SAN MATEO 27:31 - Chatino Zona Alta Occidental

³¹ Bra wa mdyii mstyi lyoꞌo liyeꞌ tiꞌ neꞌ ꞌin yu, bra kanꞌ ngulo neꞌ teꞌ ngaꞌa kanꞌ, xiyaꞌ mxkuꞌ neꞌ nu lka steꞌ ka yu. Mdoꞌo sndaru bra kanꞌ, ndyaa loꞌo neꞌ ꞌin Jesús tuꞌwa kichen chaꞌ jwiꞌin kaꞌan neꞌ ꞌin yu lo wsi.

SAN MATEO 27:31 ပူးပေါင်းရင်းမြစ်များ

SAN MATEO 20:19

Kwiꞌ tsaa loꞌo neꞌ ꞌñaǎn tloo neꞌ xka laꞌa tsuꞌ nu lka ndloo la, chaꞌ xtyi lyoꞌo neꞌ ꞌñaǎn bra kanꞌ. Kwiꞌ ngwañaꞌan, jwiꞌin neꞌ ꞌñaǎn loꞌo ti su, jwiꞌin kaꞌan neꞌ ꞌñaǎn lo wsi chaꞌ kujwi neꞌ ꞌñaǎn bra kanꞌ. Loꞌo la taꞌa snan tsan kanꞌ, tyuꞌuǔn xiyaꞌ bra kanꞌ ―ndukwin Jesús.

SAN MATEO 21:39

Kanꞌ chaꞌ msñi neꞌ ꞌin sñiꞌ yu kanꞌ, ndyaa loꞌo neꞌ ꞌin sñiꞌ yu chunꞌ loꞌoo, yjwi neꞌ ꞌin sñiꞌ yu bra kanꞌ.

SAN MATEO 26:2

―Jlyo tiꞌ wan chaꞌ tyukwa ti tsan ti ji chaꞌ ka taꞌa siin pascua. Tsan kanꞌ xñi neꞌ xaꞌan ꞌñaǎn nu wa msuꞌwa Ndiose ꞌñaǎn ndijyaǎn chaꞌ kaǎn nten. Tsaa loꞌo neꞌ ꞌñaǎn chaꞌ kujwi neꞌ ꞌñaǎn lo wsi bra kanꞌ.

SAN MARCOS 15:20

Xa wa mdyii mstyi lyoꞌo sndaru ꞌin Jesús, ngulo neꞌ teꞌ kwaa kanꞌ ꞌin yu bra kanꞌ; xiyaꞌ mxkuꞌ neꞌ steꞌ yu bra kanꞌ, chaꞌ tsaa loꞌo neꞌ ꞌin yu seꞌen xtya neꞌ ꞌin yu lo wsi. Mdoꞌo neꞌ ndyaa loꞌo neꞌ ꞌin yu bra kanꞌ.

SAN JUAN 19:16

Kanꞌ chaꞌ ngwañaꞌan ngwa bra kanꞌ. Ngulo Pilato tñan ꞌin sndaru chaꞌ kujwi neꞌ ꞌin Jesús, chaꞌ jwiꞌin kaꞌan neꞌ ꞌin yu lo wsi bra kanꞌ.

SAN JUAN 19:27

Kwiꞌ ngwañaꞌan ykwiꞌ Jesús loꞌo nu kiꞌyu kanꞌ: ―Neꞌ kula re ka jyaꞌaan ni. Loꞌo ndyaa yu kanꞌ loꞌo jyaꞌan Jesús bra kanꞌ, mda yu seꞌen tyiꞌin neꞌ kula naꞌan tyi yu bra kanꞌ.

LOS HECHOS 7:58

Loꞌo msñi neꞌ ꞌin Steba bra kanꞌ, ndla ꞌa ti neꞌ mdoꞌo neꞌ ndyaa loꞌo neꞌ ꞌin yu tuꞌwa kichen. Bra ti nguun neꞌ kee ꞌin yu chaꞌ kujwi neꞌ ꞌin yu nde kwa ti, loꞌo mstya neꞌ steꞌ neꞌ nde seꞌen nduun ska yu kuneꞌ nu naan Saulo.

HEBREOS 13:12

Ti kwiꞌ ti chaꞌ, tuꞌwa kichen mdijin Jesús nu tiꞌí, chaꞌ kaja ñaꞌan katin chaꞌ kuxi nu ndiꞌin ꞌin nten, bra nu ngalu tnen ykwiꞌ yu chaꞌ ngujwi yu lo wsi bra kanꞌ.