ROMANOS 8:7 - Chatino Zona Alta Occidental

⁷ Nan nxuan loꞌo Ndiose lka chaꞌ, si ñaꞌan ti ngiꞌnian chaꞌ xaꞌan sa ñaꞌan nu ngiꞌni nten chalyuu ti; ja nchka ꞌñaan kuꞌnian siyaꞌ ti chaꞌ nu nchkwiꞌ Ndiose loꞌoan, si ñaꞌan ti nchka tianꞌ kuꞌnian chaꞌ xaꞌan.

ROMANOS 8:7 ပူးပေါင်းရင်းမြစ်များ

SAN MATEO 12:34

Nu ꞌwan, ¡ñaꞌan tiꞌ kunan tlá, ngwañaꞌan lka wan! Ja nchka chkwiꞌ wan chaꞌ suꞌwe chaꞌ nsuꞌwi ꞌa chaꞌ kuxi tiye wan; sa ñaꞌan chaꞌ nu nsuꞌwi tiye skaan, ngwañaꞌan ndyoꞌo chaꞌ nu nchkwianꞌ.

SAN MATEO 5:19

Kanꞌ chaꞌ ni, ja ta Ndiose seꞌen tyiꞌin nten loꞌo Ni, xa nu ja tukwa neꞌ nchga tñan nu ngulo Ndiose ꞌin neꞌ chaꞌ kuꞌni neꞌ, xa nu loꞌo kwaꞌu neꞌ ꞌin taꞌa nten neꞌ chaꞌ ja ndiꞌin chaꞌ tukwa neꞌ tñan kanꞌ. Ta Ndiose seꞌen tyiꞌin nten loꞌo Ni xa nu tukwa neꞌ nchga chaꞌ nu nchkwiꞌ Ni, xa nu loꞌo kwaꞌu neꞌ tñan kanꞌ ꞌin taꞌa nten neꞌ.

SAN JUAN 7:7

chaꞌ ja tiꞌí tiꞌ neꞌ ꞌwan; naꞌ lkaǎn nu tiꞌí ꞌa tiꞌ neꞌ ꞌñaǎn, chaꞌ nchkwiǐnꞌ chaꞌ nu ñi loꞌo neꞌ chaꞌ ꞌin nchga chaꞌ kuxi nu ngiꞌni neꞌ ―ndukwin―.

ROMANOS 1:28

Ngwañaꞌan ndiꞌin chaꞌ ꞌin nten chalyuu, chaꞌ ja nchka tiꞌ neꞌ xuꞌwi lyo neꞌ ꞌin Ndiose; kanꞌ chaꞌ ngulaa yaꞌ Ndiose ꞌin neꞌ chaꞌ kuꞌni neꞌ chaꞌ xaꞌan kanꞌ, nda Ni chinꞌ tyempu ꞌin neꞌ chaꞌ kuꞌni neꞌ ñaꞌaan chaꞌ kuxi nu nchka tiꞌ neꞌ kuꞌni neꞌ.

ROMANOS 1:30

loꞌo nchkwiꞌ neꞌ chaꞌ tiꞌí ꞌin taꞌa neꞌ; liyeꞌ tiꞌ neꞌ ꞌin Ndiose, chaꞌ kuxi nchkwiꞌ neꞌ ꞌin Ndiose; lye ꞌa ngiꞌni siyeꞌ neꞌ loꞌo taꞌa nten neꞌ. Loꞌo ngwañaꞌan, ti ndaꞌan naan la neꞌ chaꞌ kuxi nu kuꞌni neꞌ. Ti kwiꞌ ja nnan ꞌa neꞌ chaꞌ nchkwiꞌ sti neꞌ loꞌo jyaꞌan neꞌ loꞌo,

ROMANOS 3:31

Suꞌwe sikwa. Wa ndyaa ñaꞌan tianꞌ tñan nu yꞌni Jesús, sa kanꞌ ti chaꞌ ka kuꞌnian chaꞌ katin nchga kiꞌya nu ndukwian. Ja ndiꞌin chaꞌ tsaa tii chaꞌ nu ndukwa lo kityi kula nu ngwa sꞌni; suꞌwe la kunaan chaꞌ kula kanꞌ ni, xa wa ytean chaꞌ ꞌin Jesús.

ROMANOS 5:10

Msuun taꞌaan loꞌo Ndiose nu ngwa sꞌni la; loꞌo ni, ngwa suꞌwa chaꞌ ꞌñaan loꞌo Ni, chaꞌ wa ngujwi Sñiꞌ Ni lo wsi. Kanꞌ chaꞌ ni, ngwa tiin chaꞌ ꞌñaan loꞌo Ndiose, loꞌo ngwañaꞌan, kulaa Ni ꞌñaan ꞌin nchga chaꞌ kuxi chaꞌ wa ndyuꞌu Jesús xiyaꞌ.

ROMANOS 7:22

Tyukwi ti tiyeěn mdiya ꞌa tiǎnꞌ kuꞌniǐn nchga tñan nu ngulo Ndiose ꞌñaan nu ngwa sꞌni;

ROMANOS 8:4

Loꞌo ni, ka ꞌñaan kuꞌnian tñan nu ngulo Ndiose ꞌñaan, ti kwiꞌ tñan nu nduꞌu chaꞌ kula kanꞌ ꞌñaan chaꞌ kuꞌnian; ka kuꞌnian nchga chaꞌ kanꞌ ni, chunꞌ nu ja ka ꞌa ꞌin chaꞌ xaꞌan nu nsuꞌwi chalyuu jwakii ꞌñaan ni; Tyiꞌi Ndiose lka ndloo la ꞌñaan xa nu ndiꞌian lo chalyuu.

1 CORINTIOS 2:14

Nten nu ja suꞌwa chaꞌ ꞌin loꞌo Ndiose, ja ka ka biyaꞌ tiꞌ neꞌ kanꞌ ska tñan nu ngiꞌni Ndiose loꞌo Tyiꞌi Ni; ja nchka ka biyaꞌ tiꞌ neꞌ chaꞌ kanꞌ, ja ngiꞌni suꞌwe chaꞌ kanꞌ siyaꞌ ti, nxkeꞌ tiꞌ neꞌ kanꞌ. Ska ti si ndiꞌin Tyiꞌi Ndiose niꞌ kasiya ꞌñaan, bra kanꞌ ka biyaꞌ tianꞌ sa ñaꞌan lka chaꞌ kanꞌ,

1 CORINTIOS 9:21

Neꞌ xka laꞌa tsuꞌ ni, ja ndiꞌin chaꞌ tukwa neꞌ kanꞌ chaꞌ ꞌin neꞌ judío. Kanꞌ chaꞌ sa ñaꞌan si lkaǎn taꞌa neꞌ, ngwañaꞌan ngiꞌniǐn bra nu ndiꞌiǐn seꞌen ndiꞌin neꞌ xka laꞌa tsuꞌ kanꞌ, chaꞌ suꞌwe la xñi neꞌ kanꞌ chaꞌ ꞌin Krixtu. Loꞌo kanꞌ ti ndukwaǎn nchga chaꞌ nu ykwiꞌ Ndiose Stian loꞌoan, chaꞌ ngwañaꞌan ndiꞌin chaꞌ ka si stean chaꞌ ꞌin Krixtu.

COLOSENSES 1:21

Nu ngwa sꞌni la, tijyuꞌ ꞌa mdaꞌan wan ꞌin Ndiose; taꞌa wsuun Ndiose ngwa wan bra kanꞌ siꞌya chaꞌ kuxi nu mdaꞌan chaꞌ tiye wan, siꞌya chaꞌ kuxi nu yꞌni wan. Loꞌo ni, wa yꞌni Ni chaꞌ katin kiꞌya nu ndukwi wan ꞌin Ndiose,

COLOSENSES 2:18

Ja kuwe tiꞌ wan ꞌin ya ñaꞌan ti nten nu kuꞌni siyeꞌ loꞌo wan, neꞌ nu kti la ngiꞌni, nxkeꞌ tiꞌ neꞌ, chaꞌ ngiꞌni tnun neꞌ ꞌin ska angajle nde niꞌ kwan; siꞌi ꞌin Ndiose ykwiꞌ ngiꞌni tnun neꞌ kanꞌ. Nten nu ngiꞌni ngwañaꞌan, nxkeꞌ tiꞌ neꞌ chaꞌ Ndiose ngwaꞌu xka chaꞌ nu suꞌwe la ꞌin neꞌ. Lye ꞌa ngiꞌni siyeꞌ neꞌ kanꞌ loꞌo taꞌa nten neꞌ, ni siya ja ndiꞌin chaꞌ kuꞌni neꞌ kanꞌ ngwañaꞌan, chaꞌ ñaꞌan ti ndiꞌin chaꞌ kuxi niꞌ kasiya ꞌin neꞌ;

2 TIMOTEO 3:4

ni siya nten nu ndujwiꞌ xuꞌwa ꞌin taꞌa suꞌwe ndiꞌin, ni siya nten nu ja nduwe tiꞌ siyaꞌ ti si lye ꞌa tyijin lyo ꞌin taꞌa nten; kuꞌni nten kanꞌ nchga chaꞌ kuxi nu jñan kasiya ꞌin ti ykwiꞌ ti neꞌ, chaꞌ ja nchka ꞌa tiꞌ neꞌ kanꞌ kunan neꞌ chaꞌ ꞌin Ndiose.

HEBREOS 8:10

Loꞌo ni, nde lka chaꞌ nu kwi nu skaǎnꞌ loꞌo neꞌ Israel, ndukwin Ni. Xa nu tiya bra, kanꞌ kuꞌniǐn chaꞌ kanun suꞌwe nchga chaꞌ nu chkwiǐnꞌ niꞌ kasiya ꞌin neꞌ bra kanꞌ. Tyukwi ti tiye neꞌ kuꞌni neꞌ tñan ꞌñaǎn bra kanꞌ; naꞌ kaǎn Ndiose Xꞌnan neꞌ, loꞌo neꞌ kanꞌ ka neꞌ nten ꞌñaǎn bra kanꞌ.

SANTIAGO 4:4

¡Wa ngulaa yaꞌ wan ꞌin Ndiose, wa ndiꞌin chaꞌ ꞌwan loꞌo ska chaꞌ nu kuxi ꞌa, si ngwañaꞌan ngiꞌni wan! ¿Ja nchka biyaꞌ tiꞌ wan chaꞌ nu nxuan loꞌo Ndiose si xkwiꞌ chaꞌ ꞌñaan, ti ykwiinꞌ tian, ndaꞌan chaꞌ tiyean a? Nan nxuan loꞌo Ndiose, si kuꞌnian ska ti chaꞌ loꞌo chaꞌ kuxi nu nsuꞌwi lo chalyuu.

2 SAN PEDRO 2:14

Xkwiꞌ chaꞌ kuxi ndaꞌan tiye neꞌ kwiñi kanꞌ bra nu ñaꞌan neꞌ ꞌin ska nu kunaꞌan, chaꞌ ja tyii chaꞌ xitukwi tiꞌ neꞌ ꞌin nu kunaꞌan chaꞌ kuꞌni neꞌ chaꞌ kuxi loꞌo. Kwiꞌ ngwañaꞌan, bra ti kwaꞌu neꞌ kanꞌ chaꞌ kuxi ꞌin xka ta nten nu ja ya ka biyaꞌ suꞌwe tiꞌ chaꞌ ꞌin Jesucristo. Wa yꞌni xaꞌan ꞌa neꞌ kwiñi kanꞌ nchga lo chaꞌ kuxi, kanꞌ chaꞌ lye ꞌa nxitukwi tiꞌ neꞌ ska nan; loꞌo ja ngalaꞌ tiꞌ neꞌ kanꞌ siyaꞌ ti. Wa lka ngulo Ndiose yuweꞌ ꞌin neꞌ kwiñi kanꞌ.