ROMANOS 13:1 - Chatino Zona Alta Occidental

¹ ꞌWan nchga neꞌ taꞌaan, ndiꞌin chaꞌ tukwa wan chaꞌ nchkwiꞌ neꞌ nu nka tñan. Ndiose lka nu nda chabiyaꞌ ꞌin neꞌ kanꞌ, chaꞌ ka neꞌ ndloo la ꞌñaan; ja ndiya xka nu ka ta chabiyaꞌ kanꞌ ꞌin neꞌ.

ROMANOS 13:1 ပူးပေါင်းရင်းမြစ်များ

SAN MATEO 6:13

Ja taa chabiyaꞌ chaꞌ jwakii chaꞌ kuxi ꞌwa, kuloo ꞌwa yaꞌ kuneꞌ xaꞌan bra kanꞌ. Nuꞌwin ndloo tñan nchga chaꞌ; nchga chabiyaꞌ nu nsuꞌwi lo chalyuu, nchga chabiyaꞌ nu nsuꞌwi nde niꞌ kwan, nuꞌwin ndiya nchga chabiyaꞌ kanꞌ ꞌiin. Ja tsaa tii ꞌa chaꞌ tlyu la ti nuꞌwin. Ngwañaꞌan ka chaꞌ. Ngwañaꞌan chkwiꞌ wan loꞌo Ndiose.

SAN JUAN 19:11

―Ja ndiya chabiyaꞌ ꞌiin siyaꞌ ti chaꞌ kaa ndloo ꞌñaǎn ―ndukwin Jesús ꞌin Pilato―. Ndiose nu lka ndloo la ti, kanꞌ lka nu ta chabiyaꞌ ꞌñaan; kanꞌ chaꞌ tnun la kiꞌya ndukwi yu nu wa yjwiꞌ xuꞌwa ꞌñaǎn yaaꞌ.

LOS HECHOS 2:41

Nchga nten nu ndyaa ñaꞌan tiꞌ chaꞌ nu ykwiꞌ Tyu loꞌo neꞌ, ndyaa neꞌ kanꞌ chaꞌ tyukwatya neꞌ chabiyaꞌ ꞌin Jesús. Ti kwiꞌ tsan kanꞌ mdyisnan mdaꞌa snan mi nten nu msñi chaꞌ ꞌin Jesucristo.

ROMANOS 12:21

Kanꞌ chaꞌ ja ta wan tyempu ꞌin chaꞌ xaꞌan chaꞌ tyijin lyo ꞌwan. ꞌWan, tyijin lyo wan ꞌin chaꞌ xaꞌan, chaꞌ xkwiꞌ chaꞌ suꞌwe ngiꞌni wan.

ROMANOS 13:2

Kanꞌ chaꞌ, sa ñaꞌan lka si nxuan loꞌo Ndiose, ngwañaꞌan lka si ndiꞌin wsuun ꞌñaan loꞌo neꞌ nu nka tñan, chaꞌ Ndiose lka nu mstya ꞌin neꞌ kanꞌ, chaꞌ ka neꞌ ndloo la ꞌñaan. Loꞌo si ngwañaꞌan nxuan loꞌo neꞌ kanꞌ, ndiꞌin chaꞌ ta neꞌ nu tiꞌí ꞌñaan bra kanꞌ.

EFESIOS 5:21

Tukwa suꞌwe wan chaꞌ nu nchkwiꞌ kwilyoꞌo wan chabiyaꞌ Ndiose.

1 TIMOTEO 2:2

Ndiꞌin chaꞌ chkwianꞌ loꞌo Ndiose chaꞌ ꞌin nchga neꞌ nu nka ndloo, chaꞌ ꞌin nchga neꞌ nu nka tñan; jñan wan ꞌin Ni chaꞌ kuꞌni Ni chaꞌ tiin ti tyiꞌian, chaꞌ ja xuun neꞌ nu nka ndloo loꞌoan, chaꞌ ta neꞌ kanꞌ chabiyaꞌ kuꞌnian nchga loo chaꞌ suꞌwe, sa ñaꞌan nu nchka tiꞌ Ndiose chaꞌ kuꞌnian.

TITO 3:1

Kwaꞌuu ꞌin neꞌ taꞌa wan nu ndiꞌin chaꞌ ꞌin Jesucristo chaꞌ tukwa neꞌ chaꞌ nu nchkwiꞌ nchga nu nduun loo la ꞌin neꞌ, nchga neꞌ wsiya; ndiꞌin chaꞌ tukwa neꞌ nchga loo tñan suꞌwe nu kulo neꞌ kanꞌ ꞌin neꞌ.

SAN JUDAS 1:8

Loꞌo neꞌ kwiñi kanꞌ ni, sa ñaꞌan chaꞌ kuxi nu yꞌni ayman kanꞌ, ngwañaꞌan lka chaꞌ kuxi nu ngiꞌni neꞌ, chunꞌ chaꞌ nu nchkwiꞌ sla ti neꞌ kanꞌ. Xaꞌan ꞌa tiye neꞌ kanꞌ, chen ꞌa ñaꞌan ngiꞌni neꞌ; loꞌo ja ndukwa neꞌ kanꞌ siyaꞌ ti chaꞌ nu nchkwiꞌ nten nu nka ndloo la. Loꞌo nchkwiꞌ neꞌ kanꞌ chaꞌ chen ñaꞌan ꞌin angajle nu ndiꞌin nde niꞌ kwan.

EL APOCALIPSIS 1:5

Suꞌwe ꞌa ykwiꞌ Jesucristo chaꞌ ꞌin Ndiose Sti yu sa yaꞌ nu mdiya bra nu yjwi nten ꞌin yu bra kanꞌ. Bra wa ndyuꞌu Jesús xiyaꞌ xa wa ngujwi yu, kanꞌ naꞌan nten chaꞌ tnun ꞌa tñan nu ngiꞌni yu bra kanꞌ. Loꞌo ni, lka Jesucristo ndloo la ti tyukwi ñaꞌaan chalyuu, chaꞌ lka yu ke nchga nu nka xꞌnan chalyuu. Suꞌwe ꞌa nka tiye Jesús loꞌoan, kanꞌ chaꞌ ngujwi yu lo wsi; wa ngalu tnen yu chaꞌ kulaa yu ꞌñaan, chaꞌ katin nchga kiꞌya nu ndiꞌin ꞌñaan.

EL APOCALIPSIS 17:14

Xkwiꞌ xuun neꞌ loꞌo Ndiose, xuun neꞌ loꞌo nu lka ñaꞌan tiꞌ slyaꞌ kanꞌ; loꞌo nu lka ñaꞌan tiꞌ slyaꞌ kanꞌ tyijin lyo Ni ꞌin ꞌni kanꞌ, ti kwiꞌ ti tyijin lyo Ni ꞌin nten nu ndaꞌan loꞌo iꞌ, chaꞌ Ndiose lka Xꞌnan nchga nten chalyuu, Ndiose lka ndloo la ꞌin nchga nten nu nka ndloo lo chalyuu. Loꞌo ngwañaꞌan, nu lka nten ꞌin Ndiose ni, wa ngulo suwi Ni ꞌin neꞌ kanꞌ; nan wa ngulo Ni tñan ꞌin neꞌ kanꞌ, loꞌo suꞌwe ꞌa ndyaa ñaꞌan tiꞌ neꞌ chaꞌ ꞌin Ndiose ―ndukwin angajle ꞌñaǎn.

EL APOCALIPSIS 19:16

Ska ti nin ndukwa kiyaꞌ steꞌ Ni loꞌo kiyaꞌ teꞌ kichanꞌ ꞌin Ni, kwiꞌ nu nchkwiꞌ: “Nu nde lka Ree nu chañi ka, nu nde lka Xꞌnan nten nu chañi ka.” Ngwañaꞌan nchkwiꞌ chaꞌ nu ndukwa kiyaꞌ steꞌ Ni bra kanꞌ.