SANTIAGO 2:15 - Chatino Zona Alta Occidental

¹⁵ Ja chan ndiya neꞌ taꞌa ndyoꞌ tiꞌin wan nu lyiji ꞌa steꞌ neꞌ, nu lyiji ꞌa nan ku neꞌ, ni siya yu kiꞌyu, ni siya neꞌ kunaꞌan.

SANTIAGO 2:15 ပူးပေါင်းရင်းမြစ်များ

SAN MARCOS 14:7

Nchga tsan ndiꞌin neꞌ tiꞌi loꞌo wan lo chalyuu re, kanꞌ chaꞌ ka kuꞌni wan chaꞌ suꞌwe loꞌo neꞌ tiꞌi sa ñaꞌan bra nu nchka tiꞌ wan; loꞌo naꞌ ni, wa tyii ti tsan nu tyiꞌiǐn loꞌo wan.

SAN LUCAS 3:11

Bra kanꞌ ngwaꞌu Xuwa ꞌin neꞌ: ―Nde lka tñan nu kuꞌni wan ―ndukwin Xuwa―. Si nsuꞌwi tukwa ykanꞌ ꞌin ska wan, ta wan ska ꞌin ska nten tiꞌi nu ja nsuꞌwi ꞌin siyaꞌ ti; si nsuꞌwi nan nchku wan, bra kanꞌ suꞌwe wan chinꞌ chaꞌ ta wan ku nten nu ja nsuꞌwi ꞌa nan ku ―ndukwin Xuwa ꞌin neꞌ.

LOS HECHOS 9:29

Loꞌo ja ntsen yu, ykwiꞌ yu nchga chaꞌ ꞌin Jesús loꞌo neꞌ kichen kanꞌ. Loꞌo ndiꞌin chinꞌ neꞌ judío nu nchkwiꞌ chaꞌ griego, ykwiꞌ neꞌ kanꞌ loꞌo Saulo bra kanꞌ; lye ꞌa msuun neꞌ loꞌo yu bra kanꞌ, loꞌo ngwa tiꞌ neꞌ kanꞌ kujwi neꞌ ꞌin yu.

HEBREOS 11:37

Ska tukwa yu kanꞌ ngujwi yu bra kanꞌ, chaꞌ tiꞌí ꞌa nguun kee neꞌ chunꞌ yu kanꞌ, loꞌo ndiya yaꞌ mduwe neꞌ ꞌin xka ta yu kanꞌ loꞌo siyera. Kwiꞌ ngwañaꞌan xka ta yu kanꞌ, ngujwi yu tuꞌwa xtyi ꞌin neꞌ kuxi. Kwiꞌ ngwañaꞌan, ndiya yu nu ndaꞌan yuꞌwi ti yu, kijin slyaꞌ ti nchkuꞌ yu bra kanꞌ, ni siya kijin chivu. Kwiꞌ ngwañaꞌan ndiya nu tiꞌi, chaꞌ nu tiꞌí ꞌa tiꞌ neꞌ kuxi ꞌin yu.

SANTIAGO 2:5

ꞌWan taꞌaǎn nu ndiya ꞌa tiǎnꞌ ꞌwan, kiꞌya wan kwenta sa ñaꞌan lka chaꞌ re, chaꞌ wa ngulo suwi Ndiose ꞌin nten nu tiꞌi chaꞌ ka xñi suꞌwe neꞌ chaꞌ ꞌin Ndiose, chaꞌ ta Ni ska chalyuu suꞌwe ꞌin neꞌ kanꞌ bra kanꞌ, ti kwiꞌ chalyuu kwi nu ndukwin Ni chaꞌ kaja ꞌin nten nu suꞌwe ꞌa nka tiye ñaꞌan ꞌin Ndiose. Ni siya tiꞌi ꞌa nten kanꞌ lo chalyuu, kuliyaꞌ ꞌa neꞌ tloo Ndiose.

1 SAN JUAN 3:17

Ndiya neꞌ taꞌaan nu ja ska ꞌa nan lyiji ꞌin neꞌ siyaꞌ ti chaꞌ tyijin yuꞌwi ꞌin neꞌ lo chalyuu. Si ngwañaꞌan suꞌwe ti ndiꞌian, loꞌo bra kanꞌ ñaꞌaan ꞌin taꞌa ntean nu lyiji ꞌa chaꞌ ꞌin neꞌ, loꞌo ja xlyaan chka tꞌnan tianꞌ ꞌin taꞌa ntean, bra kanꞌ ja ka ꞌñaan chkwianꞌ chaꞌ suꞌwe ꞌa nka tiyean ñaꞌaan ꞌin Ndiose; Ndiose ni, suꞌwe ꞌa nka tiye Ni ñaꞌan Ni ꞌñaan.