TITO 2:15 - Chatino Zona Alta Occidental

¹⁵ Ngwañaꞌan lka chaꞌ nu ndiꞌin chaꞌ kwaꞌuu ꞌin nten, lye chkwiiꞌ nchga chaꞌ kanꞌ loꞌo neꞌ. Kuloo tñan ꞌin neꞌ, nchga loo tñan suꞌwe nu ndiꞌin chaꞌ kuꞌni neꞌ; ja taa chabiyaꞌ kuꞌni neꞌ tñan nu ja suꞌwe, chaꞌ nuꞌwin nkaa ndloo. Ja taa seꞌen tyukwa kiyaꞌ chaꞌ chkwiꞌ nten chaꞌ kuxi ꞌiin.

TITO 2:15 ပူးပေါင်းရင်းမြစ်များ

SAN MATEO 7:29

Mskeꞌ tiꞌ neꞌ chaꞌ tnun ꞌa chabiyaꞌ nsuꞌwi ꞌin yu xa nu nchkwiꞌ yu loꞌo neꞌ, ja ngiꞌni yu sa ñaꞌan ngiꞌni mstru nu nduꞌu chaꞌ joꞌo ꞌin neꞌ.

SAN MARCOS 1:22

Bra nu ynan neꞌ, yuwe ꞌa tiꞌ neꞌ sa ñaꞌan lka chaꞌ nu ngwaꞌu Jesús ꞌin neꞌ. Mskeꞌ tiꞌ neꞌ chaꞌ tlyu ꞌa chabiyaꞌ nsuꞌwi ꞌin yu, chaꞌ siꞌi sa ñaꞌan nchkwiꞌ mstru nu nduꞌu chaꞌ joꞌo niꞌ lyaa nchkwiꞌ yu loꞌo nten bra kanꞌ.

SAN MARCOS 1:27

Ytsen ꞌa nchga nten bra kanꞌ. Ykwiꞌ neꞌ loꞌo taꞌa neꞌ: ―¿Ni sa ñaꞌan lka chaꞌ re a? ―ndukwin neꞌ―. ¿Ta xka chaꞌ kwi nduꞌu yu kwa ꞌin nten a? ―ndukwin neꞌ―. Nchka ꞌin yu kwa kulo yu tñan ꞌin kwiꞌin kuxi, loꞌo ndukwa kwiꞌin kanꞌ chaꞌ nchkwiꞌ yu bra kanꞌ.

SAN LUCAS 4:36

Mdaꞌan ꞌa chaꞌ tiye nten bra kanꞌ, mdyisnan ykwiꞌ neꞌ loꞌo taꞌa neꞌ: ―¿La mjwi chaꞌ nu nchkwiꞌ Jesús kwa a? ―ndukwin neꞌ―. ¿Ni chaꞌ lka chaꞌ suꞌwe ꞌa mjwi chabiyaꞌ ꞌin yu kwa chaꞌ kulo yu tñan ꞌin kwiꞌin kuxi? Bra ti ynan kwiꞌin kuxi chaꞌ nu ykwiꞌ yu loꞌo ran, mdoꞌo kwiꞌin kuxi kanꞌ ndyaa bra kanꞌ ―ndukwin neꞌ ꞌin taꞌa neꞌ.

1 CORINTIOS 16:11

Ja ska wan, ja ñaꞌan tiꞌí wan ꞌin yu; suꞌwe la si tayaꞌ wan ꞌin yu chaꞌ kuꞌni xuꞌwe yu ꞌin yu chaꞌ kan yu seꞌen ndiꞌiǐn. Ndiꞌin ta ꞌa ba ꞌin yu, naꞌ loꞌo nchga taꞌa msñian chaꞌ ꞌin Krixtu nde re.

1 TIMOTEO 5:20

Si chañi chaꞌ ngiꞌni yu kula kanꞌ chaꞌ kuxi, bra kanꞌ chkwiiꞌ loꞌo yu kula kanꞌ tloo taꞌa nten ꞌin Jesucristo kanꞌ, chaꞌ kuwe tiꞌ nchga neꞌ, chaꞌ ja kuꞌni neꞌ chaꞌ kuxi ngwañaꞌan.

2 TIMOTEO 4:2

Kuloǔn tñan ꞌiin chaꞌ kwaꞌuu chaꞌ ꞌin Ndiose ꞌin nten; ñaꞌan ti kwaꞌuu chaꞌ kanꞌ ꞌin nchga nten, ni siya nchka tiꞌ neꞌ kunan neꞌ chaꞌ kanꞌ, ni siya ja nchka tiꞌ neꞌ kunan neꞌ. Tyukwi ti tiyee kwaꞌuu ꞌin neꞌ, chaꞌ kiꞌya neꞌ kwenta ꞌin nchga chaꞌ kuxi nu nsuꞌwi niꞌ kasiya ꞌin neꞌ; ngwañaꞌan ka tayaaꞌ ꞌin neꞌ chaꞌ kulaa yaꞌ neꞌ chaꞌ kuxi kanꞌ. Chan taloo ꞌin neꞌ chaꞌ suꞌwe ti kwaꞌuu chaꞌ suꞌwe kanꞌ ꞌin neꞌ.

TITO 1:13

Chañi chaꞌ nu ykwiꞌ ayman kanꞌ; kanꞌ chaꞌ lye ꞌa chkwiiꞌ loꞌo neꞌ kanꞌ, chaꞌ suꞌwe ti xñi neꞌ nchga chaꞌ ꞌin Jesús nu wa ynan neꞌ,

1 SAN PEDRO 4:11

Kwaꞌu wan chaꞌ ꞌin Ndiose ꞌin nten, si kanꞌ lka tñan nu wa nda Ni ꞌwan chaꞌ kuꞌni wan; kwaꞌu wan nchga chaꞌ nu nchka tiꞌ Ni chkwiꞌ Ni loꞌo neꞌ. Kwiꞌ ngwañaꞌan, tayaꞌ wan ꞌin taꞌa nten wan loꞌo tyukwi jwersa nu nda Ni ꞌwan, si kanꞌ lka tñan nu wa nda Ni ꞌwan chaꞌ kuꞌni wan. Bra nu ñaꞌan nten chaꞌ suꞌwe nu ngiꞌni wan, bra kanꞌ kuꞌni tnun neꞌ ꞌin Ndiose chabiyaꞌ ꞌin Jesucristo. Loꞌo bra kanꞌ ja tsaa tii ꞌa chaꞌ kuꞌni tnun nten ꞌin Krixtu kanꞌ, chaꞌ Krixtu lka ndloo siyaꞌ ti. Ngwañaꞌan ka sikwa.