TITO 1:15 - Chatino Zona Alta Occidental

¹⁵ Luwi ꞌa nchga loo nan, lka chaꞌ nu ndaꞌan tiye nchga nten nu luwi kasiya ꞌin tloo Ndiose; loꞌo nten nu kuxi kasiya ꞌin, ja ska nan luwi ndiya lo chalyuu, nxkeꞌ tiꞌ neꞌ, chunꞌ ja ndyaa ñaꞌan tiꞌ neꞌ chaꞌ nu ñi ꞌin Ndiose. Ngiꞌni neꞌ kanꞌ chaꞌ kuxi, loꞌo ja ndiꞌya yu kwenta chaꞌ kuxi ran, chunꞌ ndiꞌin ꞌa chaꞌ kuxi niꞌ kasiya ꞌin neꞌ.

TITO 1:15 ပူးပေါင်းရင်းမြစ်များ

SAN MATEO 15:18

Kwiꞌ ngwañaꞌan ska chaꞌ nu nchkwiꞌ nten ni, suꞌwa lka ran loꞌo chaꞌ nu nsuꞌwi niꞌ kasiya ꞌin neꞌ. Nchka biyaꞌ tiꞌ nchga nten bra nu wa mnuꞌun tiye ska nten, siꞌya chaꞌ nu nchkwiꞌ yu kanꞌ.

LOS HECHOS 10:15

Xiyaꞌ ykwiꞌ Ndiose loꞌo yu bra kanꞌ: ―Ja suꞌwe chkwiiꞌ chaꞌ ꞌni chen ñaꞌan lka kwa, xa wa ndukwin Ndiose chaꞌ luwi iꞌ.

ROMANOS 14:14

Wa ykwiꞌ Krixtu loꞌoǔn, wa jlyo tiǎnꞌ chaꞌ ja ska nan kuxi nda Ndiose chaꞌ ku nten; nchga nan nu nchku nten chalyuu, nan suꞌwe lka ran. Ndiya nten nu ja nchka ku ska nan, chunꞌ mskeꞌ tiꞌ neꞌ chaꞌ kuxi lka ran; kanꞌ chaꞌ kuxi ꞌa lka nan kanꞌ chaꞌ ꞌin neꞌ kanꞌ si ku neꞌ ran bra kanꞌ.

ROMANOS 14:20

ja kuꞌni ñuꞌun wan tñan nu ngiꞌni Ndiose siꞌya ska nan nu nchku wan. Chañi chaꞌ suꞌwe ꞌa nchga nan nu nda Ndiose chaꞌ ku nten; nu ja suꞌwe ni, kanꞌ lka si ndiya nten nu kulaa yaꞌ chaꞌ ꞌin Jesús siꞌya ska nan nchku wan. Ka kuxi nan kanꞌ ꞌwan bra kanꞌ.

ROMANOS 14:23

Ja suꞌwe ngiꞌni nten si ku neꞌ kunaꞌ kanꞌ, loꞌo ndii tiꞌ neꞌ chaꞌ kuxi lka chaꞌ kanꞌ chaꞌ ꞌin Ndiose; ndukwi neꞌ kiꞌya bra kanꞌ, chaꞌ siꞌi tyukwi ti tiye neꞌ nchku neꞌ kunaꞌ kanꞌ bra kanꞌ. Nchga tñan nu ngiꞌnian chaꞌ nu siyaꞌ ti nka tiyean, ndukwian kiꞌya bra kanꞌ.

1 CORINTIOS 10:23

Chañi ꞌa chaꞌ nu nchkwiꞌ nten: “Ndiꞌin chabiyaꞌ ꞌñaan chaꞌ kuꞌnian ya ñaꞌan ti chaꞌ, sa ñaꞌan nu nchka tianꞌ kuꞌnian”, ngwañaꞌan nchkwiꞌ nten ndiya bra. Sa kanꞌ ti chaꞌ, ndiya chaꞌ nu ka kuꞌnian nu ja nnanjoꞌo ꞌñaan siyaꞌ ti. Chañi chaꞌ ka kuꞌnian sa ñaꞌan nu nchka tianꞌ; sa kanꞌ ti chaꞌ, siꞌi nchga chaꞌ ngiꞌni chaꞌ sten suꞌween laan chaꞌ ꞌin Ndiose.

1 CORINTIOS 10:25

Ka ku wan nchga nan nu ndujwiꞌ neꞌ lo kiyaꞌ; ja nꞌni chaꞌ kuwe tiꞌ wan nan ka lka ran, si suꞌwe, si ja suꞌwe lka ran chaꞌ ꞌwan.

1 CORINTIOS 10:31

Suꞌwe sikwa, ni siya ku wan, ni siya koꞌo wan, ni siya kuꞌni wan ya ñaꞌan ti tñan nu ngiꞌni wan, tyuꞌwi tiꞌ wan ꞌin Ndiose tyukwi laja nu kuꞌni wan tñan kanꞌ, chaꞌ ka biyaꞌ tiꞌ nten bra kanꞌ chaꞌ suꞌwe ꞌa lka chaꞌ ꞌin Ndiose, ti kwiꞌ chaꞌ nu wa yten wan.

1 CORINTIOS 8:7

Loꞌo siꞌi nchga nten nchka biyaꞌ tiꞌ chaꞌ kanꞌ. Ndiya neꞌ taꞌa msñian chaꞌ ꞌin Jesús nu ja nchka ku ska nan nu wa mdukwa tloo joꞌo ti kulo. Ti sꞌni, wa ndyaꞌan ꞌa tiꞌ neꞌ kanꞌ ꞌin joꞌo kanꞌ; loꞌo ni, ñaꞌan ti nsuꞌwi tiꞌ neꞌ kanꞌ chaꞌ nan nchku joꞌo lka nan nu wa ku ti neꞌ kanꞌ. Kanꞌ chaꞌ ja ndalo neꞌ kanꞌ siyaꞌ ti chaꞌ ku neꞌ kunaꞌ nu ngwa lomstan kanꞌ; chaꞌ kuxi lka ran chaꞌ ꞌin neꞌ kanꞌ.

1 TIMOTEO 6:5

Lye ꞌa nchkwiꞌ neꞌ kanꞌ, chunꞌ ja msñi suꞌwe neꞌ chaꞌ nu ñi ꞌin Ndiose, kwiꞌ ngwañaꞌan ja suꞌwe ndaꞌan chaꞌ tiye neꞌ kanꞌ; chaꞌ kwiñi ti ngiꞌni tnun neꞌ kanꞌ ꞌin Ndiose chaꞌ kaja tñi ꞌin neꞌ, nka tiye neꞌ. Ja tyaꞌaan suꞌwaan loꞌo neꞌ kanꞌ.

HEBREOS 10:22

Tsaan seꞌen ndiꞌin Ndiose sikwa; tyukwi ti tiyean kuꞌnian chaꞌ ka ska ti chaꞌ ꞌñaan loꞌo Ndiose Stian, chaꞌ xñiin suꞌwean chaꞌ ꞌin Ni bra kanꞌ. Wa yꞌni tyii Ni nchga chaꞌ kuxi nu yꞌnian, kwiꞌ nu lye ꞌa mda chaꞌ jyuꞌu ꞌñaan; loꞌo luwi kasiya ꞌñaan ni, ñaꞌan tiꞌ si wa ytaan chku loꞌo tyiꞌa nu luwi ꞌa.

HEBREOS 12:15

Xñi wan kwenta ꞌin taꞌa wan chaꞌ ja ska wan kulaa yaꞌ ngwa ti ñaꞌan nchga chaꞌ suꞌwe nu wa yꞌni Ndiose loꞌoan. Nu kulaa yaꞌ wan ꞌin Ni, ja chan ka wan ñaꞌan tiꞌ ska loo yan nu kuꞌni tnaꞌ ꞌin xka la neꞌ taꞌa msñi wan chaꞌ ꞌin Jesús. Ñaꞌan tiꞌ ska kixinꞌ tlá nu kuꞌni ñuꞌun ꞌin nten chaꞌ lka ran yan, kwiꞌ ngwañaꞌan kaan loꞌo taꞌaan bra nu ndiꞌin ska chaꞌ kuxi ꞌñaan.

HEBREOS 9:14

Ni siya ngwañaꞌan tñan yꞌni sti joꞌo kanꞌ nu ngwa bra kanꞌ, ¡tnun la ti tñan yꞌni Krixtu ni!, chaꞌ ngalu tnen ykwiꞌ yu bra nu ngujwi yu lo wsi siꞌyaan. Tyiꞌi Ndiose, kanꞌ nu yꞌni chaꞌ ngwa ꞌin Krixtu mda yu ꞌin yu, ti ykwiꞌ ti yu, chaꞌ katin kiꞌya nu ndiꞌin ꞌñaan loꞌo Ndiose siyaꞌ ti; loꞌo Krixtu ni, ja ska kiꞌya ndukwi yu siyaꞌ ti. Kanꞌ chaꞌ ni, ka ꞌin Ni kuꞌni luwi Ni kasiya ꞌñaan taꞌaan, xa nu tyaa yuꞌwi tianꞌ sa ñaꞌan nu yꞌni Ni chaꞌ ngalu tnen Ni lo wsi. Loꞌo ka ꞌin Ni kuꞌni tyii Ni nchga chaꞌ kuxi nu ngiꞌni ñuꞌun ꞌñaan, chaꞌ ngwañaꞌan ka ꞌñaan kuꞌnian tñan ꞌin Ndiose ykwiꞌ lo chalyuu re bra kanꞌ.