SANTIAGO 3:4 - Chatino Zona Alta Occidental

⁴ Xka ñaꞌan ngiꞌni nten nu ndlyaꞌ ska yka naꞌan. Nten nu nka ndloo ꞌin yka naꞌan, bra nu kalaꞌ yu ska yaꞌ xuwe nu ndukwa tu seꞌen yka naꞌan kanꞌ, ka ꞌin yu tsaa loꞌo yu ꞌin ran la seꞌen nchka tiꞌ yu chaꞌ tsaa yu loꞌo. Ni siya tnun ꞌa yka naꞌan kanꞌ, ni siya lye ꞌa nskwa kwiꞌin nu ndyaꞌan loꞌo ꞌin ran, ka ꞌin yu tsaa loꞌo yu ꞌin ran la seꞌen nchka tiꞌ yu tsaa yu.

SANTIAGO 3:4 ပူးပေါင်းရင်းမြစ်များ

SAN MATEO 11:27

Ti ngwaꞌu la Jesús ꞌin neꞌ bra kanꞌ: ―Nchga chabiyaꞌ ꞌin Stiǐn Ndiose nganun ꞌñaǎn. Ja tukwin jlyo tiꞌ sa ñaꞌan lka chaꞌ nu nsuꞌwi niꞌ kasiya ꞌñaǎn, chaꞌ naꞌ lkaǎn ska ti nu lka Sñiꞌ Ndiose; ska ti Stiǐn Ndiose jlyo tiꞌ Ni sa ñaꞌan lka chaꞌ nu nsuꞌwi niꞌ kasiya ꞌñaǎn. Kwiꞌ ngwañaꞌan, ja tukwin jlyo tiꞌ sa ñaꞌan chaꞌ nu nsuꞌwi niꞌ kasiya ꞌin Stiǐn; skaǎn tiǎn nu lkaǎn Sñiꞌ Ni jlyo tiǎnꞌ, loꞌo kwaꞌuǔn chaꞌ kanꞌ ꞌin nten nu kuloǔn suwiǐn ꞌin chaꞌ kuꞌni xaꞌan neꞌ chaꞌ ꞌñaǎn.

SAN MATEO 8:24

Kanꞌ lye ꞌa ngwa kwiꞌin, lye ꞌa ngatsa tyiꞌa lo tiyuꞌ, wa sten ti yka naꞌan kanꞌ niꞌ tyiꞌa siꞌya kulooꞌ. Lajaꞌ Jesús nsuꞌwi niꞌ yka naꞌan kanꞌ bra kanꞌ.

LOS HECHOS 27:11

Ja ynan capitán ꞌin sndaru chaꞌ nu ykwiꞌ Palyu loꞌo; jlyo la tiꞌ neꞌ nu ngalaꞌ yaꞌ yka naꞌan loꞌo nu nka ndloo ꞌin yka naꞌan kanꞌ, mskeꞌ tiꞌ capitán kanꞌ.

SANTIAGO 3:3

Nde ñaꞌan ngiꞌnian loꞌo ska kwiyu. Nsuꞌwaan chkwan tu tuꞌwa iꞌ, chaꞌ bra kanꞌ ka kuloan tñan ꞌin iꞌ, chaꞌ tsaa loꞌoan ꞌin iꞌ la seꞌen nchka tianꞌ chaꞌ tsaan.

SANTIAGO 3:5

Kwiꞌ ngwañaꞌan lka ska chaꞌ nu nchkwianꞌ. Nxkeꞌ tianꞌ chaꞌ lyuꞌ ti ltseanꞌ nu nsuꞌwi tu tuꞌwaan. Loꞌo kaꞌan ꞌa chaꞌ tnun nchkwianꞌ loꞌo ran, ndiya yaꞌ. Tukwi ꞌa chaꞌ kuꞌnian kwan tuꞌwaan, chaꞌ ja chkwianꞌ chaꞌ kuxi ngwañaꞌan. Ti kwiꞌ ti chaꞌ, kaꞌan ꞌa chaꞌ kuxi ka kuꞌni ska chaꞌ nu chkwianꞌ; sa ñaꞌan lka chaꞌ chinꞌ ti kiiꞌ kunanjoꞌo chaꞌ xñi kiiꞌ ꞌin kixinꞌ tnun, loꞌo kaꞌan ꞌa kixinꞌ nskin bra kanꞌ,