SAN MATEO 17:9 - Chatino Zona Alta Occidental

⁹ Bra nu ngwiꞌya neꞌ siꞌ kiꞌya kanꞌ, ngulo Jesús tñan ꞌin neꞌ nu ngiꞌni xaꞌan chaꞌ ꞌin yu bra kanꞌ: ―Ja katsaꞌ ꞌa wan ꞌin nten ni sa ñaꞌan nan nu wa naꞌan wan lo kiꞌya kwa tsan ―ndukwin Jesús ꞌin neꞌ kanꞌ―. Sa ñaꞌan bra nu kajaǎn, naꞌ nu wa msuꞌwa Ndiose ꞌñaǎn ndijyaǎn chaꞌ kaǎn nten, sa ñaꞌan bra nu ndyuꞌuǔn xiyaꞌ, kanꞌ ka katsaꞌ wan chaꞌ kanꞌ ꞌin nten bra kanꞌ.

SAN MATEO 17:9 ပူးပေါင်းရင်းမြစ်များ

SAN MATEO 12:16

Kanꞌ ngulo yu tñan ꞌin neꞌ nu ngwa tiꞌí kanꞌ, chaꞌ ja katsaꞌ neꞌ ti lka nu yꞌni chaꞌ nchkaa neꞌ.

SAN MATEO 17:12

Chañi katsaǎnꞌ ꞌwan chaꞌ wa lka yan nu lka Elías lo chalyuu nu ngwa xkanꞌ ti; loꞌo ja yuꞌwi lyo neꞌ ꞌin yu, kanꞌ chaꞌ yꞌni neꞌ chaꞌ kuxi loꞌo yu. Kwiꞌ ngwañaꞌan ta neꞌ nu tiꞌí ꞌñaǎn, naꞌ nu wa msuꞌwa Ndiose ꞌñaǎn ndijyaǎn chaꞌ kaǎn nten.

SAN MATEO 17:20

Mxkwen Jesús ꞌin neꞌ kanꞌ bra kanꞌ: ―Chinꞌ ti yaꞌ ndyaa ñaꞌan tiꞌ wan ꞌin Ndiose, kanꞌ chaꞌ ja ngwa ꞌwan ―ndukwin Jesús ꞌin neꞌ kanꞌ―. Chañi chaꞌ re nu nchkwiǐnꞌ loꞌo wan: Ñaꞌan tiꞌ ska mta yka nu xuwe ꞌa, ni siya ngwañaꞌan ti tsaa ñaꞌan tiꞌ wan ꞌin Stiǐn Ndiose, bra kanꞌ ka chkwiꞌ wan loꞌo kiꞌya kwan kwa: “Tyoꞌo tsuuꞌ, tyaa xka seꞌen nde kwa la” nchkwin wan ꞌin ran, loꞌo kunan kiꞌya kanꞌ chaꞌ nu chkwiꞌ wan loꞌo ran. Kanꞌ tyoꞌo tsuꞌ kiꞌya kanꞌ, tsaa xka seꞌen bra kanꞌ. Ja ndiya tñan nu ja ka kuꞌni wan bra nu chañi ka chaꞌ ndyaa ñaꞌan tiꞌ wan ꞌñaǎn.

SAN MATEO 17:22

Chunꞌ ndiꞌin la, ti ndyaa neꞌ ti chinꞌ nde lo yuu ꞌin Galilea, Jesús loꞌo neꞌ nu ngiꞌni xaꞌan chaꞌ ꞌin yu. Laja nu ndyaa neꞌ ykwiꞌ Jesús loꞌo neꞌ kanꞌ: ―Ndiya ska nten nu kujwiꞌ xuꞌwa ꞌñaǎn ꞌin neꞌ wsiya chaꞌ ta neꞌ nu tiꞌí ꞌñaǎn, ni siya wa msuꞌwa Ndiose ꞌñaǎn ndijyaǎn chaꞌ kaǎn nten.

SAN MATEO 17:23

Kujwi neꞌ kanꞌ ꞌñaǎn bra kanꞌ, kwiꞌ tyuꞌuǔn xiyaꞌ la taꞌa snan tsan bra kanꞌ. Loꞌo ngwa xiꞌin ꞌa tiꞌ neꞌ bra nu wa ynan neꞌ chaꞌ kanꞌ.

SAN MATEO 17:8

Kanꞌ naꞌan taꞌa snan neꞌ nu ngiꞌni xaꞌan kanꞌ seꞌen mduun ayman kanꞌ tsan la, naꞌan neꞌ chaꞌ ja tukwin ꞌa nduun; xka ti Jesús nduun bra kanꞌ.

SAN MATEO 8:20

Mxkwen Jesús ꞌin mstru kanꞌ bra kanꞌ: ―Nu lka kutaꞌ ni, niꞌ tukee ꞌin iꞌ xuꞌwi iꞌ; kwiꞌ ngwañaꞌan kiñi xuwe, ndiya seꞌen xkwa iꞌ. Loꞌo naꞌ ni, wa msuꞌwa Ndiose ꞌñaǎn ndijyaǎn lo chalyuu re chaꞌ kaǎn nten, loꞌo ja ndiya seꞌen kajaǎnꞌ, ja ndiya seꞌen tyukwaǎn xitñaǎnꞌ.

SAN MATEO 8:4

Xiyaꞌ ykwiꞌ Jesús loꞌo yu bra kanꞌ: ―Yaa lyaa seꞌen ndiꞌin sti joꞌo ―ndukwin―. Nde kwa taa lomstan nu ykwiꞌ ayman Moisés chaꞌ taan ꞌin Ndiose bra nu nchkaan ꞌin ska kicha nu nsuꞌwi ꞌñaan. Ja katsaaꞌ ꞌin xka la nten. Ka biyaꞌ tiꞌ nten chaꞌ wa nchkaa, bra nu kunan neꞌ chaꞌ wa msñi sti joꞌo lomstan nu ndaa.

SAN MARCOS 8:30

Loꞌo ngulo Jesús tñan ꞌin neꞌ bra kanꞌ, chaꞌ ja katsaꞌ neꞌ chaꞌ kanꞌ ꞌin nten.

SAN LUCAS 8:56

Yuwe ꞌa tiꞌ neꞌ kula ꞌin nu lyuꞌ kanꞌ. Loꞌo kanꞌ ngulo Jesús tñan ꞌin neꞌ chaꞌ ja katsaꞌ neꞌ ꞌin xka la nten sa ñaꞌan ngwa chaꞌ kanꞌ.

SAN LUCAS 9:36

Bra wa ynan neꞌ nchga chaꞌ nu wa ykwiꞌ Ndiose chaꞌ ꞌin Jesús, bra kanꞌ naꞌan neꞌ chaꞌ ska ti Jesús nduun kanꞌ. Mnan ti ndyaa tiꞌin neꞌ; ja ska chaꞌ ykwiꞌ neꞌ loꞌo xka la nten, sa ñaꞌan ngwa chaꞌ nu naꞌan neꞌ lo kiꞌya kanꞌ.