SANTIAGO 3:13 - Chatino Zona Alta Occidental

¹³ Bra nu xkeꞌ tiꞌ wan chaꞌ suꞌwe ꞌa nchka ꞌwan nchkwiꞌ wan, chaꞌ suꞌwe ꞌa nnan wan ska chaꞌ nu nchkwiꞌ nten loꞌo wan, bra kanꞌ xkwiꞌ suꞌwe ti kuꞌni wan bra nu ndiꞌin wan lo chalyuu, chaꞌ ka kiꞌya xka ta nten kwenta ꞌwan chaꞌ nten suꞌwe lka wan. Ja kaꞌan ꞌa chaꞌ tnun xuꞌwi tiye wan ñaꞌan wan ꞌin nten chaꞌ nchka ꞌa ꞌwan ngwañaꞌan, suꞌwe ti chkwiꞌ wan loꞌo neꞌ.

SANTIAGO 3:13 ပူးပေါင်းရင်းမြစ်များ

SAN MATEO 11:29

Xñi wan tñan nu taǎn ꞌwan, kwiꞌ kuꞌni xaꞌan wan nchga chaꞌ ꞌñaǎn bra kanꞌ. Chka tꞌnan ꞌa tiǎnꞌ ꞌwan, taloǔn ꞌaǎn ꞌwan; loꞌo tiin ti tyiꞌin wan chaꞌ wa yꞌni tyiǐn nchga chaꞌ kuxi nu nsuꞌwi niꞌ kasiya ꞌwan.

SAN MATEO 21:5

Katsaꞌ wan ꞌin neꞌ kichen Sión: “Ñaꞌan kwiꞌya wan chinꞌ nde re, chaꞌ wa ndijyan nu ka ndloo la ꞌwan. Ja tlá yu kula kanꞌ, chunꞌ buru ti ndukwa yu. Ska buru kuneꞌ lka iꞌ, sñiꞌ ꞌni nu ndiꞌya yuꞌwa lka buru kuneꞌ kanꞌ.” Ngwañaꞌan nchkwiꞌ lo kityi kanꞌ.

SAN MATEO 5:5

’Kwiꞌ ngwañaꞌan, ka suꞌwe nka tiye nten nu ja nchka tiꞌ tyijin lyo ꞌin taꞌa nten, chaꞌ nde seꞌen ndiꞌin Ndiose ndiya chaꞌ suꞌwe nu ta Ni ꞌin neꞌ kanꞌ bra kanꞌ.

SAN MATEO 7:24

’Nchga nten nu kunan suꞌwe chaꞌ nu nchkwiǐnꞌ re, nchga nten nu tukwa chaꞌ nu nchkwiǐnꞌ, lka neꞌ kanꞌ sa ñaꞌan lka ska nten nu ngiꞌni suꞌwe kwenta xa nu ti ji kwiñan yu naꞌan ꞌin yu. Kanꞌ mñan yu kanꞌ naꞌan ꞌin yu chunꞌ ska kee jaaꞌ.

1 CORINTIOS 6:5

Nchkwiǐnꞌ chaꞌ re chaꞌ ka jyuꞌu tiꞌ wan tloo Ndiose. ¿Ta ja ndiya ska nten taꞌa wan nu ka ꞌin kuꞌni biyaꞌ chaꞌ ꞌwan loꞌo taꞌa wan a?

2 CORINTIOS 10:1

Palyu lkaǎn nu nchkwiǐnꞌ loꞌo wan ni. Kuꞌni wan chaꞌ tlyu tiꞌ ꞌñaǎn, ni siya chkwiǐnꞌ ñi loꞌo wan. Ndiya nten nu ndukwin chaꞌ ntseěn ꞌaǎn chkwiǐnꞌ loꞌo wan xa nu ndiꞌiǐn seꞌen ndiꞌin wan, loꞌo ngiꞌniǐn tláǎn ꞌaǎn ꞌwan xa nu ndiꞌiǐn tijyuꞌ; ngwañaꞌan ndukwin neꞌ. Tyaa yuꞌwi tiꞌ wan sikwa, chaꞌ xkwiꞌ suꞌwe ti nka tiye Krixtu ñaꞌan Ni ꞌñaan.

2 CORINTIOS 8:24

Kanꞌ chaꞌ chkwiꞌ suꞌwe wan loꞌo neꞌ kanꞌ sikwa, chaꞌ ka biyaꞌ tiꞌ xka ta yu taꞌaan chaꞌ chañi chaꞌ suꞌwe nka tiye wan ñaꞌan wan ꞌin Tito loꞌo taꞌa ndaꞌan yu. Loꞌo ngwañaꞌan, suꞌwe ꞌa ka tiye ba bra nu ñaꞌan ba sa ñaꞌan nu ngiꞌni wan loꞌo neꞌ kanꞌ. Chunꞌ ndiꞌin la kanen chaꞌ kanꞌ seꞌen ndiꞌin nchga ta nten nu ndiꞌin chaꞌ ꞌin Krixtu kanꞌ.

GÁLATAS 5:23

kwiꞌ ngwañaꞌan ngiꞌni Tyiꞌi Ndiose loꞌoan chaꞌ ja tnun ngiꞌnian ꞌñaan loꞌo taꞌa ntean, ngiꞌni Ni chaꞌ ka ꞌñaan kuꞌnian kwenta ꞌñaan, ti ykwiinꞌ tian bra kanꞌ. Ja ska ꞌa kiꞌya xtya Ndiose ꞌñaan, si kuꞌnian ngwañaꞌan.

GÁLATAS 6:1

ꞌWan taꞌaan, nde ñaꞌan kuꞌni wan bra nu ñaꞌan wan ꞌin ska yu taꞌa msñi wan chaꞌ ꞌin Ndiose, chaꞌ nchka kuxi kasiya ꞌin yu chunꞌ nu ngiꞌni yu ska chaꞌ kuxi. ꞌWan nu nsuꞌwi Tyiꞌi Ndiose niꞌ kasiya ꞌwan ndiꞌin chaꞌ tayaꞌ wan chinꞌ ꞌin yu kanꞌ, chaꞌ katin kiꞌya nu ndukwi yu, chaꞌ kunan yu chaꞌ ꞌin Krixtu xiyaꞌ. Suꞌwe ti chkwiꞌ wan loꞌo yu kanꞌ. Kwiꞌ ngwañaꞌan, ndii ti tiꞌ wan tyiꞌin wan ti ykwiꞌ ti wan, chaꞌ ja kuꞌni wan ti kwiꞌ chaꞌ kuxi sa ñaꞌan nu yꞌni yu kanꞌ.

GÁLATAS 6:4

Ndiꞌin chaꞌ kiꞌyaan kwenta sa ñaꞌan nu ndiꞌian kwenta skaan lo chalyuu. Nu chañi chaꞌ suꞌwe ngiꞌnian ni, chaꞌ ꞌñaan tian lka chaꞌ kanꞌ; ja ndiꞌin chaꞌ kuꞌniin siyeanꞌ loꞌo xka ta nten.

EFESIOS 4:2

Ja kuꞌni siyeꞌ wan loꞌo taꞌa nten wan, suꞌwe ti chkwiꞌ wan loꞌo nchga nten, kuꞌni wan chaꞌ tlyu tiꞌ ꞌin neꞌ; kwiꞌ ngwañaꞌan, tayaꞌ wan ꞌin neꞌ, chaꞌ ka biyaꞌ tiꞌ xka ta nten chaꞌ chañi chaꞌ suꞌwe ꞌa nka tiye wan loꞌo taꞌa nten wan.

FILIPENSES 1:27

Kanꞌ chaꞌ ni, kiꞌya wan kwenta sa ñaꞌan ndiꞌin chaꞌ kuꞌni wan lo chalyuu xa wa msñi wan chaꞌ ꞌin Krixtu. Si ngwañaꞌan kuꞌni wan, bra kanꞌ ja nꞌni chaꞌ ni siya kaǎn kichen tyi wan, ni siya ja ka kaǎn. Ja chan kaja chaꞌ ꞌñaǎn chaꞌ ska ti chaꞌ nsuꞌwi tiye wan loꞌo taꞌa wan, chaꞌ nsuꞌwi ꞌa chaꞌ tlyu tiꞌ ꞌwan loꞌo nten nu nxuun loꞌo wan; ja chan suꞌwa ti ndaꞌan chaꞌ tiye wan loꞌo taꞌa wan, ni siya chan ꞌa nchkwiꞌ wan loꞌo neꞌ chaꞌ xñi neꞌ chaꞌ suꞌwe kanꞌ ꞌin Krixtu.

COLOSENSES 3:12

Nten ꞌin Ndiose lka wan sikwa; nan wa ngulo suwi Ni ꞌwan, chaꞌ suꞌwe ꞌa nka tiye Ni ñaꞌan Ni ꞌwan. Kanꞌ chaꞌ ndiꞌin chaꞌ chka tꞌnan tiꞌ wan ꞌin xka ta nten; suꞌwe ti kuꞌni wan loꞌo neꞌ, ja kuꞌni siyeꞌ wan loꞌo neꞌ; tiyaꞌ ti chkwiꞌ wan loꞌo neꞌ, kuꞌni ꞌa wan chaꞌ tlyu tiꞌ ꞌin neꞌ.

1 TIMOTEO 4:12

Ja taa chabiyaꞌ xtyi lyoꞌo neꞌ ꞌiin chaꞌ ti kuneeꞌ, xkeꞌ tiꞌ neꞌ. Xkwiꞌ luwi ti kuꞌnii tñan chaꞌ ñaꞌan taꞌa nten ꞌin Jesucristo ꞌin ran; xkwiꞌ chaꞌ suꞌwe chkwiiꞌ, xkwiꞌ chaꞌ suꞌwe kuꞌnii; kwiꞌ ngwañaꞌan, suꞌwe ꞌa xuꞌwi tiyee ñaꞌaan ꞌin nchga nten. Bra kanꞌ ka biyaꞌ tiꞌ neꞌ chaꞌ suꞌwe ꞌa msñii chaꞌ ꞌin Jesucristo, chaꞌ xkwiꞌ luwi kasiya ꞌiin ngiꞌnii tñan.

1 TIMOTEO 6:11

Loꞌo nuꞌwin, Timu, nten ꞌin Ndiose lkaa, kanꞌ chaꞌ ndiꞌin chaꞌ kulaa yaaꞌ nchga chaꞌ kuxi; xkwiꞌ chaꞌ nu ñi kuꞌnii, nchga loo chaꞌ suꞌwe nu nchka tiꞌ Ndiose chaꞌ kuꞌnian. Ti xñii suꞌwe la chaꞌ ꞌin Ndiose; suꞌwe ꞌa xuꞌwi tiyee ñaꞌaan ꞌin nchga nten; taloo ni siya ta neꞌ nu tiꞌí ꞌiin; chka tꞌnan tiiꞌ ꞌin nten.

2 TIMOTEO 2:25

loꞌo ꞌin nten nu msinꞌ tiꞌ ꞌwan. Suꞌwe ti chkwiꞌ wan loꞌo nten nu msinꞌ tiꞌ, chaꞌ ngwañaꞌan ka kuꞌni Xꞌnaan tñan niꞌ kasiya ꞌin neꞌ kanꞌ, chaꞌ ka kwaꞌu Ni ꞌin neꞌ sa ñaꞌan ndyoꞌo chaꞌ nu ñi kanꞌ. Suꞌwe ꞌa si kulaa yaꞌ nten nu msinꞌ tiꞌ kanꞌ ꞌin nchga chaꞌ kuxi nu ngiꞌni neꞌ,

TITO 3:2

Ja suꞌwe chkwiꞌ neꞌ kwentu ꞌin xka la nten, kwiꞌ ja suꞌwe xuun neꞌ loꞌo taꞌa nten neꞌ; ndiꞌin chaꞌ kuwe tiꞌ neꞌ ꞌin xka la nten, chaꞌ suꞌwe ti chkwiꞌ neꞌ loꞌo nchga nten.

HEBREOS 13:5

Ja xuꞌwi tiye wan xkwiꞌ chaꞌ ꞌin tñi; suꞌwe si kalaꞌ tiꞌ wan loꞌo sa kwa ti nan nu nsuꞌwi chinꞌ ꞌwan. Nan wa ykwiꞌ Ndiose chaꞌ re loꞌoan: “Ja kulaa yaǎnꞌ ꞌaǎn ꞌwan” ndukwin Ni, “ja xnuǔn ꞌaǎn ꞌwan ngwa ti ñaꞌan.”

SANTIAGO 1:21

Kwiꞌ ngwañaꞌan, ndiꞌin chaꞌ kulaa yaanꞌ nchga chaꞌ chen ñaꞌan, nchga chaꞌ kuxi nu ti ndiꞌin niꞌ kasiya ꞌñaan. Tukwaan chaꞌ ꞌin Ndiose sikwa, suꞌwe ti xñian nchga chaꞌ nu wa ykwiꞌ Ni loꞌoan, chaꞌ kanun chaꞌ kanꞌ niꞌ kasiya ꞌñaan, kanꞌ lka chaꞌ nu ka kulaa ꞌñaan ꞌin chaꞌ kuxi nu njwakii ꞌa ꞌñaan.

SANTIAGO 2:18

Ja chan chkwiꞌ ska nten loꞌoǔn: “Suꞌwe ꞌa chaꞌ ꞌwan chaꞌ msñi wan chaꞌ ꞌin Ndiose. Naꞌ ni, nxkeꞌ tianꞌ chaꞌ yaꞌ la chaꞌ ꞌin Ndiose ni siya kuꞌniǐn tiǎn chaꞌ suꞌwe loꞌo nten, ni siya ja tsaa ñaꞌan lye tiǎnꞌ” nchkwin yu. Suꞌwe sikwa. Nde lka chaꞌ nu chkwiǐnꞌ loꞌo yu kanꞌ bra kanꞌ: “Katsaꞌ wan ꞌñaǎn sikwa si chañi chaꞌ wa msñi wan chaꞌ ꞌin Ndiose, ni siya suꞌwe ti ngiꞌni wan loꞌo nten; loꞌo naꞌ ni, bra nu ñaꞌan wan ꞌñaǎn chaꞌ ngiꞌniǐn chaꞌ suꞌwe loꞌo nten, bra kanꞌ ka biyaꞌ tiꞌ wan chaꞌ chañi chaꞌ msñiǐn chaꞌ ꞌin Ndiose” chkwiǐnꞌ loꞌo yu kanꞌ.

SANTIAGO 3:1

ꞌWan taꞌa msñian chaꞌ ꞌin Krixtu, ja suꞌwe si tyun ꞌa wan nchka tiꞌ wan kwaꞌu wan ꞌin taꞌa nten wan; yaꞌ la si chinꞌ ti nan kaan mstru chaꞌ kwaꞌuan chaꞌ ꞌin Ndiose ꞌin taꞌaan. Wa jlyo tiꞌ wan chaꞌ lye ꞌa ñaꞌan kwiꞌya neꞌ ꞌñaan nu lkaan mstru, kanꞌ chaꞌ ndla ꞌa chkwiꞌ neꞌ ꞌñaan si chen ñaꞌan tyoꞌo tñan nu ngiꞌnian xa wa ngwaꞌuan ꞌin taꞌaan.

SANTIAGO 3:17

Nchga chaꞌ nu nda Ndiose ꞌñaan chaꞌ chkwianꞌ loꞌo nten, xkwiꞌ chaꞌ suꞌwe lka kanꞌ; ja mxtiyaaꞌ chaꞌ suꞌwe kanꞌ loꞌo chaꞌ kuxi, ja ngiꞌni ran chaꞌ xuan loꞌo taꞌa ntean. Xkwiꞌ chaꞌ suꞌwe nda Ni chaꞌ chkwianꞌ loꞌo nten, chaꞌ xkwiꞌ chaꞌ suꞌwe kuꞌnian loꞌo neꞌ bra kanꞌ. Kwiꞌ ngwañaꞌan, xa wa ynaan chaꞌ kanꞌ, ndiꞌin chaꞌ chka tꞌnan tianꞌ ꞌin nten, chaꞌ kuꞌnian chaꞌ suꞌwe nu tayaanꞌ ꞌin nten; ska ti chaꞌ nu ñi chkwianꞌ loꞌo nten, ja chkwianꞌ tukwa chaꞌ loꞌo neꞌ.

1 SAN PEDRO 1:15

Xkwiꞌ luwi siyaꞌ ti lka Ndiose, xkwiꞌ ñi ꞌa tñan nu ngiꞌni Ni; kwiꞌ ngwañaꞌan, lka Ni nu nka Xꞌnaan. Kanꞌ chaꞌ nchka tiꞌ Ni chaꞌ xkwiꞌ luwi ꞌa ka kasiya ꞌwan, loꞌo xkwiꞌ chaꞌ nu ñi kuꞌni wan.

1 SAN PEDRO 2:12

Xkwiꞌ chaꞌ nu ñi kuꞌni wan sikwa; xkwiꞌ chaꞌ suꞌwe kuꞌni wan tloo nten, nten nu ja ndyaa ñaꞌan tiꞌ ꞌin Ndiose siyaꞌ ti, chaꞌ loꞌo neꞌ kanꞌ ka biyaꞌ tiꞌ neꞌ chaꞌ nten suꞌwe lka wan. Nu ni, nxkeꞌ tiꞌ neꞌ kanꞌ, chaꞌ kuxi ꞌa nten lka wan, kanꞌ chaꞌ suꞌwe la si xkwiꞌ chaꞌ suꞌwe kuꞌni wan chaꞌ ñaꞌan nten kanꞌ ꞌwan; bra kanꞌ kiꞌya neꞌ kanꞌ kwenta chaꞌ chañi chaꞌ lka wan nten suꞌwe. Loꞌo nten kanꞌ kuꞌni tnun ꞌin Ndiose tsan nu kuꞌni biyaꞌ Ni ꞌin nchga nten bra kanꞌ.

1 SAN PEDRO 2:9

ꞌWan ni, wa ngulo suwi Ndiose ꞌwan chaꞌ ka wan ska ta nten nu ngiꞌni tnun ꞌin Ni. Lka wan ñaꞌan tiꞌ ska ta sti joꞌo nu chaꞌ ꞌin Ndiose nu nka ndloo siyaꞌ ti; ñaꞌan tiꞌ ska ta nten luwi, ngwañaꞌan lka wan, chaꞌ ka kuꞌni tnun wan ꞌin Ndiose nchga tsan. Nchkwiꞌ Ni loꞌo wan: “Nten ꞌñaǎn lka wan” ndukwin Ni. Kanꞌ chaꞌ nchka ꞌa tiꞌ Ni chaꞌ chkwiꞌ wan loꞌo nchga nten nchga chaꞌ suꞌwe nu ngiꞌni Ndiose loꞌo wan; wa ngulaa Ni ꞌwan ꞌin chalyuu kuxi seꞌen tla ꞌa, chaꞌ kaja chalyuu kwi ꞌwan nu xaa ꞌa chaꞌ ꞌin Ndiose.

1 SAN PEDRO 3:4

Ndiose ndiya la tiꞌ Ni ꞌin nu kunaꞌan nu suꞌwe ꞌa nka tiye; nu kunaꞌan nu ja liyeꞌ tiꞌ, nu kunaꞌan nu ja xaꞌan tiye, kanꞌ lka nu ndiya la tiꞌ Ni ñaꞌan Ni ꞌin. Sa ñaꞌan lka ska nan nu suꞌwe ꞌa ñaꞌan, nu kaꞌan ꞌa ndyuꞌwi lyo, ngwañaꞌan lka nu kunaꞌan nu ja kuxi ngiꞌni tloo Ndiose.