SANTIAGO 1:2 - Chatino Zona Alta Occidental

² ꞌWan taꞌa msñian chaꞌ ꞌin Krixtu, si lye ꞌa ndaꞌan chaꞌ tiye wan chunꞌ nchga nu tiꞌí nu ndijin wan, ja nꞌni chaꞌ ka xiꞌin ꞌa tiꞌ wan bra kanꞌ; ka suꞌwe ꞌa ka tiye wan bra kanꞌ,

SANTIAGO 1:2 ပူးပေါင်းရင်းမြစ်များ

LOS HECHOS 5:41

Mdoꞌo neꞌ, suꞌwe ꞌa nsuꞌwi tiye neꞌ bra kanꞌ, ni siya wa yꞌni tlá neꞌ nu lka ndloo kanꞌ ꞌin neꞌ, kwiꞌ mxnun jyuꞌu neꞌ ꞌin neꞌ chunꞌ msñi neꞌ chaꞌ ꞌin Jesús.

ROMANOS 5:3

Ni siya ni, suꞌwe nka tiyean bra nu ndiꞌian lo chalyuu; ni siya tiꞌí ꞌa tiꞌ nten ꞌñaan, jlyo tianꞌ chaꞌ ka taloan xa nu ta neꞌ nu tiꞌí ꞌñaan ngwañaꞌan.

FILIPENSES 1:29

Suꞌwe ꞌa lka chaꞌ mda Ndiose chabiyaꞌ chaꞌ msñi wan chaꞌ ꞌin Krixtu, ni siya ndiꞌin chaꞌ tyijin wan chinꞌ nu tiꞌí, chaꞌ nu msñi wan chaꞌ ꞌin Krixtu kanꞌ.

FILIPENSES 2:17

Jlyo tiǎnꞌ chaꞌ siꞌi chinꞌ ti tñan yꞌni wan bra nu msñi wan chaꞌ ꞌin Ndiose; kaꞌan ꞌa nan nu mxnun wan, tyun yaꞌ nda wan tyukwi ñaꞌaan wan chaꞌ ka wan tñan ꞌin Krixtu, chunꞌ nu wa msñi wan chaꞌ ꞌin Ni. Loꞌoǔn kujwi neꞌ ꞌñaǎn ni, nxkeꞌ tiǎnꞌ; kanaꞌ chalyuu ꞌñaǎn ni chaꞌ ꞌwan. Loꞌo ja ntseěn; ni siya ngwañaꞌan ka ꞌñaǎn, suꞌwe ꞌa ka tiyeěn seꞌen ndiꞌiǐn. Kwiꞌ ngwañaꞌan nxkeꞌ tiǎnꞌ chaꞌ ka suꞌwe tiye wan, chaꞌ suꞌwa ti ka suꞌwe tiyeěn loꞌo wan.

COLOSENSES 1:24

Suꞌwe nxkeꞌ tiǎnꞌ ni siya wa mdijiǐn chinꞌ nu tiꞌí chaꞌ ꞌwan; suꞌwe nxkeꞌ tiǎnꞌ chaꞌ ndijiǐn nu tiꞌí chaꞌ ka suꞌwe chaꞌ ꞌin nchga ta nten nu msñi chaꞌ ꞌin Krixtu nchga kichen. Loꞌo Krixtu ni, mdijin ꞌa Ni nu tiꞌí lo chalyuu chaꞌ ꞌñaan, chaꞌ kaan nten ꞌin ykwiꞌ Ni; kwiꞌ ngwañaꞌan naꞌ, ndijiǐn nu tiꞌí, chaꞌ nu ndiꞌin chaꞌ ka suꞌwa chaꞌ ꞌñaan taꞌaan loꞌo ykwiꞌ Krixtu bra nu mdijian nu tiꞌí lo chalyuu re chaꞌ wa ytean chaꞌ ꞌin Krixtu.

HEBREOS 10:34

Kwiꞌ ngwañaꞌan, ndyaa naꞌan wan ꞌin neꞌ taꞌa wan bra nu yuꞌwi neꞌ niꞌ ñaꞌan chkwan, suꞌwe ꞌa mdayaꞌ wan ꞌin neꞌ kanꞌ bra kanꞌ. Ni siya yꞌni nten kunan nchga chaꞌ suꞌwe nu mdiꞌin ꞌwan, mdalo wan bra kanꞌ. Suꞌwe ꞌa ngwa tiye wan, chaꞌ wa jlyo tiꞌ wan chaꞌ suꞌwe la siyaꞌ ti chaꞌ ꞌin Jesús nu wa msñi wan kanꞌ; jlyo tiꞌ wan chaꞌ ja tsaa tii ꞌa chaꞌ kanꞌ, ti kwiꞌ chaꞌ nu wa ynan wan ꞌin Jesús.

SANTIAGO 1:12

Ka suꞌwe ka tiye nten nu ti nsñi chaꞌ ꞌin Jesús, ni siya tyijin neꞌ kaꞌan ꞌa nu tiꞌí. Suꞌwe si chan talo neꞌ, xa wa mdyii chaꞌ tiꞌí kanꞌ ꞌin neꞌ, chaꞌ kaja chalyuu ꞌin neꞌ nu ja tsaa tii ꞌa bra kanꞌ; kanꞌ lka chaꞌ suꞌwe nu wa ndukwin Ndiose chaꞌ ta Ni ꞌin nten nu suꞌwe ꞌa nka tiye ñaꞌan ꞌin Ni.

SANTIAGO 1:16

ꞌWan taꞌa msñian chaꞌ ꞌin Ndiose, ndiya ꞌa tiǎnꞌ ñaꞌaǎn ꞌwan: ja ta wan chabiyaꞌ chaꞌ kwiñi lyoꞌo kuneꞌ xaꞌan ꞌwan.

SANTIAGO 1:19

ꞌWan taꞌa msñian chaꞌ ꞌin Ndiose, chaꞌ suꞌwe ꞌa nka tiyeěn ñaꞌaǎn ꞌwan, nꞌni chaꞌ kiꞌya wan kwenta ꞌin chaꞌ nu chkwiǐnꞌ re. Taꞌaan ndiꞌin chaꞌ ndla ti kunaan chaꞌ nu chkwiꞌ nten loꞌoan, ni siya tiyaꞌ ti xkwean ꞌin neꞌ, tiyaꞌ ꞌa kasinꞌ tianꞌ ꞌin neꞌ.

SANTIAGO 5:11

Ndukwian chaꞌ suꞌwe ꞌa ngwa tiye ayman kanꞌ, chaꞌ wa mdalo ꞌa neꞌ bra nu mda nten nu tiꞌí ꞌin neꞌ bra kanꞌ. Wa ynan wan sa ñaꞌan ngwa chaꞌ chan ꞌa mdalo ayman Job, xa nu kaꞌan ꞌa chaꞌ kuxi ndyukwa yu. Loꞌo xa wa mdyii chaꞌ kanꞌ, ndya Ni nchga chaꞌ suꞌwe ꞌin yu kula kanꞌ xiyaꞌ. Kwiꞌ ngwañaꞌan, xkwiꞌ nchka tꞌnan ꞌa tiꞌ Ni ꞌñaan, xkwiꞌ suꞌwe ꞌa nka tiye Ni ñaꞌan Ni ꞌñaan.

2 SAN PEDRO 2:9

Ngwañaꞌan ka biyaꞌ tianꞌ chaꞌ nchka ꞌin Xꞌnaan kulaa ꞌin nten nu suꞌwe kasiya ꞌin, chaꞌ ja tyijin lyo chaꞌ kuxi ꞌin neꞌ kanꞌ. Kwiꞌ ngwañaꞌan, jlyo tiꞌ Ni ti ka lka nu ta Ni nu tiꞌí ꞌin bra nu kuꞌni biyaꞌ Ni ꞌin nchga nten. Wa jlyo tiꞌ Ni ti ka nu ndiꞌin chaꞌ kuxi tiye.

EL APOCALIPSIS 2:10

“Ja kutsen wan ꞌin nu tiꞌí nu tyijin wan nde loo la, ni siya kuneꞌ xaꞌan kuꞌni chaꞌ tyun wan tsaa wan niꞌ ñaꞌan chkwan bra kanꞌ. Nchka tiꞌ yu ñaꞌan biyaꞌ yu ꞌwan si ti xñi la wan chaꞌ ꞌñaǎn. Tii tsan ta yu nu tiꞌí ꞌwan bra kanꞌ” ndukwin Ni. “Kanꞌ chaꞌ tyukwi ti tiye wan xñi wan chaꞌ ꞌin Ndiose Stiǐn, ni siya kaja wan, loꞌo ja tyii ꞌa chalyuu nu taǎn ꞌwan nde loo la bra kanꞌ.