ပူးပေါင်းရင်းမြစ်များ

Hebreos 4:3

Ʉbenita maja Jesúre jʉ aivʉrecabu Jʉ̃menijicʉi cãrijimene d̶aimara. Jʉ̃menijicʉrecabe cãrijimene d̶aiye majicʉ. No cãrijimene d̶aiyede Jʉ̃menijicʉ, yópe arĩ, coyʉrejaquemavʉ: Jorojĩni jã́ñʉ pare baju, yópe arĩ dápiarejacacʉ: “Yʉ́bu Jʉ̃menijicʉ. Que baru yópe coyʉyʉbu jãve. No joborõ ji náre cãrijimene d̶ájʉrorijoborõre ye eabenama na”, arĩ dápiarejacacʉ yʉ, na mácavʉre jarayʉ, arĩ coyʉrejaquemavʉ Jʉ̃menijicʉ. Nópe arejaquemavʉ Jʉ̃menijicʉ, majicʉ bácʉ ʉ̃i caiyede cʉed̶aquiye jipocamia, caiyede ʉ̃i d̶aquiyede, cãrijimene d̶acʉyʉ majare ʉ̃́que. Aru cʉed̶arĩ bʉojarĩ, ʉ̃i memeinore bʉojarejaquemavʉ Jʉ̃menijicʉ.

Hebreos 4:5

Yópe ji coyʉiye báquepe mʉjare jipocamia, iye ʉ̃i cãrijimene d̶aiyede, yópe arĩ, toivaicõjenejaquemavʉ Jʉ̃menijicʉ: “No joborõ ji náre cãrijimene d̶ájʉrorijoborõre ye eabenama na”, arĩ toivaicõjenejaquemavʉ ʉ̃, Jʉ̃menijicʉ.

Hebreos 4:9

Caiye iye jãvetamu. Que baru Jʉ̃menijicʉi põeva eaivʉbu cʉrivʉ ijãravʉi cãrijimenoque maje ũmei. Yópe Jʉ̃menijicʉi cʉed̶arĩ dajocaiye báquepedeca cʉed̶ayʉ bácʉ seis paijãravʉai, nopedeca maja ʉ̃i põeva máre dajocaivʉbu maje ãmeina teni d̶aiyʉede, maje jʉ aiyede Jesúre.