ROMANOS 11:7 - Chatino Zona Alta Occidental

⁷ Ngwañaꞌan ngwa bra kanꞌ. Ja ngwa ꞌin neꞌ Israel kuꞌni neꞌ chaꞌ ka suꞌwe kasiya ꞌin neꞌ loꞌo Ndiose, sa ñaꞌan nu ngwa tiꞌ neꞌ chaꞌ kuꞌni neꞌ. Ska ta ti nten nu ngulo suwi Ndiose ꞌin, mjwi ñaꞌan ka suꞌwe kasiya ꞌin neꞌ; xka la taꞌa neꞌ Israel kanꞌ, ska yaꞌ ti nchkunꞌ tunskan neꞌ.

ROMANOS 11:7 ပူးပေါင်းရင်းမြစ်များ

SAN MARCOS 6:52

Loꞌo ja ngwiꞌya neꞌ kwenta siyaꞌ ti sa ñaꞌan ngwa chaꞌ mdaꞌan Jesús lo tyiꞌa. Ti kwiꞌ ti chaꞌ, ja ngwa biyaꞌ tiꞌ neꞌ sa ñaꞌan nu yꞌni Jesús bra nu msuꞌwe yu jaxlya kanꞌ. Nan wa nchkunꞌ ke neꞌ.

SAN LUCAS 13:24

―Lti ti tunaꞌan seꞌen sten wan la kanꞌ, kanꞌ chaꞌ kuꞌni lya wan chaꞌ tyija tuwiin ꞌwan nu kala nde tunaꞌan kanꞌ. Nde lka chaꞌ nu chkwiǐnꞌ loꞌo wan, chaꞌ kaꞌan ꞌa nten ndiꞌin nu nchkwiꞌ chaꞌ wa sten ti neꞌ tunaꞌan kanꞌ, loꞌo ya ñaꞌan ti ngiꞌni neꞌ kanꞌ ndiꞌin neꞌ lo chalyuu, kanꞌ chaꞌ ja nchka tyija lyo ꞌin neꞌ siyaꞌ ti sa ñaꞌan ka nu sten neꞌ tunaꞌan kanꞌ.

SAN JUAN 12:40

Wa mdukunꞌ Ndiose kiloo neꞌ kanꞌ, wa yꞌni Ni chaꞌ ngwa tla ke neꞌ kanꞌ. Ngwañaꞌan ngwa chaꞌ ja ñaꞌan ꞌa neꞌ chaꞌ kanꞌ, chaꞌ ja ka biyaꞌ ꞌa tiꞌ neꞌ sa ñaꞌan ka chaꞌ kanꞌ. Loꞌo ja xlyaa neꞌ kulaa yaꞌ neꞌ chaꞌ kuxi nu ndiꞌin tiye neꞌ, kanꞌ chaꞌ ja nchka kuꞌniǐn chaꞌ tlyu tiꞌ ꞌin neꞌ ꞌin chaꞌ kuxi kanꞌ, chaꞌ chkaa neꞌ bra kanꞌ, ndukwin Ndiose.

ROMANOS 10:3

loꞌo ja nchka biyaꞌ tiꞌ neꞌ kanꞌ sa ñaꞌan kuꞌni neꞌ chaꞌ ka suꞌwe kasiya ꞌin neꞌ loꞌo Ndiose. Xka ñaꞌan ndaꞌan chaꞌ tiye neꞌ kanꞌ; ti ykwiꞌ ti neꞌ ndaꞌan naan neꞌ sa ñaꞌan nu ka suꞌwe kasiya ꞌin neꞌ, chaꞌ ja xlyaa neꞌ tsaa ñaꞌan tiꞌ neꞌ tñan nu ngiꞌni Ndiose.

ROMANOS 11:25

ꞌWan taꞌa ndiꞌin chaꞌ ꞌñaan loꞌo Krixtu, nchka tiǎnꞌ chaꞌ ka biyaꞌ tiꞌ wan chaꞌ tukwi re, ska chaꞌ ꞌin Ndiose nu yuꞌwi kutsiꞌ nu ngwa sꞌni; bra nu ka biyaꞌ tiꞌ wan chaꞌ re, ja nꞌni chaꞌ chkwiꞌ wan chaꞌ siyeꞌ loꞌo neꞌ judío bra kanꞌ. Nde lka chaꞌ kanꞌ ni. Kaꞌan ꞌa nten judío ndiya nu ja xlyaa kunan chaꞌ ꞌin Jesús; siyaꞌ ti bra nu tyii kunan nchga neꞌ xka laꞌa tsuꞌ nu ndiꞌin chaꞌ xñi chaꞌ ꞌin Jesús ni,

ROMANOS 11:5

Kwiꞌ ngwañaꞌan lka chaꞌ ni. Siꞌi nchga neꞌ judío ngulaa yaꞌ neꞌ ꞌin Ndiose; ti ndiꞌin chinꞌ neꞌ kanꞌ nu wa ngulo suwi Ndiose ꞌin neꞌ, chunꞌ suꞌwe ꞌa nka tiye Ni ñaꞌan Ni ꞌin neꞌ kanꞌ.

ROMANOS 3:9

Ngwañaꞌan ndyoꞌo chaꞌ sikwa. Ja ka chkwianꞌ chaꞌ suꞌwe la nan chaꞌ lkaan neꞌ judío. Siꞌi nan suꞌween laan; wa ngwa biyaꞌ tianꞌ chaꞌ suꞌwa ti ngiꞌni neꞌ judío chaꞌ xaꞌan sa ñaꞌan nu ngiꞌni neꞌ xka laꞌa tsuꞌ chaꞌ xaꞌan, chaꞌ nsuꞌwi ꞌa chaꞌ kuxi nu nka ndloo la ꞌin nchga nten chalyuu.

ROMANOS 6:15

Loꞌo ni, ja suꞌwe chkwianꞌ chaꞌ ja kuꞌniin ꞌaan chaꞌ kula kanꞌ, chunꞌ nu ndukwaan chaꞌ nchkwiꞌ Ndiose nu xkwiꞌ chaꞌ suꞌwe ngiꞌni loꞌoan. Ja suꞌwe si ti kuꞌnian chaꞌ kuxi kanꞌ; ¡ja nsuꞌwi chabiyaꞌ ꞌñaan chaꞌ ti kuꞌnian ngwañaꞌan siyaꞌ ti!

ROMANOS 9:18

Ka biyaꞌ tianꞌ bra kanꞌ, chaꞌ nchka tꞌnan tiꞌ Ni ꞌin nchga nten nu nchka tiꞌ Ni chaꞌ chka tꞌnan tiꞌ Ni ꞌin neꞌ; kwiꞌ ngwañaꞌan, ndlaa yaꞌ Ni ꞌin nchga nten nu nchka tiꞌ Ni kulaa yaꞌ Ni, loꞌo ja nda Ni chabiyaꞌ kunan neꞌ kanꞌ chaꞌ ꞌin Ni.

ROMANOS 9:23

Ngwa tiꞌ Ni chaꞌ ka biyaꞌ tianꞌ sa ñaꞌan chaꞌ suꞌwe nu tnun ꞌa ngiꞌni Ni loꞌoan, chaꞌ nchka tꞌnan ꞌa tiꞌ Ni ꞌñaan. Ti ngwa sꞌni wa ngulo suwi Ndiose ꞌñaan, chaꞌ loꞌoan kaja chaꞌ suꞌwe nu nsuꞌwi ꞌin Ni ꞌñaan.

1 CORINTIOS 10:19

Ja suꞌwa ngiꞌni neꞌ xka laꞌa tsuꞌ loꞌo nkwin joꞌo ꞌin neꞌ. Nxtya neꞌ kunaꞌ lo msaa chaꞌ ka lomstan chaꞌ ꞌin joꞌo ꞌin neꞌ. ¿Ta tlyu la chaꞌ ndiꞌin ꞌin nkwin joꞌo kanꞌ sikwa a? Siꞌi. Ja ndiꞌin chaꞌ ꞌin ran siyaꞌ ti. Suꞌwa ñaꞌan kunaꞌ lomstan kanꞌ loꞌo ya ñaꞌan ti kunaꞌ.

2 CORINTIOS 3:14

Wa ngwa tla ꞌa ke neꞌ Israel bra kanꞌ, chaꞌ ja ngwa biyaꞌ tiꞌ neꞌ chaꞌ ꞌin Ndiose siyaꞌ ti. Ni siya chalyuu ni, kwiꞌ ngwañaꞌan lka loꞌo kityi chaꞌ joꞌo nu ngwaꞌan ayman Moisés, ti kwiꞌ tñan nu ngulo Ndiose ꞌin nten nu ngwa sꞌni lka kanꞌ; xa nu chkwiꞌ neꞌ judío lo kityi chaꞌ joꞌo kanꞌ, ja nchka kiꞌya chaꞌ kanꞌ ke neꞌ. Siyaꞌ ti ka kiꞌya chaꞌ kanꞌ ke neꞌ bra nu sten neꞌ chaꞌ ꞌin Jesús; bra kanꞌ kalaa ke neꞌ chaꞌ kunan suꞌwe neꞌ chaꞌ ꞌin Ni.

2 CORINTIOS 4:4

Ja xlyaa nten nu kuxi kanꞌ xñi chaꞌ kanꞌ siꞌya kuneꞌ xaꞌan nu nñi lyoꞌo ꞌin nten chalyuu. Ndukunꞌ nu kuxi kanꞌ chaꞌ ꞌin neꞌ chaꞌ ja kunan ꞌa neꞌ chaꞌ suꞌwe nu ꞌin Krixtu, kanꞌ chaꞌ ja nchka kanun xaa luwi ꞌin Krixtu niꞌ kasiya ꞌin neꞌ kanꞌ. Tnun ꞌa chaꞌ lka chaꞌ nu ꞌin Krixtu; nchga chaꞌ nu ndiꞌin ꞌin Ni, suꞌwa ndiꞌin chaꞌ ꞌin Ni loꞌo Ndiose Sti Ni nde seꞌen ndiꞌin Ni.

EFESIOS 1:4

Xa nu ti ji tyaꞌ chalyuu, ti bra kanꞌ ngulo suwi Ndiose ꞌñaan chaꞌ kaan nten ꞌin Ni, chaꞌ ka suꞌwa chaꞌ ꞌñaan loꞌo Krixtu. Nchka tiꞌ Ni chaꞌ kulaa yaanꞌ ꞌin nchga loo chaꞌ kuxi, chaꞌ ngwañaꞌan ja nchka tiꞌ Ni xtya Ni kiꞌya ꞌñaan siyaꞌ ti.

EFESIOS 4:18

tla ꞌa chalyuu ꞌin neꞌ siyaꞌ ti; kanꞌ chaꞌ ja nchka ka biyaꞌ tiꞌ neꞌ. Ja ndiꞌin chaꞌ ꞌin neꞌ kanꞌ loꞌo chalyuu kwi nu wa nda Ndiose ꞌñaan chaꞌ tyiꞌiin suꞌween tian, chunꞌ chaꞌ ja jlyo tiꞌ neꞌ kanꞌ siyaꞌ ti, chaꞌ ja xlyaa neꞌ xñi neꞌ ska chaꞌ nu ñi.

FILIPENSES 1:18

Ja nduwe tiǎnꞌ sa ñaꞌan ngiꞌni neꞌ kanꞌ, ni siya tyukwi ti tiye neꞌ chkwiꞌ neꞌ chaꞌ ꞌin Krixtu loꞌo nten, ni siya chaꞌ kwiñi nka tiye neꞌ bra nu nchkwiꞌ neꞌ chaꞌ kanꞌ; suꞌwe ꞌa nka tiyeěn chaꞌ ꞌin ya ñaꞌan ti nten nu chkwiꞌ chaꞌ ꞌin Krixtu kanꞌ. Ngwañaꞌan suꞌwe la ka tiyeěn tyempu nde loo la.

HEBREOS 12:17

Wa jlyo tiꞌ wan sa ñaꞌan ngwa chunꞌ ndiꞌin la. Bra nu ngwa tiꞌ Esaú chaꞌ lkwan sti yu ꞌin yu, kanꞌ ja ynan ꞌa sti yu chaꞌ nu ykwiꞌ yu loꞌo; ja mjwi ꞌa ñaꞌan tyaꞌan chunꞌ yu ꞌin tñan nu wa yꞌni yu, ni siya nganan ꞌa yu bra nu mjñan yu chaꞌ kanꞌ ꞌin sti yu.

1 SAN PEDRO 1:2

Ti kulo, ngwa jlyo tiꞌ Ndiose Stian nchga chaꞌ nu ka nu ndyaa nde loo la, kanꞌ chaꞌ ngulo suwi Ni ꞌwan. Loꞌo ni, ngiꞌni Tyiꞌi Ni tñan chaꞌ kanun luwi kasiya ꞌwan, chaꞌ tukwa wan chaꞌ nu nchkwiꞌ Jesucristo; kwiꞌ nu wa ngujwi lo wsi siꞌya wan, ngalu tnen yu chaꞌ kaja ñaꞌan ka luwi niꞌ kasiya ꞌwan. Loꞌo ni, nchka tiǎnꞌ chaꞌ ti kuꞌni Ndiose chaꞌ suꞌwe loꞌo wan, kwiꞌ ngwañaꞌan ti kuꞌni Ni chaꞌ tiin ti tyiꞌin niꞌ kasiya ꞌwan nchga bra.