SANTIAGO 4:17 - Chatino Zona Alta Occidental

¹⁷ Kanꞌ ndiꞌin kiꞌya ꞌwan, chaꞌ ja mslyaa wan kuꞌni wan chaꞌ suꞌwe nu ngulo Ndiose tñan ꞌwan chaꞌ kuꞌni wan.

SANTIAGO 4:17 ပူးပေါင်းရင်းမြစ်များ

SAN JUAN 13:17

Wa ngwa biyaꞌ tiꞌ wan nchga chaꞌ nu tka ykwiǐnꞌ tiǎn loꞌo wan ni, kanꞌ chaꞌ suꞌwe ꞌa ka tiye wan xa nu tukwa wan chaꞌ kanꞌ ―ndukwin Jesús―.

SAN JUAN 15:22

’Ja tyukwi neꞌ kanꞌ kiꞌya si ja ya kaǎn lo chalyuu, si ja ya chkwiǐnꞌ loꞌo neꞌ; loꞌo ni, ja kuꞌni Ndiose chaꞌ tlyu tiꞌ ꞌin neꞌ kanꞌ ꞌin chaꞌ xaꞌan nu ngiꞌni neꞌ.

SAN JUAN 9:41

―Ja lka wan yu kiꞌya chalyuu si jlyo tiꞌ wan chaꞌ kwityiinꞌ wan ―ndukwin Jesús―. Chaꞌ nu nchkwiꞌ wan chaꞌ ka ñaꞌan wan, kanꞌ chaꞌ ñaꞌan ti ndukwi wan kiꞌya.

ROMANOS 1:32

Ndiꞌya neꞌ kanꞌ kwenta chaꞌ wa ykwiꞌ Ndiose chaꞌ ꞌin neꞌ, chaꞌ nu ndiꞌin chaꞌ kaja neꞌ kanꞌ siꞌya chaꞌ xaꞌan nu ngiꞌni neꞌ. Ni siya jlyo tiꞌ neꞌ chaꞌ kanꞌ, ja nduwe tiꞌ neꞌ; ñaꞌan ti ngiꞌni neꞌ chaꞌ xaꞌan nu yꞌni neꞌ. Loꞌo ngwañaꞌan, suꞌwe ꞌa nsuꞌwi tiye neꞌ bra nu ñaꞌan neꞌ xka nten nu ngiꞌni ti kwiꞌ chaꞌ kuxi nu ngiꞌni neꞌ.

ROMANOS 7:13

Kanꞌ chaꞌ ja ka chkwiǐnꞌ chaꞌ kanaꞌ kasiya ꞌñaǎn siꞌya chaꞌ kula kanꞌ. Chaꞌ xaꞌan nu yꞌniǐn, kanꞌ lka nu yꞌni ñuꞌun ꞌin kasiya ꞌñaǎn. Loꞌo ni, ngwa biyaꞌ tiǎnꞌ sa ñaꞌan lka ska chaꞌ xaꞌan; laja nu ynaǎn chaꞌ suꞌwe ꞌa ndyoꞌo chaꞌ kula kanꞌ, ti kwiꞌ bra kanꞌ mdijin lyo chaꞌ xaꞌan kanꞌ ꞌñaǎn. Kanꞌ chaꞌ suꞌwe la ngwa biyaꞌ tiǎnꞌ chaꞌ tnun ꞌa chaꞌ kuxi yꞌniǐn.

2 SAN PEDRO 2:21

Suꞌwe la si ja yꞌni xaꞌan neꞌ siyaꞌ ti tuwiin nu ñi seꞌen tsaan nde seꞌen ndiꞌin Ndiose; ja suꞌwe chaꞌ ngwa biyaꞌ tiꞌ neꞌ chaꞌ kanꞌ, loꞌo bra ti mdoꞌo tsuꞌ neꞌ tuwiin nu ñi kanꞌ. Ja ndukwa ꞌa neꞌ kanꞌ chaꞌ nu wa ykwiꞌ Krixtu loꞌoan bra kanꞌ.