ROMANOS 8:2 - Chatino Zona Alta Occidental

² Bra nu lka Tyiꞌi Ndiose ndloo la ꞌñaan, bra kanꞌ kaja chalyuu kwi ꞌñaan chabiyaꞌ ꞌin Jesucristo, chaꞌ suꞌwa ndiꞌin chaꞌ ꞌñaan loꞌo Ni; wa ngulaa Ni ꞌñaan yaꞌ nu xaꞌan nu ngiꞌni chaꞌ kanaꞌ kasiya ꞌñaan.

ROMANOS 8:2 ပူးပေါင်းရင်းမြစ်များ

SAN JUAN 4:10

Loꞌo mxkwen Jesús ꞌin nu kunaꞌan kanꞌ: ―¿Ja jlyo tiiꞌ nchga chaꞌ suꞌwe nu nda Ndiose ꞌin nten a? ―ndukwin Jesús―. Si jlyo tiiꞌ ti ka nu lka nu njñan tyiꞌa koꞌo ꞌiin, ja chan nuꞌwin chkwiiꞌ loꞌoǔn chaꞌ taǎn tyiꞌa koꞌoo bra kanꞌ ―ndukwin yu―, loꞌo taǎn tyiꞌa koꞌoo nu chañi kuꞌni kuꞌu kasiya ꞌiin.

SAN JUAN 4:14

Loꞌo ni, xa nu koꞌo neꞌ tyiꞌa nu taǎn, ja kityi ꞌa tiꞌ neꞌ xiyaꞌ bra kanꞌ ―ndukwin―. Taǎn ska lo tyiꞌa koꞌo neꞌ nu kuꞌni kuꞌu kasiya ꞌin neꞌ. Sa ñaꞌan lka si tyukwa tyiꞌa niꞌ kasiya ꞌin neꞌ, ngwañaꞌan lka chaꞌ kanꞌ, loꞌo ja tsaa tii ꞌa chalyuu nu taǎn ꞌin neꞌ bra kanꞌ.

SAN JUAN 6:63

Ti kwiꞌ tyiꞌi nu ta Ndiose chaꞌ kanun niꞌ kasiya ꞌñaan, kanꞌ lka nu ta chalyuu suꞌwe ꞌñaan; ja luꞌuan loꞌo jwersa nu ndiꞌin ti ꞌñaan ―ndukwin Jesús―. Kwiꞌ ngwañaꞌan, nchga chaꞌ nu nchkwiǐnꞌ loꞌo wan ni, chaꞌ ꞌin ska nan nu ta Ndiose ꞌin nten lka chaꞌ kanꞌ, ska chaꞌ nu xuꞌwi niꞌ kasiya ꞌin nten lka kanꞌ; loꞌo kaja chalyuu kwi ꞌin neꞌ xa nu tukwa neꞌ chaꞌ kanꞌ.

SAN JUAN 8:32

Kwiꞌ ka biyaꞌ tiꞌ wan nchga chaꞌ nu ñi; loꞌo ja tukwin ka tatsaa ꞌwan chaꞌ kuꞌni wan chaꞌ xaꞌan bra kanꞌ, chunꞌ jlyo tiꞌ wan chaꞌ nu ñi kanꞌ.

SAN JUAN 8:36

Skaǎn tiǎn nu lkaǎn Sñiꞌ Ndiose, bra nu kulaǎn ꞌwan, chañi chaꞌ ja ka ꞌa tatsaa neꞌ ꞌwan chaꞌ kuꞌni wan chaꞌ xaꞌan xiyaꞌ seꞌen ndiꞌin wan ―ndukwin―.

ROMANOS 16:3

Ta wan kasiya ꞌñaǎn ꞌin Priscila loꞌo Aquila, taꞌa ngiꞌnian tñan ꞌin Jesucristo.

ROMANOS 3:27

Chaꞌ kwiñi nchkwianꞌ si chkwianꞌ chaꞌ nchka ꞌñaan ti ykwiinꞌ tian nu lkaan nten chalyuu, kuꞌni xuꞌwean kasiya ꞌñaan loꞌo Ndiose. Ja ka ꞌñaan. Lye ꞌa ngiꞌnian siyeꞌ loꞌo Ndiose si ngwañaꞌan nxkeꞌ tianꞌ. ¿Ni sa ñaꞌan lka chaꞌ sikwa a? Ja nchka ꞌñaan kuꞌni xuꞌwean kasiya ꞌñaan loꞌo Ndiose, ni siya kunaan nchga chaꞌ kula; ska ti ka suꞌwe ka kasiya ꞌñaan bra nu xñian chaꞌ ꞌin Jesús. Ja suꞌwe chkwianꞌ siyeꞌ loꞌo Ni bra kanꞌ, chaꞌ siꞌi nan nu ka ꞌñaan kuꞌni xuꞌwean kasiya ꞌñaan loꞌo Ni.

ROMANOS 5:21

Chaꞌ kuxi mbiꞌya loo la ꞌñaan nu ngwa sꞌni la, kanꞌ chaꞌ ndiji nten; loꞌo ni, nchka tiꞌ Ndiose kiꞌya loo Ni ꞌñaan, chunꞌ nchka tꞌnan ꞌa tiꞌ Ni ꞌñaan. Xa nu ka suꞌwe kasiya ꞌñaan loꞌo Ni, bra kanꞌ ta Ni ska chalyuu nu ja tsaa tii ꞌa ꞌñaan chabiyaꞌ ꞌin Jesús nu nka Xꞌnaan.

ROMANOS 6:14

Siꞌi chaꞌ xaꞌan nu nsuꞌwi chalyuu ka ndloo la ꞌwan ni. Siꞌi xkwiꞌ chaꞌ kutsen wan tyiꞌin wan lo chalyuu, sa ñaꞌan lka si ndatsaa ꞌa chaꞌ kula kanꞌ ꞌwan; ka tyiꞌin suꞌwe wan lo chalyuu, chaꞌ xkwiꞌ chaꞌ suꞌwe nu tnun ꞌa ngiꞌni Ndiose loꞌo wan.

ROMANOS 6:22

Loꞌo ni, ja ka ꞌa ꞌin chaꞌ xaꞌan kanꞌ kulo tñan ꞌwan, chaꞌ wa yten wan tñan ꞌin Ndiose. Ka suꞌwe ka tiye wan ni, chaꞌ ngiꞌni wan tñan ꞌin Ni, chaꞌ xkwiꞌ ndiꞌin wan lo chalyuu chaꞌ ꞌin Ndiose; bra kanꞌ ja tyii ꞌa chalyuu nu ta Ni ꞌwan xa wa mdyii nchga chaꞌ.

ROMANOS 7:21

Nde ñaꞌan ngwa ꞌñaǎn sikwa: ni siya ngwa tiǎnꞌ kuꞌniǐn chaꞌ suꞌwe, ngwa biyaꞌ tiǎnꞌ chaꞌ xkwiꞌ chaꞌ kuxi yuꞌwi niꞌ kasiya ꞌñaǎn.

ROMANOS 7:23

loꞌo ngwa biyaꞌ tiǎnꞌ chaꞌ mdiꞌin xka nu ngulo tñan ꞌñaǎn tyukwi ñaꞌaǎn. Msuun chaꞌ kuxi kanꞌ loꞌo nchga chaꞌ suꞌwe nu ngwa ꞌa tiǎnꞌ kuꞌniǐn; kanꞌ lka chaꞌ xaꞌan nu yuꞌwi niꞌ kasiya ꞌñaǎn, nu yꞌni loꞌoǔn chaꞌ kuꞌniǐn tñan kanꞌ, ñaꞌan tiꞌ si ngwaǎn ska presu.

ROMANOS 7:4

Ngwañaꞌan lkaan ni loꞌo chaꞌ kula nu mdukwaan ꞌaan ti ngwa sꞌni: sa ñaꞌan lka ska nu kunaꞌan nu ja luꞌu ꞌa kwilyoꞌo, ngwañaꞌan lka taꞌaan nu ndiꞌin chaꞌ ꞌñaan loꞌo Krixtu. Wa ngujwi Krixtu lo wsi, kanꞌ chaꞌ ni, ja ndiꞌin chaꞌ ꞌñaan loꞌo chaꞌ kula kanꞌ. Wa ngwa suꞌwa chaꞌ ꞌñaan loꞌo Krixtu bra nu ndyuꞌu yu xiyaꞌ xa wa ngujwi yu, kanꞌ chaꞌ ni, ka ꞌñaan kuꞌnian tñan ꞌin Ndiose laja nu ti ndiꞌian lo chalyuu.

ROMANOS 8:1

Loꞌo ni, nde ñaꞌan yꞌni Ndiose chaꞌ ꞌñaan. Ja nganun ꞌa yuweꞌ ꞌñaan ni, chaꞌ suꞌwa ndiꞌin chaꞌ ꞌñaan loꞌo Jesucristo; ja ka ꞌa ꞌin nu xaꞌan nu nsuꞌwi chalyuu jwakii ꞌñaan ni, chaꞌ Tyiꞌi Ndiose lka ndloo la ꞌñaan bra nu ndiꞌian lo chalyuu.

1 CORINTIOS 15:45

Nde ndiya xka chaꞌ nu ndukwa lo kityi ꞌin Ndiose: “Nten nu luꞌu ngwa Adán nu mdiꞌin lo chalyuu ti kulo, loꞌo Ndiose lka nu mda kasiya ꞌin yu.” Ngwañaꞌan nchkwiꞌ kityi kula. Chunꞌ ndiꞌin la msuꞌwa Ndiose xka nu yan lo chalyuu; sa ñaꞌan nu ngwa Adán nten, kwiꞌ ngwañaꞌan ngwa Jesús nten, ni siya xka lo nten nu suꞌwe la ti ngwa Jesús; nda yu xka kasiya nu suꞌwe la ꞌin nten, chaꞌ suꞌwa chaꞌ ꞌin yu loꞌo Ndiose.

2 CORINTIOS 3:17

Seꞌen nu tka nchkwiꞌ ti kityi re chaꞌ ꞌin “Xꞌnaan”, kanꞌ nchka tiꞌ chkwiꞌ chaꞌ Tyiꞌi Ndiose lka nu kanꞌ. Kwiꞌ ngwañaꞌan, bra nu ka Tyiꞌi Ndiose Xꞌnaan, ja ka ꞌa ꞌin nten kuxi tatsaa la ꞌñaan chaꞌ kuꞌnian tñan nu kuxi bra kanꞌ.

2 CORINTIOS 3:6

Wa mdiya ska chaꞌ kwi re nu tka nchkwiꞌ Ndiose loꞌoan, ska tñan nu ngiꞌni Tyiꞌi Ndiose lka chaꞌ re. Ja lka ran ñaꞌan tiꞌ ska tñan nu ndatsaa kityi kula kanꞌ ꞌñaan chaꞌ kuꞌnian. Wa mdyii chaꞌ ꞌñaan siyaꞌ ti siꞌya yuweꞌ nu ndiꞌin ꞌñaan chunꞌ tñan nu ndlo kityi kula kanꞌ ꞌñaan, loꞌo ni, wa mjwi chalyuu kwi ꞌñaan chunꞌ tñan nu ngiꞌni Tyiꞌi Ndiose.

GÁLATAS 2:19

Loꞌoǔn ni, ja ka kuꞌniǐn jiǐn nchga chaꞌ kula kanꞌ, kanꞌ chaꞌ wa yꞌniǐn tyiǐn chaꞌ ꞌñaǎn loꞌo chaꞌ kula kanꞌ; loꞌo ni, xkwiꞌ ndiꞌiǐn lo chalyuu chaꞌ kuꞌniǐn nchga tñan nu kulo Ndiose ꞌñaǎn.

GÁLATAS 5:1

Wa ngulaa Krixtu ꞌñaan, chaꞌ ka tyiꞌiin suꞌwean lo chalyuu bra kanꞌ. Kanꞌ chaꞌ ja ta wan chabiyaꞌ chaꞌ kulo xka ta nten tñan ꞌwan chaꞌ kuꞌni wan chaꞌ kuxi, ñaꞌan tiꞌ si lka wan msu nu wa msiꞌi nten, chaꞌ kuꞌni wan tñan ꞌin neꞌ bra kanꞌ.

GÁLATAS 6:2

Kuꞌni suꞌwa tiye wan loꞌo taꞌa nten wan, chaꞌ ka tayaꞌ wan ꞌin neꞌ loꞌo ska chaꞌ tukwi nu ndiꞌin ꞌin neꞌ, chaꞌ ja kuꞌni neꞌ ska chaꞌ kuxi. Ngwañaꞌan ndukwaan suꞌwean nchga tñan nu nda Krixtu ꞌñaan chaꞌ kuꞌnian.

SANTIAGO 1:25

Tayaꞌ Ndiose ꞌin nchga nten nu chañi kunan chaꞌ suꞌwe nu nchkwiꞌ Ni loꞌoan, chaꞌ kanun niꞌ kasiya ꞌñaan; kanꞌ lka chaꞌ nu tayaꞌ ꞌñaan chaꞌ ka tyiꞌin suꞌwe tiyean. Si suꞌwe ti kuꞌnian lo chalyuu, si kuꞌnian nchga tñan nu nduꞌu Ni ꞌñaan nchga tsan nu ti tyiꞌian lo chalyuu, suꞌwe ꞌa ka ꞌñaan bra kanꞌ. Siꞌi nan nnan tian chaꞌ kanꞌ, loꞌo kanꞌ kjlyaa tianꞌ ran chunꞌ ndiꞌin la.

EL APOCALIPSIS 11:11

Xa wa mdaꞌa snan tsan jluꞌwe kanꞌ, xiyaꞌ yꞌni Ndiose chaꞌ ngala tyiꞌi niꞌ kasiya ꞌin taꞌa tyukwaa jyoꞌo kanꞌ; xiyaꞌ ndyaa tukwi neꞌ bra kanꞌ. Ytsen ꞌa nchga nten chalyuu nu wa naꞌan sa ñaꞌan ngwa ꞌin neꞌ kanꞌ, chaꞌ wa ndyuꞌu neꞌ xiyaꞌ bra kanꞌ.

EL APOCALIPSIS 22:1

Chunꞌ ndiꞌin la ngwaꞌu angajle ꞌñaǎn la nde yaꞌ ndijin saꞌan chku ꞌin Ndiose, chku kanꞌ nu nda chalyuu nu ja tsaa tii ꞌa ꞌñaan bra kanꞌ. Luwi ꞌa tyiꞌa chku kanꞌ ñaꞌan tiꞌ xaa kunan. Nde kiyaꞌ yka xlya tnun seꞌen ndukwa Ndiose, kwiꞌ nde seꞌen ndukwa nu lka ñaꞌan tiꞌ slyaꞌ kanꞌ, la kwa ndiya suun seꞌen ndyukwa tyiꞌa chku kanꞌ.