ROMANOS 2:6 - Chatino Zona Alta Occidental

⁶ Tsan kanꞌ ta Ni nu tiꞌí ꞌñaan sa ñaꞌan nu ngiꞌnian xa nu ndiꞌian lo chalyuu;

ROMANOS 2:6 ပူးပေါင်းရင်းမြစ်များ

SAN MATEO 16:27

Chañi chaꞌ bra nu kaǎn xiyaꞌ, naꞌ nu wa msuꞌwa Ndiose ꞌñaǎn ndijyaǎn chaꞌ kaǎn nten, suꞌwa ti kaǎn loꞌo nchga angajle; ka nduwi ꞌa tyukwi ñaꞌaǎn loꞌo xaa ꞌin Stiǐn Ndiose bra kanꞌ. Tsan kanꞌ taǎn siyaꞌ nten kwenta tñan nu wa yꞌni skaa neꞌ xa nu yan neꞌ lo chalyuu.

ROMANOS 14:22

Bra nu nxkeꞌ tiꞌ wan chaꞌ suꞌwe ꞌa chaꞌ ꞌin Ndiose ska tñan nu ngiꞌni wan, ni siya ndiya nten nu ja ndiya tiꞌ chaꞌ ngiꞌni wan ngwañaꞌan, siyaꞌ ti kuꞌni wan tñan kanꞌ seꞌen ndiꞌin wan ti ykwiꞌ ti wan, seꞌen ñaꞌan ska ti Ndiose ꞌwan. ¡Suꞌwe ꞌa nka tiye nten nu ndyaꞌan tiꞌ chaꞌ ngiꞌni neꞌ ngwañaꞌan! Ja ndiꞌin chaꞌ lye ꞌa tyaꞌan chaꞌ tiye neꞌ kanꞌ bra kanꞌ; wa jlyo tiꞌ neꞌ kanꞌ chaꞌ siꞌi chaꞌ kuxi nu ngiꞌni neꞌ.

1 CORINTIOS 3:8

Suꞌwa ti ngiꞌni ba tñan loꞌo taꞌa ndaꞌan ba, ni siya ykwiꞌ ba loꞌo wan kulo ndukwa la, ni siya nduꞌu suꞌwe la ba chaꞌ kanꞌ ꞌwan chunꞌ ndiꞌin la. Loꞌo Ndiose ni, kanꞌ nu tya chaꞌ suꞌwe ꞌwa, sa ñaꞌan tñan suꞌwe nu ngiꞌni skaa ba chaꞌ ꞌin Ni.

1 CORINTIOS 4:5

Loꞌo ꞌwan, ja ndiꞌin chaꞌ xtya wan kiꞌya ꞌin ska nten bra ti; kata wan chinꞌ sa bra nu kan ykwiꞌ Ni nu nka Xꞌnaan, kanꞌ lka nu kuꞌni biyaꞌ ꞌñaan taꞌaan. Bra kanꞌ tyija lyo ꞌin Ni nchga chaꞌ nu nsuꞌwi mnan niꞌ kasiya ꞌñaan, ni siya ska chaꞌ nu ja nchka tianꞌ katsaanꞌ ꞌin taꞌaan nten chalyuu. Katsaꞌ Ni nchga chaꞌ nu nsuꞌwi niꞌ kasiya ꞌin nchga nten chalyuu, loꞌo kanꞌ ta Ni nu suꞌwe ꞌñaan, nchga chaꞌ suꞌwe nu ndukwin Ni chaꞌ kaja ꞌñaan kwenta skaan bra kanꞌ.

2 CORINTIOS 11:15

Kwiꞌ ngwañaꞌan nchka loꞌo nten nu ngiꞌni tñan ꞌin kuneꞌ xaꞌan kanꞌ; ja tlyu tñan chaꞌ kuꞌni neꞌ chaꞌ xka ñaꞌan tloo neꞌ, sa ñaꞌan nu kwiñi lyoꞌo neꞌ kanꞌ ꞌin nten ꞌin Krixtu taꞌa wan chaꞌ ngiꞌni neꞌ tñan ꞌin Ndiose. Bra nu tiya bra chaꞌ ka biyaꞌ ꞌin neꞌ loꞌo Ndiose, la bra kanꞌ tyijin neꞌ kanꞌ nu tiꞌí sa ñaꞌan nu ndiꞌin chaꞌ ka ꞌin neꞌ siꞌya chaꞌ kuxi nu wa yꞌni neꞌ xa wa yan neꞌ lo chalyuu.

2 CORINTIOS 5:10

Taꞌaan ndiꞌin chaꞌ tsaan nde seꞌen ndukwa Krixtu chaꞌ kuꞌni biyaꞌ Ni ꞌñaan. Loꞌo bra kanꞌ kaja chaꞌ ꞌñaan kwenta skaan, nchga chaꞌ nu ndiꞌin chaꞌ kaja ꞌñaan chunꞌ tñan nu wa yꞌnian kwenta skaan lo chalyuu, ni siya chaꞌ nu suꞌwe, ni siya chaꞌ nu kuxi.

2 TIMOTEO 4:14

Jantru, nu lka kwityi chkwan kanꞌ, lye ꞌa naꞌan tiꞌí yu ꞌñaǎn; kaꞌan ꞌa chaꞌ kuxi yꞌni yu loꞌoǔn. Wa jlyo tiꞌ Xꞌnaan nchga chaꞌ kanꞌ, loꞌo ndiꞌin chaꞌ ta Ni nu tiꞌí ꞌin yu kanꞌ.

EL APOCALIPSIS 2:23

kwiꞌ ngwañaꞌan, kujwiǐn ꞌin nchga nten nu wa msñi chaꞌ ꞌin nu kunaꞌan kwa” ndukwin Ni. “Loꞌo bra kanꞌ taꞌa nten ꞌin Jesucristo nde nchga kichen ni, ka biyaꞌ tiꞌ neꞌ chaꞌ wa jlyo tiǎnꞌ nchga chaꞌ nu ndaꞌan tiye nten chalyuu bra kanꞌ. Loꞌo ka biyaꞌ tiꞌ nchga wan chaꞌ sa ñaꞌan nu ngiꞌni wan chaꞌ kuxi bra nu mdiyan wan lo chalyuu, kwiꞌ ngwañaꞌan taǎn nu tiꞌí ꞌwan” ndukwin Jesús.

EL APOCALIPSIS 20:12

Loꞌo naꞌaǎn chaꞌ la kwa ndiꞌin nchga nten nu wa ngujwi, ni siya neꞌ kula, ni siya neꞌ kuneꞌ, ndiꞌin neꞌ tloo yka xlya tnun seꞌen ndukwa Ndiose bra kanꞌ. Kwiꞌ ngalaa kityi kanꞌ bra kanꞌ, loꞌo ngalaa xka kityi kanꞌ seꞌen ndukwa nin nten, nchga nten nu wa mjwi chalyuu nu ja tsaa tii ꞌa ꞌin neꞌ, chaꞌ wa ndyuꞌu neꞌ xiyaꞌ bra kanꞌ. Loꞌo chunꞌ kityi nu ngwaꞌan Ndiose yꞌni biyaꞌ Ni ꞌin nchga nten nu wa ngujwi kanꞌ, chaꞌ lo kityi kanꞌ ndukwa nchga tñan nu yꞌni neꞌ xa nu yan neꞌ lo chalyuu.

EL APOCALIPSIS 22:12

―Kunan suꞌwe wan chaꞌ nu nchkwiǐnꞌ re ―ndukwin Jesús bra kanꞌ―. Ndse ti tyaǎn xiyaꞌ. Bra nu tyaǎn ni, kanꞌ tyuꞌwi tiǎnꞌ kuꞌniǐn loꞌo nchga nten sa ñaꞌan nu yꞌni neꞌ xa nu yan neꞌ lo chalyuu; suꞌwe ꞌa ka ꞌin neꞌ nu ngiꞌni chaꞌ suꞌwe, loꞌo nchga neꞌ nu ngiꞌni chaꞌ kuxi, tyijin neꞌ nu tiꞌí bra kanꞌ.