ROMANOS 12:9 - Chatino Zona Alta Occidental

⁹ Ka suꞌwe ti ka tiye wan ñaꞌan wan ꞌin nchga nten, chaꞌ siꞌi ska chaꞌ nu nchkwiꞌ ti wan lka chaꞌ suꞌwe tiye wan, ni siya loꞌo kuꞌni wan chaꞌ suꞌwe loꞌo neꞌ. Ja kuꞌni ꞌa wan chaꞌ xaꞌan, tyukwi ti tiye wan tsaa naan wan chaꞌ suꞌwe kuꞌni wan.

ROMANOS 12:9 ပူးပေါင်းရင်းမြစ်များ

SAN MATEO 26:49

kanꞌ chaꞌ ndyaa yu kanꞌ seꞌen ndiꞌin Jesús chaꞌ xñi siꞌ taꞌa yu loꞌo. ―¿Ni rsun ndaa ni, Mstru? ―ndukwin Juda ꞌin Jesús. Msñi Juda siꞌ Jesús.

SAN JUAN 12:6

Chaꞌ ngwa Juda ska nu ngiꞌni kunan, kanꞌ chaꞌ ndukwin yu ngwañaꞌan; siꞌi chaꞌ nchka tꞌnan tiꞌ yu ꞌin neꞌ tiꞌi. Ti kwiꞌ Juda mdiꞌya loo yu kwijin seꞌen nsuꞌwi tñi ꞌin yu taꞌa ndaꞌan Jesús, loꞌo yꞌni Juda kunan tñi nu nsuꞌwi ꞌin nchga neꞌ kanꞌ.

LOS HECHOS 11:23

Loꞌo mdoꞌo Bernabé ndyaa yu, mdiya yu kichen kanꞌ, naꞌan yu sa ñaꞌan chaꞌ suꞌwe nu wa yꞌni Ndiose loꞌo neꞌ kanꞌ. Suꞌwe ꞌa ngwa tiye Bernabé bra kanꞌ. Ykwiꞌ yu loꞌo nchga nten ꞌin Jesucristo la kanꞌ, chaꞌ tyukwi ti tiye neꞌ kuꞌni neꞌ tñan nchga tsan, nchga tñan nu nchka tiꞌ ti kwiꞌ Xꞌnaan chaꞌ kuꞌnian.

2 CORINTIOS 6:6

Loꞌo ka biyaꞌ tiꞌ nten chaꞌ tñan ꞌin Ndiose lka nu ndaꞌan ba xa nu ñaꞌan neꞌ: chaꞌ wa ngwa luwi kasiya ꞌwa chunꞌ tñan nu yꞌni Jesús, chaꞌ nu chañi ꞌa nchka biyaꞌ tiꞌ ba chaꞌ ꞌin Ndiose, chaꞌ ndalo ꞌa ba ꞌin nten, chaꞌ nganun Tyiꞌi Ndiose niꞌ kasiya ꞌwa, chaꞌ chañi chaꞌ suꞌwe ꞌa nka tiye ba ñaꞌan ba ꞌin taꞌa nten ba,

2 CORINTIOS 8:8

Siꞌi nan ndloǔn tñan re ꞌwan; ni siya bra nu ñaꞌan wan ꞌin xka ta taꞌaan, chaꞌ nchka ꞌa tiꞌ neꞌ tayaꞌ neꞌ ꞌin taꞌa nten neꞌ nu ngiꞌni tnun ꞌin Krixtu, bra kanꞌ ka ñaꞌan biyaꞌ wan ꞌwan, ti ykwiꞌ ti wan, si chañi ka chaꞌ suꞌwe nsuꞌwi tiye wan ñaꞌan wan ꞌin taꞌa nten wan.

1 TESALONICENSES 2:3

Siꞌi chaꞌ kwiñi ngwaꞌu ba ꞌwan bra kanꞌ, siꞌi chaꞌ kuxi nka tiye ba ñaꞌan ba ꞌwan, ni siꞌi chaꞌ mñi lyoꞌo ba ꞌwan.

1 TESALONICENSES 5:15

Si kuꞌni nten chaꞌ chen ñaꞌan loꞌo wan, ja chkwiꞌ wan chaꞌ tiꞌí loꞌo neꞌ kanꞌ bra kanꞌ; tayaꞌ wan ꞌin taꞌa wan chaꞌ talo wan ꞌin neꞌ nu xaꞌan ngiꞌni, chaꞌ xkwiꞌ suꞌwe ti kuꞌni wan loꞌo nchga nten, ni siya loꞌo taꞌa wan, ni siya loꞌo xka ta nten.

1 TESALONICENSES 5:21

kuꞌni biyaꞌ wan ꞌin nchga chaꞌ nu chkwiꞌ neꞌ kanꞌ, chaꞌ ka jlyo tiꞌ wan si suꞌwe, o ta ja suꞌwe chaꞌ kanꞌ. Bra kanꞌ xñi wan chaꞌ suꞌwe kanꞌ,

1 TIMOTEO 1:5

Kuloo tñan ꞌin neꞌ chaꞌ suꞌwe ꞌa xuꞌwi tiye neꞌ ñaꞌan neꞌ ꞌin taꞌa nten neꞌ, chaꞌ kanꞌ lka tñan nu ngiꞌni nten nu ngwa luwi kasiya ꞌin loꞌo Ndiose; jlyo tiꞌ neꞌ kanꞌ sa ñaꞌan lka ska chaꞌ suꞌwe, loꞌo ngiꞌni neꞌ chaꞌ suꞌwe kanꞌ bra kanꞌ. Chañi chaꞌ wa msñi nten chaꞌ ꞌin Ndiose si suꞌwe nka tiye neꞌ ñaꞌan neꞌ ꞌin taꞌa nten neꞌ.

HEBREOS 1:9

Nuꞌwin ndiya ꞌa tiiꞌ nchga chaꞌ suꞌwe nu kuꞌni nten; kwiꞌ msinꞌ ꞌa tiiꞌ xa nu kuꞌni nten chaꞌ xaꞌan loꞌo Ndiose Stii. Kanꞌ chaꞌ ngulo suwiǐn ꞌiin chaꞌ kuꞌnii tñan ꞌñaǎn, ndukwin Ndiose. Ngwañaꞌan suꞌwe ꞌa nka tiyee ni, chaꞌ tnun la chabiyaꞌ wa ndaǎn ꞌiin ke xka la nu, ndukwin Ndiose.

HEBREOS 12:14

Lye kuꞌni wan tñan chaꞌ suꞌwe ti tyiꞌin wan loꞌo nchga nten; kuꞌni luwi wan kasiya ꞌwan, chaꞌ nu ja ta Ndiose chabiyaꞌ ñaꞌaan ꞌin Ni si ti ji ka luwi kasiya ꞌñaan.

SANTIAGO 3:17

Nchga chaꞌ nu nda Ndiose ꞌñaan chaꞌ chkwianꞌ loꞌo nten, xkwiꞌ chaꞌ suꞌwe lka kanꞌ; ja mxtiyaaꞌ chaꞌ suꞌwe kanꞌ loꞌo chaꞌ kuxi, ja ngiꞌni ran chaꞌ xuan loꞌo taꞌa ntean. Xkwiꞌ chaꞌ suꞌwe nda Ni chaꞌ chkwianꞌ loꞌo nten, chaꞌ xkwiꞌ chaꞌ suꞌwe kuꞌnian loꞌo neꞌ bra kanꞌ. Kwiꞌ ngwañaꞌan, xa wa ynaan chaꞌ kanꞌ, ndiꞌin chaꞌ chka tꞌnan tianꞌ ꞌin nten, chaꞌ kuꞌnian chaꞌ suꞌwe nu tayaanꞌ ꞌin nten; ska ti chaꞌ nu ñi chkwianꞌ loꞌo nten, ja chkwianꞌ tukwa chaꞌ loꞌo neꞌ.

1 SAN PEDRO 1:22

Loꞌo ni, chaꞌ wa ndayaꞌ Tyiꞌi Ndiose ꞌwan, wa ndukwa wan chaꞌ nu ñi nu wa ykwiꞌ Ni loꞌoan, kanꞌ chaꞌ nchka luwi kasiya ꞌwan; loꞌo ni, ka suꞌwe tiye wan ñaꞌan wan ꞌin taꞌa nten wan. Tyukwi ti tiye wan ka suꞌwe tiye wan ñaꞌan wan ꞌin taꞌa wan sikwa.

1 SAN PEDRO 4:8

Tñan nu ndloo ꞌa chaꞌ kuꞌni wan ni, ndiꞌin chaꞌ xkwiꞌ ka suꞌwe ka tiye wan ñaꞌan wan ꞌin taꞌa nten wan. Si ngwañaꞌan nka tiyean ñaꞌaan ꞌin taꞌaan, bra kanꞌ kuꞌnian chaꞌ tlyu tiꞌ ꞌin taꞌaan bra nu ndiya chaꞌ kuxi nu yꞌni taꞌaan loꞌoan.