Apocalipsis 14:7 - Majepacʉ jʉ̃menijicʉi yávaiye mamaene coyʉitucubo

⁷ Yópe arĩ, coyʉáme yávaino bʉjinoque: —Pued̶ajarã Jʉ̃menijicʉre. Mearore jíjarã ʉ̃́re ʉ̃i pʉeno majié boje. Eaivʉ iora põevare ʉ̃i ñájiovaquiora ne ãmeina teiye boje. Que baru mearore jíjarã ñai d̶ayʉ bácʉre cavarõre, aru joborõre, jia ʉrad̶are, aru oco pĩapóinoare máre, arĩ coyʉáme ñai ángele.

Apocalipsis 14:7 ပူးပေါင်းရင်းမြစ်များ

Mateo 25:13

Aru buede nʉrejame Jesús: —Que baru mead̶aimara májara mʉja, mʉje majibe boje ye jãravʉre aru ye órare máre ji copaidaquiyede, mʉjare mead̶aiye jaʉquinore, arejame Jesús.

Lucas 17:18

Apevʉ cʉbema ina jínadajʉrorivʉ mearore Jʉ̃menijicʉre. Quénora ñai dacʉbe, apeno joborõcacʉvacari, arejamed̶a Jesús.

Hechos 14:15

—¡Yópe d̶abejarã mʉja! ¡Jʉ̃menijina ãmevʉ ñʉja! Ñʉja máre mʉjape paivʉ põevatamu. Coyʉrãdaivʉbu Jʉ̃menijicʉi yávaiye méne mʉjare, mʉje dajocarãjiyepe aivʉ mʉje mearore jíyede jʉ̃menijina ãmevʉre aru mʉje majinajiyepe aivʉ ñai Jʉ̃menijicʉ apʉcʉ cũinácʉva. Ñai Jʉ̃menijicʉ cʉed̶arejaquemavʉ cavarõre, joborõre, jia ʉrad̶are máre, aru caivʉ nócavʉre, noi cʉede máre.

1 Pedro 4:7

Caijãravʉ vaivʉ, pʉeno joabenotamu ijãravʉ cũiquíno. Que baru me d̶aicõjejara mʉje dápiaiyede aru mʉje d̶aiyede máre, me jẽniamuri Jʉ̃menijicʉque yópe ʉ̃i ʉrõpe.

Apocalipsis 11:13

Aru dinʉmʉmiareca joborõ cújiavʉ̃ pare. Yópe caipʉcapʉrʉape paiye coavaiyepe caino no ĩmarore, cũináro iye caipʉcapʉrʉape paiyecarõ bíjavʉ̃. Aru siete mil baju põeva yaima no joborõ cújiye boje. Caivʉ apevʉ diĩmarocavʉ apʉrivʉ cãreja cuecumaima pare aru mearore jíma ñai Jʉ̃menijicʉ cavarõ mearocacʉre.

Apocalipsis 11:18

Eaivʉ yo jãravʉ mi jã́d̶ovaijãravʉ mi jorojĩni jã́iyede põeva ne ãmeina teiye boje. Eaivʉ yo jãravʉ mi jã́ri corevaijãravʉ caivʉ ina yaivʉ bácavʉre ne d̶aiye báquede. Que baru caivʉ ijãravʉcavʉ mʉre jʉ abevʉ jijateima pare. Caride eaivʉ yo jãravʉ mi bojed̶aijãravʉ põevare ne d̶aiye báque bojede. Me bojed̶acʉñʉmu mʉ caivʉ mʉre memecaivʉre, ina mi yávaiyede coyʉcaipõevare aru mi põevare, ina mʉre pued̶aivʉre máre, quĩ́jinare aru bʉcʉvare máre. Aru bíjaroquijivʉ mʉ caivʉ ina ijãravʉcavʉ apevʉre ñájine d̶aivʉre, arĩ coyʉima na.

Apocalipsis 15:4

Mʉ, ñʉje jabocʉ, caivʉ põeva pued̶arãjaramu ñʉja mʉre jãve. Caivʉ põeva mearore jínajaramu ñʉja mʉre jãve. Mʉ cũinácʉrabu meacʉ. Caivʉ põeva caijaborõacavʉ mʉre mearore jínadarãjarama ne jã́iye boje mi d̶aiye méne, arĩ yʉriaima na.

Apocalipsis 16:9

Ʉ̃i ʉrarõ ẽ́iye boje, caivʉ põeva ijãravʉcavʉ Jesucristore jʉ abevʉ juaimara mateima na. Ʉbenita juaimara mácavʉvacari, chĩomevʉ ne ãmeina teiyede oatʉvabeteima na ne d̶aiyede. Aru ye mearore jíbeteima na Jʉ̃menijicʉre máre. Quénora pʉeno baju ãmeina yávare nʉima Jʉ̃menijicʉre, ñai parʉéde cʉvacʉ d̶ayʉre iye ñájiovaiyede.

Apocalipsis 18:10

Jidʉrivʉ ne ñájiyʉbe boje diĩmarocavʉ bácavʉpe, joai mautenajarama. Aru yópe arĩ, orãjarama na: —¡Ayu, ayu, mʉjare pare meamevʉ Babilonia ãmicʉriĩmarocavʉre! Pare chĩoivʉbu mʉja. Maumejiena no ĩmaro ʉrarõ, parʉé cʉrõ mácarõ bíjaivʉ, orĩ cod̶oboborãjarama.

Apocalipsis 18:17

Maumejiena caiye iye ʉre cʉve báque me cũivʉ́, arãjarama ina bojed̶aivʉ bácavʉ, chĩoivʉ. Caivʉ ina jiad̶ocũa ʉracũare japʉvaipõeva aru caivʉ ina curãnʉivʉ jiad̶ocũa ʉracũaque, caivʉ ina jiad̶ocũa ʉracũa memeipõeva aru caivʉ jia ʉrad̶ai memeipõeva máre joai mautenajarama na.

Apocalipsis 18:19

Que arĩ, dʉvarãjarama jobore ne baju jipobʉrã ne chĩoiye boje. Bʉjiéque cod̶oboborĩ, ñarebare totarĩ orãjarama na, yópe arĩ: —¡Ayu, ayu, pare meamevʉ no ĩmaro ʉrarõ mácarõ! Caivʉ ina cʉvarivʉ bácavʉ jiad̶ocũa ʉracũare jia ʉrad̶ai cʉve cʉvarivʉ bateima diĩmarocavʉ bácavʉ ne bojed̶aiye báque boje na mácavʉre ʉre cʉvede. Maumejiena caiye iye me bíjarĩ cũivʉ́.

Apocalipsis 19:5

Dinʉmʉre jápurateavʉ̃ apeno yávaino no dobarõ mearo coricacarõ yebare jocarĩ. Yópe arĩ, coyʉávʉ̃: Mearore jíjarã majepacʉ Jʉ̃menijicʉre. Caivʉ ʉ̃́re memecaivʉ aru caivʉ apevʉ põeva máre, ina quĩ́jina aru bʉcʉva máre, caivʉ ʉ̃́re pued̶aivʉ, mearore jíjarãri ʉ̃́re, arĩ coyʉávʉ̃.

Apocalipsis 4:11

Mʉ, ñʉje jabocʉ Jʉ̃menijicʉ, mʉrecabu caiyede cʉed̶ayʉ bácʉ. Caiye iye mi cʉed̶aiye báque cʉvʉ yópe mi ʉrõpe. Que baru mi meacʉ baju boje, ñʉje mearore jíye aru ñʉje pued̶aiye máre jaʉvʉ mʉre aru ñʉje coreóvarãjiye mi parʉéde máre, arĩ coyʉima na.

Apocalipsis 4:9

Ina apʉrivʉ mearore jívʉ, pued̶aivʉ aru torojʉede jívʉ bateima ñai dobacʉre no jabocʉi dobarõ mearo coricacarõi, ñai cʉcʉre cainʉmʉa.

Apocalipsis 8:10

Aru pʉcarãi yóbocacʉ ángele japuáme ʉ̃i japuiyore. Ʉ̃i japuiyede, cũinácʉ abiácorʉ ʉracʉ uruyʉ tʉame yópe cã́mavepe cavarõre jocarĩ. Caiye yóbecʉriya jia cʉriyare, cũinád̶are tʉame ñai abiácorʉ ʉracʉ. Aru cainoa yóbecʉrã oco pĩapóinoa cʉrõare máre, cũinárore tʉame ʉ̃.