SANTIAGO 5:6 - Chatino Zona Alta Occidental

⁶ Bra nu ti ndiꞌin wan lo chalyuu nxtya wan kiꞌya ꞌin yu tiꞌi nu ja ska chaꞌ kuxi yꞌni; ndujwi wan ꞌin neꞌ, ni siya ja ndyiji ñaꞌan lyaa neꞌ, ti ykwiꞌ ti neꞌ.

SANTIAGO 5:6 ပူးပေါင်းရင်းမြစ်များ

SAN MATEO 21:38

Xa wa naꞌan neꞌ kanꞌ ꞌin sñiꞌ yu, bra kanꞌ ykwiꞌ neꞌ loꞌo taꞌa neꞌ: “Sñiꞌ xꞌnan loꞌoo ndijyan ni” ndukwin neꞌ ꞌin taꞌa neꞌ. “Nu kwa ka xꞌnan yka kwiñii re nde loo la, kanꞌ chaꞌ suꞌwe la si kujwian ꞌin yu, chaꞌ kanun loꞌoo re ꞌñaan” ndukwin neꞌ kanꞌ.

SAN MATEO 27:20

Nchga sti joꞌo nu lka ndloo loꞌo yu kula kanꞌ, wa ykwiꞌ neꞌ loꞌo nten kaꞌan kanꞌ, chaꞌ jñan neꞌ chabiyaꞌ ꞌin Pilato chaꞌ kulaa yu ꞌin Barrabás nu ndiꞌin niꞌ ñaꞌan chkwan kanꞌ, loꞌo kujwi Pilato ꞌin Jesús bra kanꞌ.

SAN MATEO 5:39

Loꞌo ni, kaꞌan la chaꞌ chkwiǐnꞌ loꞌo wan, chaꞌ ja xuun taꞌa wan loꞌo nten nu yꞌni chaꞌ kuxi loꞌo wan. Bra nu jwiꞌin neꞌ ndukunꞌ neꞌ tloo wan laꞌa seꞌen kwin, ta wan chabiyaꞌ jwiꞌin neꞌ ndukunꞌ xka laꞌa tloo wan bra kanꞌ, si nchka tiꞌ neꞌ.

LOS HECHOS 22:14

“Ti kwiꞌ Ndiose nu yꞌni tnun ayman stian ꞌin, ti kwiꞌ Ni ngulo suwi Ni ꞌiin ti sꞌni” ndukwin Ananías ꞌñaǎn. “Ngulo suwi Ndiose ꞌiin chaꞌ ka biyaꞌ tiiꞌ nchga chaꞌ nu nchka tiꞌ Ni chaꞌ ka; loꞌo nchka tiꞌ Ndiose chaꞌ ñaꞌaan ꞌin Ni nu ñi la ngiꞌni, chaꞌ kunaan chaꞌ nu chkwiꞌ Ni loꞌoo” ndukwin yu ꞌñaǎn.

LOS HECHOS 7:52

Wa mda ꞌa ayman ꞌñaan nu tiꞌí ꞌin nchga nten nu ykwiꞌ chaꞌ ꞌin Ndiose loꞌo ayman kula ꞌñaan nu ngwa sꞌni. Wa yjwi neꞌ ꞌin nten nu ngwaꞌan chaꞌ ꞌin Ndiose nu nchkwiꞌ chaꞌ kan ska nten nu tnun nchka lo chalyuu re; xkwiꞌ luwi ꞌa ka kasiya ꞌin yu kanꞌ. Loꞌo ngwañaꞌan, nu ngwa xkanꞌ ti ngula ti kwiꞌ nten nu ykwiꞌ kityi chaꞌ ꞌin. Chen ꞌa ñaꞌan yꞌni wan bra nu yjwi wan ꞌin yu.

LOS HECHOS 8:32

Suꞌwa ti ykwiꞌ taꞌa tyukwaa neꞌ lo kityi ꞌin Ndiose nu nsuꞌwi yaꞌ yu kula bra kanꞌ, ti kwiꞌ lkaꞌ kityi seꞌen naꞌan kwiꞌya yu kula kanꞌ. Nde ñaꞌan nchkwiꞌ ran: Ndyaa loꞌo neꞌ ꞌin yu chaꞌ kujwi neꞌ ꞌin yu, ñaꞌan tiꞌ ndujwi neꞌ ska slyaꞌ. Sa ñaꞌan nu ngiꞌni slyaꞌ nu ja nxiꞌya bra nu nsiꞌyu neꞌ kichanꞌ chunꞌ iꞌ, kwiꞌ ngwañaꞌan kuꞌni yu nu kan lo chalyuu re chunꞌ ndiꞌin la; ni siya kujwi neꞌ ꞌin yu, ja ska chaꞌ xkwen yu ꞌin neꞌ kanꞌ bra kanꞌ.

HEBREOS 10:38

Loꞌo nten nu ka luwi kasiya ꞌin chabiyaꞌ ꞌñaǎn ni, bra nu xñi neꞌ chaꞌ ꞌñaǎn, kanꞌ nu kaja chalyuu nu ja tsaa tii ꞌa ꞌin neꞌ, ndukwin Ni. Loꞌo ja suꞌwe nka tiyeěn ñaꞌaǎn ꞌin nten nu xiꞌin chunꞌ ꞌin chaꞌ ꞌñaǎn.

SANTIAGO 2:6

Ja suꞌwe ngiꞌni wan, chaꞌ nda wan chaꞌ wjyuꞌu ꞌin nu tiꞌi. Ngiꞌni tnun wan ꞌin nu kuliyaꞌ kanꞌ, loꞌo ti kwiꞌ nu kuliyaꞌ lka nu tiꞌí tiꞌ ꞌwan, ti kwiꞌ nu kuliyaꞌ lka nu ndyaꞌan loꞌo ꞌwan tloo neꞌ wsiya.

SANTIAGO 4:2

Si nsuꞌwi ska chaꞌ nu ndiya ꞌa tiꞌ wan, loꞌo ja ndiya chabiyaꞌ chaꞌ kaja chaꞌ kanꞌ ꞌwan, bra kanꞌ ndujwi wan ꞌin nten nu ndiya nan ꞌin, chaꞌ ngwañaꞌan kaja chaꞌ kanꞌ ꞌwan, nchka tiꞌ wan. Kwiꞌ ngwañaꞌan, si nxitukwi ꞌa tiꞌ wan ska nan nu ja nchka kaja ꞌwan, bra kanꞌ chkwiꞌ wan chaꞌ tiꞌi ꞌin nu ndiꞌya loo nan kanꞌ, nxuun wan loꞌo yu kanꞌ bra kanꞌ. Kanꞌ chaꞌ ja ndyiji nan nu nchka tiꞌ wan kaja ꞌwan, chunꞌ ja njñan wan ran ꞌin Ndiose kulo ndukwa la;

1 SAN PEDRO 4:18

Tukwi ꞌa chaꞌ tyoꞌo laa nten nu ngiꞌni chaꞌ suꞌwe ti; nten xaꞌan ni, kwiꞌ nten nu ndiꞌin chaꞌ kuxi ꞌin, tyii chaꞌ ꞌin neꞌ kanꞌ siyaꞌ ti.