SANTIAGO 1:14 - Chatino Zona Alta Occidental

¹⁴ Bra nu jwakii chaꞌ kuxi ꞌñaan, kanꞌ lka tyempu nu ja ndukwaan ska chaꞌ ꞌin Ndiose; bra kanꞌ ti kwiꞌ chaꞌ kuxi nu nsuꞌwi niꞌ kasiya ꞌñaan, ti ykwiinꞌ tian, kanꞌ lka nu ndatsaa ꞌñaan chaꞌ ti kuꞌniin laan chaꞌ kuxi.

SANTIAGO 1:14 ပူးပေါင်းရင်းမြစ်များ

SAN MATEO 15:18

Kwiꞌ ngwañaꞌan ska chaꞌ nu nchkwiꞌ nten ni, suꞌwa lka ran loꞌo chaꞌ nu nsuꞌwi niꞌ kasiya ꞌin neꞌ. Nchka biyaꞌ tiꞌ nchga nten bra nu wa mnuꞌun tiye ska nten, siꞌya chaꞌ nu nchkwiꞌ yu kanꞌ.

SAN MATEO 15:20

Bra nu ndiya chaꞌ kuxi niꞌ kasiya ꞌin neꞌ, kanꞌ lka nu ngiꞌni ñuꞌun tiye neꞌ; loꞌo bra nu kuan ska nan ni, ni siya ja ya katen suꞌwe yaanꞌ, ja ska chaꞌ kuꞌni kanꞌ ꞌin kasiya ꞌñaan, chaꞌ ja ka kuxi tiyean ngwañaꞌan.

SAN MATEO 4:1

Loꞌo bra kanꞌ ndyaa loꞌo Tyiꞌi Ndiose ꞌin Jesús niꞌ kixinꞌ seꞌen wtyi ꞌa yuu, seꞌen ja ndiꞌin nten, chaꞌ tyukwa taꞌa yu loꞌo kuneꞌ xaꞌan nde kanꞌ. Ngwa tiꞌ yu kanꞌ tyijin lyo ꞌin Jesús.

SAN MATEO 5:28

Loꞌo ni, kaꞌan la chaꞌ chkwiǐnꞌ loꞌo wan: Ni siya ñaꞌan kwiꞌya ska yu kiꞌyu ꞌin ska nu kunaꞌan, loꞌo bra kanꞌ xitukwi tiꞌ yu ꞌin nu kunaꞌan kanꞌ, suꞌwa ndiꞌin chaꞌ kanꞌ loꞌo yu sa ñaꞌan si wa lka yꞌni yu ska chaꞌ nu kuxi loꞌo nu kunaꞌan kanꞌ, ni siya tiye ti yu nsuꞌwi chaꞌ kuxi kanꞌ.

ROMANOS 7:11

Chaꞌ xaꞌan lka nu yꞌni kanan ꞌñaǎn; kanꞌ chaꞌ ngwa tiǎnꞌ chaꞌ ti kuꞌniin laǎn chaꞌ xaꞌan, ni siya wa ytsaꞌ chaꞌ kula kanꞌ ꞌñaan chaꞌ ja kuꞌnian ngwañaꞌan. Kuxi ꞌa yꞌni chaꞌ kula kanꞌ loꞌoǔn; yꞌni loꞌoǔn ñaꞌan tiꞌ si wa ngujwiǐn, naꞌ Palyu ndukwiǐn chaꞌ re.

ROMANOS 7:13

Kanꞌ chaꞌ ja ka chkwiǐnꞌ chaꞌ kanaꞌ kasiya ꞌñaǎn siꞌya chaꞌ kula kanꞌ. Chaꞌ xaꞌan nu yꞌniǐn, kanꞌ lka nu yꞌni ñuꞌun ꞌin kasiya ꞌñaǎn. Loꞌo ni, ngwa biyaꞌ tiǎnꞌ sa ñaꞌan lka ska chaꞌ xaꞌan; laja nu ynaǎn chaꞌ suꞌwe ꞌa ndyoꞌo chaꞌ kula kanꞌ, ti kwiꞌ bra kanꞌ mdijin lyo chaꞌ xaꞌan kanꞌ ꞌñaǎn. Kanꞌ chaꞌ suꞌwe la ngwa biyaꞌ tiǎnꞌ chaꞌ tnun ꞌa chaꞌ kuxi yꞌniǐn.

EFESIOS 4:22

kanꞌ chaꞌ kuꞌni tyii wan chaꞌ kuxi nu yꞌni wan nu ngwa sꞌni. Kaꞌan ꞌa chaꞌ ndatsaa chaꞌ kuxi kanꞌ ꞌwan nu ngwa bra kanꞌ, mdiya ꞌa tiꞌ wan chaꞌ kuxi kanꞌ, loꞌo siyaꞌ ti kanaꞌ chalyuu ꞌwan siꞌya chaꞌ kuxi kanꞌ.

HEBREOS 3:13

Ja suꞌwe si kwiñi lyoꞌo chaꞌ kuxi ꞌwan, loꞌo tyisnan ka kuxi niꞌ kasiya ꞌwan bra kanꞌ. Kanꞌ chaꞌ nchga tsan ndiꞌin chaꞌ tayaꞌ wan ꞌin taꞌa wan, chaꞌ kanun tsaa la chaꞌ ꞌin Jesús niꞌ kasiya ꞌwan loꞌo taꞌa wan, chaꞌ ja kwiñi lyoꞌo chaꞌ kuxi ꞌwan tyukwi tyempu nu ndiꞌin wan lo chalyuu.

SANTIAGO 1:13

Bra nu jwakii ska chaꞌ kuxi ꞌñaan, ja suꞌwe chaꞌ chkwianꞌ: “Ndiose yꞌni chaꞌ nñi lyoꞌo chaꞌ kuxi re ꞌñaǎn.” Ja nñi lyoꞌo Ni ꞌin nten chaꞌ kuꞌni ska chaꞌ kuxi; kwiꞌ ngwañaꞌan, ja ndiya ꞌa chaꞌ kuxi nu ka kwiñi lyoꞌo ꞌin Ni.

SANTIAGO 1:15

Ndiya la tianꞌ kuꞌnian chaꞌ kuxi kanꞌ, ni siya nchka tnun la kiꞌya ꞌñaan; chunꞌ ndiꞌin bra nu ndyaꞌan tianꞌ ngiꞌnian chaꞌ kuxi kanꞌ, bra kanꞌ ja nchka kulaa yaanꞌ ꞌin ran, bra kanꞌ tyisnaan xiꞌin chuanꞌ ꞌin chalyuu suꞌwe nu wa mjwi ꞌñaan.