SANTIAGO 1:17 - Chatino Zona Alta Occidental

¹⁷ Nchga chaꞌ suꞌwe nu ndyiji ꞌñaan ni, nchga chaꞌ nu chañi chaꞌ xkwiꞌ suꞌwe ran, nde seꞌen ndiꞌin Ndiose siyaꞌ ti ndyoꞌo chaꞌ kanꞌ, ti kwiꞌ Ndiose nu mñan nchga xaa tnun nu nsuꞌwi niꞌ kwan. Ska ti chaꞌ nka tiye Ni ñaꞌan Ni ꞌñaan; ja ndla ꞌa ti ka xaꞌan chaꞌ nu nka tiye Ni, chunꞌ ja nꞌni chaꞌ xiꞌin chunꞌ Ni ꞌin ska chaꞌ nu wa ykwiꞌ Ni loꞌo nten.

SANTIAGO 1:17 ပူးပေါင်းရင်းမြစ်များ

SAN MATEO 7:11

Kanꞌ chaꞌ sikwa, chaꞌ nu jlyo tiꞌ wan sa ñaꞌan ta wan nan suꞌwe ꞌin sñiꞌ wan, ni siya xaꞌan tiye wan, kwiꞌ ngwañaꞌan jlyo la tiꞌ Stian Ndiose nu ndiꞌin nde niꞌ kwan sa ñaꞌan nu ta Ni nan suꞌwe ꞌin nten nu njñan ska chaꞌ ꞌin Ni.

SAN LUCAS 11:13

Kanꞌ chaꞌ sikwa, si jlyo tiꞌ wan chaꞌ ta wan nan suꞌwe nu ku sñiꞌ wan, ni siya xaꞌan tiye wan, kwiꞌ ngwañaꞌan jlyo la tiꞌ Ndiose Sti wan nu ndiꞌin nde niꞌ kwan, loꞌo suꞌwe la ngiꞌni Ni. Chka tꞌnan tiꞌ Ndiose ꞌwan, ta Ni Tyiꞌi ykwiꞌ Ni nu kanun niꞌ kasiya ꞌwan bra nu jñan wan ꞌin Ni.

SAN JUAN 1:9

Nu lka xaa nu chañi ka, wa mdiyan yu kanꞌ lo chalyuu chaꞌ ta yu xaa nu ka xuꞌwi niꞌ kasiya ꞌin nchga nten.

SAN JUAN 3:27

Loꞌo mxkwen Xuwa ꞌin neꞌ bra kanꞌ: ―Sa kwa ti tñan ka kuꞌni ska nten, sa ñaꞌan nu nda Ndiose chabiyaꞌ kuꞌni neꞌ ―ndukwin yu―.

SAN JUAN 3:3

Ykwiꞌ Jesús loꞌo yu bra kanꞌ: ―Chañi ꞌa chaꞌ nu nchkwiǐnꞌ loꞌoo ni, chaꞌ ngiꞌni Stiǐn Ndiose chaꞌ kala nten xiyaꞌ, xa nu xlyaa neꞌ sten neꞌ chaꞌ ꞌin Ndiose, chaꞌ ka Ni ndloo niꞌ kasiya ꞌin neꞌ ―ndukwin Jesús.

SAN JUAN 8:12

Xiyaꞌ ykwiꞌ Jesús loꞌo nten niꞌ lyaa kanꞌ: ―Naꞌ lkaǎn nu taǎn xaa nu xuꞌwi niꞌ kasiya ꞌin nten chalyuu ―ndukwin yu―. Kanun xaa luwi ꞌñaǎn niꞌ kasiya ꞌin nten nu tsaa ñaꞌan tiꞌ ꞌñaǎn, kwiꞌ ja tsaa tii ꞌa chalyuu ꞌin neꞌ kanꞌ bra kanꞌ. Ja sten yuꞌwi neꞌ kanꞌ loꞌo kuneꞌ xaꞌan nu ja nchka tiꞌ chaꞌ xuꞌwi xaa ꞌñaǎn niꞌ kasiya ꞌin nten.

LOS HECHOS 11:18

Bra nu ynan neꞌ chaꞌ nu ykwiꞌ Tyu loꞌo neꞌ, ja ngwa ꞌa xkwen neꞌ ꞌin Tyu. Bra kanꞌ yꞌni tnun neꞌ kanꞌ ꞌin Ndiose, ykwiꞌ neꞌ loꞌo Ni bra kanꞌ: ―¡Ndiose Sti ba, suꞌwe ꞌa yꞌnii loꞌo neꞌ xka laꞌa tsuꞌ, ni siya ja lka neꞌ kanꞌ judío ―ndukwin neꞌ ꞌin Ndiose―. Nuꞌwin yꞌnii chaꞌ ka jyuꞌu tiꞌ neꞌ ꞌin nchga chaꞌ kuxi nu ndiꞌin ꞌin neꞌ, chaꞌ kaja chalyuu nu ja tsaa tii ꞌa ꞌin neꞌ kanꞌ!

LOS HECHOS 5:31

Nchka ꞌin Jesús kanꞌ kuꞌni tyii Ni chaꞌ kuxi nu ndiꞌin ꞌin nten chalyuu. Ska ti Jesús nka Xꞌnaan, kanꞌ chaꞌ laꞌa seꞌen kwin nde seꞌen ndukwa Ndiose, nda Ni seꞌen tyukwa Jesús. Wa yꞌni Ndiose ngwañaꞌan chaꞌ ka jyuꞌu tianꞌ chunꞌ kiꞌya nu ndiꞌin ꞌñaan, nan nu lkaan neꞌ Israel, loꞌo ngwañaꞌan kuꞌni Ndiose chaꞌ tlyu tiꞌ ꞌñaan bra kanꞌ.

ROMANOS 6:23

Kanaꞌ ji kasiya ꞌñaan chaꞌ ngiꞌnian chaꞌ xaꞌan, sa kanꞌ ti chaꞌ ngiꞌni chaꞌ xaꞌan kanꞌ loꞌoan. Bra nu suꞌwa ndiꞌin chaꞌ ꞌñaan loꞌo Jesús nu nka Xꞌnaan, bra kanꞌ ta Ndiose ska chalyuu ꞌñaan nu ja tsaa tii ꞌa ꞌñaan. Ska chaꞌ tnun nu nda xuꞌwe Ndiose ꞌñaan lka chaꞌ kanꞌ.

1 CORINTIOS 4:7

¿Ni chaꞌ lka chaꞌ ndloo ꞌa chaꞌ ꞌwan, ti ykwiꞌ ti wan, loꞌo ja nduwe tiꞌ wan chaꞌ ꞌin xka ta nten? Ndiose nda nchga nan nu nsuꞌwi ꞌwan, nchga tñan nu nchka ꞌwan; kanꞌ chaꞌ ja ndiꞌin chaꞌ kuꞌni siyeꞌ wan loꞌo taꞌa nten wan sikwa. Ja mxaꞌan chalyuu ꞌwan chunꞌ tñan nu ngiꞌni wan, ti ykwiꞌ ti wan; Ndiose ngiꞌni chaꞌ lka wan sa ñaꞌan nu lka wan ni.

2 CORINTIOS 4:6

Ti kwiꞌ Ndiose lka nu msuꞌwa xaa luwi ꞌin Ni nu nganun niꞌ kasiya ꞌñaan; kanꞌ chaꞌ ka biyaꞌ tianꞌ nchga chaꞌ tnun nu suꞌwe ꞌa nu nsuꞌwi seꞌen ndiꞌin Ni, ti kwiꞌ ti chaꞌ ndii tianꞌ chaꞌ ngiꞌni Ni tñan niꞌ kasiya ꞌñaan bra nu stean chaꞌ ꞌin Krixtu. Ti kwiꞌ Ndiose lka nu ngulo tñan chaꞌ xuꞌwi xaa la seꞌen ngwa chalyuu tla nu ngwa ti sꞌni.

EFESIOS 1:18

Kwiꞌ ngwañaꞌan, nchkwiǐnꞌ loꞌo Ni chaꞌ slaa Ni ke wan, chaꞌ ka biyaꞌ suꞌwe tiꞌ wan nchga chaꞌ suꞌwe nu ka ꞌwan ni, chunꞌ wa ngulo suwi Ni ꞌwan; tlyu ꞌa chaꞌ suꞌwe nu ndukwin Ni chaꞌ kaja ꞌwan, loꞌo ꞌin nchga nten nu msñi chaꞌ ꞌin Ni.

EFESIOS 2:8

wa ndoꞌo laan ꞌin chaꞌ kuxi, chaꞌ nchka tꞌnan tiꞌ Ndiose ꞌñaan bra nu ndyaa ñaꞌan tianꞌ ꞌin Krixtu. Siꞌi ska tñan nu ngiꞌnian ti ykwiinꞌ tian lka kanꞌ, ska chaꞌ suꞌwe nu nda Ndiose ꞌñaan lka kanꞌ.

FILIPENSES 1:29

Suꞌwe ꞌa lka chaꞌ mda Ndiose chabiyaꞌ chaꞌ msñi wan chaꞌ ꞌin Krixtu, ni siya ndiꞌin chaꞌ tyijin wan chinꞌ nu tiꞌí, chaꞌ nu msñi wan chaꞌ ꞌin Krixtu kanꞌ.

1 TIMOTEO 6:16

Ja ndiꞌin ꞌa chaꞌ kaja Ni, ja tsaa tii ꞌa chaꞌ ꞌin Ni. Ndyuwi ꞌa xaa seꞌen ndukwa Ni, loꞌo ja ka ꞌa ꞌin nten tsaa nde seꞌen ndiꞌin Ni ngwañaꞌan ti siꞌya xaa tnun kanꞌ. Kwiꞌ ngwañaꞌan, ja tukwin wa naꞌan ꞌin Ni, chaꞌ ja ka ꞌin nten chalyuu ñaꞌan ꞌin Ni. Kanꞌ chaꞌ kuꞌniin tnuan ꞌin Ni sikwa, chaꞌ lka Ni Ndiose nu tlyu la ti. Kwiꞌ ngwañaꞌan ka chaꞌ.

HEBREOS 13:8

Ja nxaꞌan Jesucristo. Sa ñaꞌan nu ngwa Ni nu ngwa sꞌni ꞌa, kwiꞌ ngwañaꞌan lka Ni ni, loꞌo ti kwiꞌ ngwañaꞌan ka Ni nu ndyaa nde loo la.

SANTIAGO 1:5

Si ndiya yaꞌ nu ja jlyo tiꞌ wan siyaꞌ ti sa ñaꞌan kuꞌni wan, bra kanꞌ jñan wan xuꞌwe ꞌin Ndiose, chaꞌ ta Ni ska chaꞌ tiya nu kiꞌya ke wan sa ñaꞌan kuꞌni wan bra kanꞌ. Suꞌwe ꞌa chaꞌ xuꞌwe ti nda Ni nchga chaꞌ ꞌin nten, loꞌo ja ngiꞌni tlá Ni ꞌñaan xa nu nda Ni ska chaꞌ suꞌwe ꞌñaan.

SANTIAGO 3:15

Siꞌi nde seꞌen ndiꞌin Ndiose ndyoꞌo chaꞌ kuxi nu nchkwiꞌ wan, ska chaꞌ kuxi nu nsuꞌwi lo chalyuu re lka chaꞌ kanꞌ; ska chaꞌ nu wa ytsaꞌ ykwiꞌ kuneꞌ xaꞌan ꞌwan lka chaꞌ nu nchkwiꞌ wan bra kanꞌ.

SANTIAGO 3:17

Nchga chaꞌ nu nda Ndiose ꞌñaan chaꞌ chkwianꞌ loꞌo nten, xkwiꞌ chaꞌ suꞌwe lka kanꞌ; ja mxtiyaaꞌ chaꞌ suꞌwe kanꞌ loꞌo chaꞌ kuxi, ja ngiꞌni ran chaꞌ xuan loꞌo taꞌa ntean. Xkwiꞌ chaꞌ suꞌwe nda Ni chaꞌ chkwianꞌ loꞌo nten, chaꞌ xkwiꞌ chaꞌ suꞌwe kuꞌnian loꞌo neꞌ bra kanꞌ. Kwiꞌ ngwañaꞌan, xa wa ynaan chaꞌ kanꞌ, ndiꞌin chaꞌ chka tꞌnan tianꞌ ꞌin nten, chaꞌ kuꞌnian chaꞌ suꞌwe nu tayaanꞌ ꞌin nten; ska ti chaꞌ nu ñi chkwianꞌ loꞌo nten, ja chkwianꞌ tukwa chaꞌ loꞌo neꞌ.

1 SAN JUAN 1:5

Nde kwaꞌu ba ꞌwan chaꞌ nu wa ngwaꞌu Jesucristo ꞌwa: Ñaꞌan tiꞌ ska xaa ndyuwi, ngwañaꞌan lka Ndiose; xkwiꞌ luwi ꞌa kasiya ꞌin Ni, chaꞌ niꞌ kasiya ꞌin Ndiose ja ndiꞌin seꞌen tla, ja ndiꞌin chaꞌ kuxi siyaꞌ ti.

1 SAN JUAN 4:10

Nde lka chaꞌ nu nchkwiǐnꞌ loꞌo wan: Kulo ndukwa la kaꞌan ꞌa chaꞌ suꞌwe ka tiye Ndiose ñaꞌan Ni ꞌñaan, kanꞌ chaꞌ msuꞌwa Ni ꞌin Sñiꞌ ykwiꞌ Ni yan lo chalyuu chaꞌ kaja yu lo wsi chaꞌ ꞌñaan. Siꞌi nan, nu suꞌwe la nka tiyean ñaꞌaan ꞌin Ndiose. Wa ngwa kuxi tiyean loꞌo Ndiose Xꞌnaan siꞌya chaꞌ kuxi nu yꞌnian. Loꞌo Jesucristo, ska ti nu lka Sñiꞌ Ndiose, kanꞌ lka nu wa mdijin nu tiꞌí chaꞌ ꞌñaan; yꞌni tyii Ni yuweꞌ nu mdiꞌin ꞌñaan ti kulo.

EL APOCALIPSIS 21:23

Ja nnanjoꞌo xaa kwan ꞌin neꞌ kichen kanꞌ, loꞌo ngwañaꞌan, ja nꞌni chaꞌ ta xaa koꞌ nde kwa. Suꞌwe ꞌa xaa kichen kanꞌ, chunꞌ xaa luwi nu nda Ndiose, kwiꞌ ngwañaꞌan, luwi ꞌa xaa seꞌen ndiꞌin nu lka ñaꞌan tiꞌ slyaꞌ kanꞌ;

EL APOCALIPSIS 22:5

Loꞌo ja ka tla seꞌen ndiꞌin neꞌ la kwa; kanꞌ chaꞌ ja kunanjoꞌo xaa kwan ꞌin neꞌ, kwiꞌ ja nꞌni chaꞌ xkin neꞌ kiiꞌ niꞌ ñaꞌan bra kanꞌ. Ndiose nu nka Xꞌnaan ni, kanꞌ nu ta xaa ꞌin neꞌ, loꞌo ja tsaa tii ꞌa chaꞌ suꞌwa ti ka neꞌ ndloo loꞌo Ni bra kanꞌ.