SANTIAGO 3:8 - Chatino Zona Alta Occidental

⁸ Loꞌo ska chaꞌ nu nchkwianꞌ ni, ja ka ꞌñaan kuꞌni msuan ꞌin ran, chaꞌ ja chkwiinꞌ ꞌaan chaꞌ kuxi loꞌo nten. Kuxi ꞌa tuꞌwaan; ja nchka ꞌñaan kuꞌnian kwenta tuꞌwaan, ti ykwiinꞌ tian. Ñaꞌan tiꞌ tyiꞌa tlá nu nsuꞌwi tuꞌwa kunan, ngwa ñaꞌan lka tuꞌwaan, chaꞌ nsuꞌwi ꞌa chaꞌ kuxi nu nchkwianꞌ.

SANTIAGO 3:8 ပူးပေါင်းရင်းမြစ်များ

ROMANOS 3:13

Ñaꞌan tiꞌ tyiꞌi tukun nu ndyoꞌo tuꞌwa kwaa nu ti ji tukunꞌ neꞌ tuꞌwa ran, suꞌwa ñaꞌan nchka tiꞌ neꞌ kanꞌ, chaꞌ xkwiꞌ chaꞌ kuxi ndyoꞌo tuꞌwa neꞌ. Lye ꞌa nñi lyoꞌo neꞌ ꞌin taꞌa nten neꞌ laja nu nchkwiꞌ ti neꞌ. Ñaꞌan tiꞌ tyiꞌa yan nu nsuꞌwi tuꞌwa kunan, ngwañaꞌan lka neꞌ, chaꞌ tlá ꞌa nchkwiꞌ neꞌ.

SANTIAGO 3:6

ngwañaꞌan lka ska chaꞌ nu chkwianꞌ; siꞌya chaꞌ kanꞌ ka tyisnan xka chalyuu nu kuxi ꞌa ꞌñaan, xa wa yten chaꞌ kuxi kanꞌ niꞌ kasiya ꞌñaan. Tyisnan kanen chaꞌ kuxi kanꞌ tyukwi ñaꞌaan bra kanꞌ. Loꞌo ska chaꞌ nu chkwiinꞌ tian, tyisnan skwen tikeǎnꞌ bra kanꞌ; loꞌo kiiꞌ kanꞌ ni, nde lo jwlyaa siyaꞌ ti ndyoꞌo ran ndijyan nganen ran nchga seꞌen ndiꞌian.

SANTIAGO 3:7

Nchka ꞌin nten chalyuu kuꞌni msu ꞌin nchga lo ꞌni tlá, ni siya ꞌni nu ndaꞌan kiyaꞌ ti, ni siya ꞌni nu ndyukwi kwan, ni siya ꞌni nu nsuweꞌ niꞌ lyuu, ni siya ꞌni nu nsuꞌwi lo tujoꞌo. Ngiꞌni msu nten ꞌin nchga lo ꞌni kanꞌ.

EL APOCALIPSIS 12:9

wa ngulo Ni ꞌin angajle nu mduun chaꞌ ꞌin kunan kanꞌ bra kanꞌ. Sꞌni ndaꞌan kunan kanꞌ lo chalyuu re, ti kwiꞌ kuneꞌ xaꞌan lka nu kunan kanꞌ; kwiꞌ nu naan Satanás. Xkwiꞌ nan nñi lyoꞌo yu ꞌin nten tyukwi ñaꞌaan chalyuu bra kanꞌ. Nan wa ngulo Ndiose ꞌin kunan kanꞌ loꞌo sndaru ꞌin iꞌ nu ngwa sꞌni, mdiyan iꞌ lo chalyuu re bra kanꞌ.