SANTIAGO 1:26 - Chatino Zona Alta Occidental

²⁶ Ja chan ndiya chinꞌ taꞌa wan nu xkeꞌ tiꞌ chaꞌ kti ꞌa ngiꞌni neꞌ, ti ykwiꞌ ti neꞌ. Chaꞌ kwiñi ti ngiꞌni neꞌ ngwañaꞌan, si ja nduwe tiꞌ neꞌ sa ñaꞌan chkwiꞌ neꞌ loꞌo nten; ti ykwiꞌ ti neꞌ nñi lyoꞌo neꞌ ꞌin neꞌ chaꞌ kti neꞌ bra kanꞌ.

SANTIAGO 1:26 ပူးပေါင်းရင်းမြစ်များ

SAN MATEO 15:9

Nan kwiñi ꞌa neꞌ re, chaꞌ nchkwiꞌ neꞌ chaꞌ ngiꞌni tnun neꞌ ꞌñaǎn. Nduꞌu neꞌ chaꞌ nu nchkwiꞌ nten chalyuu ti ꞌin taꞌa nten neꞌ, ni siya nchkwiꞌ neꞌ chaꞌ nduꞌu neꞌ chaꞌ ꞌñaǎn ꞌin taꞌa neꞌ. Ngwañaꞌan ndukwa chaꞌ nu ngwaꞌan ayman Isaías kanꞌ chabiyaꞌ ꞌin Ndiose.

SAN MARCOS 7:7

Kwiñi ꞌa nchkwiꞌ neꞌ re chaꞌ ngiꞌni tnun neꞌ ꞌñaǎn, loꞌo nduꞌu neꞌ chaꞌ nu nchkwiꞌ nten ti ꞌin taꞌa neꞌ, ni siya ndukwin neꞌ chaꞌ nduꞌu neꞌ chaꞌ ꞌñaǎn ꞌin taꞌa neꞌ, ndukwin Ndiose. Ngwañaꞌan ndukwa chaꞌ lo kityi.

SAN LUCAS 8:18

’Kanꞌ chaꞌ kunan suꞌwe wan sikwa. Nten nu ndyaa ñaꞌan tiꞌ chaꞌ nu ngiꞌni xaꞌan neꞌ chaꞌ ꞌin Ndiose ni, ti chkwiꞌ la Ndiose loꞌo neꞌ kanꞌ; loꞌo kanꞌ, nten nu ja ndyaa ñaꞌan tiꞌ chaꞌ kanꞌ, nu ja nchka tiꞌ kuꞌni xaꞌan chaꞌ kanꞌ, kuꞌni Ndiose chaꞌ ja ka ꞌin neꞌ kanꞌ kuꞌni xaꞌan neꞌ chaꞌ ꞌin Ndiose siyaꞌ ti.

1 CORINTIOS 15:15

Ti kwiꞌ ti chaꞌ, kwiñi ba chaꞌ ꞌin Ndiose si ja ngwa ngwañaꞌan. Wa ykwiꞌ ba loꞌo wan ti kulo chaꞌ wa ndyuꞌu Jesús xiyaꞌ chabiyaꞌ ꞌin Ndiose; loꞌo ja ngwa ꞌin Ndiose kuꞌni Ni ngwañaꞌan loꞌo Jesús, si ja ka tyuꞌu nten xiyaꞌ xa wa ngujwi neꞌ.

1 CORINTIOS 15:2

Chaꞌ nu wa ykwiǐnꞌ chaꞌ ꞌin Jesús loꞌo wan, kanꞌ chaꞌ mdoꞌo laa wan ꞌin nu kuxi; loꞌo ni, ti ndiꞌin chaꞌ xñi suꞌwe la wan chaꞌ ꞌin Jesús niꞌ kasiya ꞌwan. ¿O ta wa msñi wan xka la chaꞌ, nu wa yꞌni chaꞌ mjlyaa tiꞌ wan chaꞌ kanꞌ a?

1 CORINTIOS 3:18

Wa msñian chaꞌ ꞌin Krixtu ni, kanꞌ chaꞌ suꞌwe la si ja chkwianꞌ chaꞌ nsuꞌwi ꞌa chaꞌ tiya ꞌñaan, ti ykwiinꞌ tian, sa ñaꞌan ngiꞌni nten chalyuu nu tiya ꞌa. Ja suꞌwe si tyaꞌan chaꞌ tiyean ngwañaꞌan. Ndiꞌin chaꞌ tyaꞌan chaꞌ tiyean chaꞌ ja nsuꞌwi chaꞌ tiya ꞌñaan siyaꞌ ti, loꞌo kanꞌ ka kuꞌni Ndiose chaꞌ kiꞌya ska chaꞌ nu ñi kean.

GÁLATAS 2:6

Ja nduwe tiǎnꞌ ni siya chkwiꞌ nten chaꞌ tnun ꞌa nchka neꞌ nu nka ndloo ꞌñaan nde Jerusalén kanꞌ; jlyo tiǎnꞌ chaꞌ ska ti ñaꞌan nka tiye Ni loꞌo nchga nten. Ni siya ndloo la neꞌ kanꞌ, ja ngulo neꞌ xka la tñan ꞌñaǎn chaꞌ kwaꞌuǔn ꞌwan neꞌ xka laꞌa tsuꞌ.

GÁLATAS 2:9

Kanꞌ chaꞌ yuꞌwi lyo neꞌ chaꞌ ꞌñaǎn, kwiꞌ Santiago loꞌo Tyu loꞌo Xuwa kanꞌ, ti kwiꞌ neꞌ nu nka ndloo la ꞌin neꞌ taꞌa msñian chaꞌ ꞌin Krixtu. Ska ti chaꞌ ykwiꞌ neꞌ kanꞌ loꞌo ba, chaꞌ suꞌwe ꞌa yꞌni Ndiose loꞌoǔn bra nu nda Ni tñan kanꞌ ꞌñaǎn. Bra kanꞌ msñi yaꞌ taꞌa ba loꞌo neꞌ bra kanꞌ, naꞌ loꞌo Bernabé, chaꞌ ngwa biyaꞌ tiꞌ ba chaꞌ suꞌwe nka tiye neꞌ loꞌo ba, chaꞌ suꞌwa ndiꞌin chaꞌ ꞌin neꞌ loꞌo ba, chaꞌ ti tsaa la ba kichen tyi neꞌ xka laꞌa tsuꞌ. Kanun ykwiꞌ neꞌ kanꞌ seꞌen ndiꞌin yu judío taꞌa ba bra kanꞌ.

GÁLATAS 3:4

Ni siya wa yꞌni Ni kaꞌan chaꞌ tnun seꞌen ndiꞌin wan nu ngwa xkanꞌ ti, ti ndiya bra nu nxkeꞌ tiǎnꞌ chaꞌ ja ngwa suꞌwe kasiya ꞌwan loꞌo Ni siyaꞌ ti, chunꞌ nu ñaꞌaǎn sa ñaꞌan nu ngiꞌni wan. ¡Loꞌo jlyo tiǎnꞌ chaꞌ ngwa suꞌwe kasiya ꞌwan loꞌo chaꞌ tnun kanꞌ nu yꞌni Ni!

GÁLATAS 6:3

Nan nñi lyoꞌoan ꞌñaan ti ykwiinꞌ tian bra nu ndaꞌan ska chaꞌ siyeꞌ tiyean chaꞌ suꞌwe ꞌa lkaan tloo Ndiose; suꞌwe la si jlyo tianꞌ chaꞌ ja ska nan lkaan tloo Ni.

EFESIOS 4:29

Ja chkwiꞌ ꞌa wan chaꞌ tiꞌí loꞌo taꞌa nten wan, kunaan wan chaꞌ suꞌwe ti nu chkwiꞌ wan loꞌo taꞌa wan; kunaan wan sa ñaꞌan nu ka tayaꞌ wan ꞌin neꞌ chaꞌ sten la neꞌ chaꞌ ꞌin Ndiose, chaꞌ kanun ska chaꞌ suꞌwe niꞌ kasiya ꞌin neꞌ bra nu kunan neꞌ chaꞌ nu chkwiꞌ wan.

EFESIOS 5:4

Ja ndiꞌin chaꞌ chkwiꞌ wan chaꞌ kuxi. Ti kwiꞌ ti chaꞌ, ja chkwiꞌ wan chaꞌ tintu, chaꞌ wxtye, ja chkwiꞌ wan ska chaꞌ nu mnaꞌ loꞌo taꞌa nten wan; suꞌwe la si tya wan xuꞌwe ꞌin Ndiose.

COLOSENSES 4:6

Bra nu chkwiꞌ wan loꞌo nten, suꞌwe ti chkwiꞌ wan sa ñaꞌan yaꞌ nu kunan suꞌwe neꞌ chaꞌ nu nchkwiꞌ wan; suꞌwe si suꞌwe ti xkwen wan ꞌin nchga nten.

SANTIAGO 1:19

ꞌWan taꞌa msñian chaꞌ ꞌin Ndiose, chaꞌ suꞌwe ꞌa nka tiyeěn ñaꞌaǎn ꞌwan, nꞌni chaꞌ kiꞌya wan kwenta ꞌin chaꞌ nu chkwiǐnꞌ re. Taꞌaan ndiꞌin chaꞌ ndla ti kunaan chaꞌ nu chkwiꞌ nten loꞌoan, ni siya tiyaꞌ ti xkwean ꞌin neꞌ, tiyaꞌ ꞌa kasinꞌ tianꞌ ꞌin neꞌ.

SANTIAGO 1:22

Sa kanꞌ ti chaꞌ, ndiꞌin chaꞌ tukwaan nchga chaꞌ nu nduꞌu Ni ꞌñaan, siꞌi nan kunan tian chaꞌ kanꞌ; ti ykwiinꞌ tian nñi lyoꞌoan ꞌñaan, si xkwiꞌ nan nnan tian chaꞌ kanꞌ, loꞌo ja ngiꞌnian kasu ꞌin chaꞌ kanꞌ.

SANTIAGO 2:20

Ndiꞌin chaꞌ ka biyaꞌ tiꞌ wan, chaꞌ ja chañi chaꞌ msñian chaꞌ ꞌin Ndiose si ja kuꞌnian chaꞌ suꞌwe nu tayaꞌ ꞌin taꞌa ntean.

1 SAN PEDRO 3:10

Nde ñaꞌan ndukwa chaꞌ lo kityi ꞌin Ndiose: Nchga nten nu nchka tiꞌ kaja chalyuu suꞌwe ꞌin, chaꞌ ka suꞌwe tiye, ndiꞌin chaꞌ kuꞌni neꞌ kanꞌ kwenta ꞌin neꞌ, ti ykwiꞌ ti neꞌ, chaꞌ ja chkwiꞌ ꞌa neꞌ chaꞌ kuxi; kwiꞌ ngwañaꞌan, ja suꞌwe si chkwiꞌ neꞌ ska chaꞌ kwiñi.