SANTIAGO 3:18 - Chatino Zona Alta Occidental

¹⁸ Suꞌwe ꞌa ngiꞌni nten nu ja ndaꞌan naan chaꞌ wsuun loꞌo taꞌa nten, nten nu suꞌwe ꞌa nka tiye nchkwiꞌ loꞌo taꞌa nten. Chunꞌ ndiꞌin la tyoꞌo tukwa kaꞌan la chaꞌ suꞌwe nu nchka tiꞌ Ndiose chaꞌ ka lo chalyuu bra kanꞌ, chunꞌ chaꞌ suꞌwe nu ndaꞌan chaꞌ tiye neꞌ kanꞌ.

SANTIAGO 3:18 ပူးပေါင်းရင်းမြစ်များ

SAN MATEO 5:9

’Kwiꞌ ngwañaꞌan, ka suꞌwe nka tiye nten nu ndayaꞌ ꞌin taꞌa nten chaꞌ ka tiin chaꞌ ꞌin neꞌ loꞌo nu nxuun loꞌo neꞌ. “Sñiěnꞌ” nchkwin Ndiose ꞌin nten nu ngiꞌni chaꞌ kiꞌya tlaꞌ tiye neꞌ loꞌo taꞌa nten neꞌ.

SAN JUAN 4:36

Kaja siyaꞌ msu ꞌñaǎn nu kuꞌni kwa kanꞌ, loꞌo ja tsaa tii ꞌa tñan nu yꞌni msu kanꞌ. Chunꞌ ndiꞌin la suꞌwa ti ka suꞌwe ka tiye taꞌa tyukwaa ta nten re ꞌñaǎn: loꞌo neꞌ nu nsnen chaꞌ suꞌwe ꞌin Ndiose seꞌen ndiꞌin nchga nten, loꞌo neꞌ nu ñaꞌan sa ñaꞌan wa yten nten chalyuu chaꞌ ꞌin Ndiose ―ndukwin Jesús ꞌin neꞌ nu ngiꞌni xaꞌan chaꞌ ꞌin yu―.

GÁLATAS 6:8

Kwiꞌ ngwañaꞌan nchka tianꞌ bra nu ndiꞌian lo chalyuu re. Bra nu ti ngiꞌnian ya ñaꞌan ti chaꞌ kuxi nu ndiya tianꞌ kuꞌnian, ja ska chaꞌ suꞌwe kaja ꞌñaan bra nu tyii chalyuu re. Sa kanꞌ ti chaꞌ nganun chaꞌ kajaan, loꞌo ngwañaꞌan ti tyii nchga chaꞌ suꞌwe nu nsuꞌwi ꞌñaan. Bra nu kuꞌnian nchga tñan nu nchka tiꞌ Tyiꞌi Ndiose chaꞌ kuꞌnian, suꞌwe ꞌa tsaa toꞌo chaꞌ ꞌñaan bra kanꞌ; kaja chalyuu nu ja tsaa tii ꞌa ꞌñaan. Ja tyii tñan ꞌñaan ngwañaꞌan ti.

FILIPENSES 1:11

Kaꞌan ꞌa chaꞌ suꞌwe ka kuꞌni wan nchga seꞌen ndiꞌin wan lo chalyuu chunꞌ Jesucristo, chaꞌ ngiꞌni Krixtu tñan niꞌ kasiya ꞌwan; kanꞌ chaꞌ ka kuꞌni tnun wan ꞌin Ndiose, bra nu tyuꞌwi tiꞌ wan chaꞌ tnun nu ngiꞌni Ni.

HEBREOS 12:11

Chañi chaꞌ xiꞌin tianꞌ bra nu ndijian nu tiꞌí, siꞌi nan suꞌwe nka tiyean bra kanꞌ; chunꞌ ndiꞌin la ka kuꞌnian kaꞌan la chaꞌ suꞌwe, chaꞌ tiin ti tyiꞌian lo chalyuu bra kanꞌ, chaꞌ wa msñian suꞌwean chaꞌ ꞌin Ndiose bra nu mdijian nu tiꞌí.

SANTIAGO 1:20

Chaꞌ nu bra nu kasinꞌ tianꞌ, ja ka kuꞌnian chaꞌ suꞌwe nu nchka tiꞌ Ndiose chaꞌ kuꞌnian lo chalyuu.