SAN MATEO 12:45 - Chatino Zona Alta Occidental

⁴⁵ Bra ti tsaa kwiꞌin xiyaꞌ, tsaa naan ꞌin xa kati kwiꞌin nu xaꞌan la, chaꞌ suꞌwa ti xuꞌwi nchga kwiꞌin ꞌin nten kanꞌ, chaꞌ kaja seꞌen tyiꞌin kwiꞌin kanꞌ loꞌo nten, nchka tiꞌ kwiꞌin kanꞌ. Ka kuxi la chaꞌ ꞌin nten kanꞌ bra kanꞌ, chaꞌ kaꞌan la kwiꞌin nsuꞌwi ꞌin neꞌ bra kanꞌ. Kwiꞌ ngwañaꞌan kuxi ꞌa ka chaꞌ ꞌin nten nu ndiꞌin lo chalyuu ni, chaꞌ xaꞌan ꞌa neꞌ.

SAN MATEO 12:45 ပူးပေါင်းရင်းမြစ်များ

SAN MATEO 12:24

Bra wa ynan neꞌ fariseo chaꞌ kanꞌ, xka chaꞌ ykwiꞌ neꞌ chaꞌ ꞌin Jesús: ―Ska ti chabiyaꞌ ꞌin Beelzebú nu nka xꞌnan nchga lo kwiꞌin kuxi, kanꞌ lka chaꞌ nu nchka ꞌin yu kiꞌyu re kulo yu kwiꞌin kuxi nu nsuꞌwi ꞌin nten ―ndukwin neꞌ fariseo kanꞌ.

SAN MATEO 12:44

bra kanꞌ chkwiꞌ kwiꞌin kuxi kanꞌ: “Tyaꞌaǎn xiyaꞌ seꞌen mdiꞌiǐn ti kulo.” Ngwañaꞌan xkeꞌ tiꞌ kwiꞌin kuxi kanꞌ. Bra nu kala kwiꞌin kuxi kanꞌ seꞌen ndiꞌin neꞌ kanꞌ, bra ti ñaꞌan kwiꞌin chaꞌ ti ndiꞌin laja ti kasiya ꞌin nten seꞌen mdiꞌin nu ngwa xkanꞌ; ja ya chkaa nten kanꞌ.

SAN MATEO 17:21

Kwiꞌ ngwañaꞌan, bra nu kulo wan ꞌin kwiꞌin kuxi kanꞌ, ja ka kulo wan ꞌin kwiꞌin kanꞌ si ja suwi wan chinꞌ ꞌwan, ti ykwiꞌ ti wan; suꞌwe si ja ku wan tyaja bra nu chkwiꞌ wan loꞌo Ndiose chaꞌ ꞌin neꞌ nu tiꞌí ngwañaꞌan. Ngwañaꞌan kuꞌni wan sa ñaꞌan yaꞌ nu tyoꞌo kwiꞌin kanꞌ tyaa.

SAN MATEO 23:15

’¡Tꞌnan ꞌa ꞌwan mstru nu nduꞌu chaꞌ joꞌo, loꞌo ꞌwan neꞌ fariseo, chaꞌ tukwa chaꞌ nka tiye wan! Tijyuꞌ ꞌa ndaꞌan wan tuwiin nde xka chalyuu, kwiꞌ tuwiin ndijin wan tujoꞌo, chaꞌ tsaa naan wan ꞌin nten; tsaa naan wan ni siya ska ti nten nu xlyaa kulaa yaꞌ ꞌin xka la joꞌo nu ngiꞌni tnun yu ꞌin, chaꞌ xñi yu chaꞌ nu kwaꞌu wan ꞌin yu. Loꞌo chaꞌ nu kwaꞌu wan ꞌin yu kuꞌni wan chaꞌ lye la ka yu sñiꞌ kuneꞌ xaꞌan ke ꞌwan, ꞌwan nu ndiꞌin chaꞌ tsaa wan lo jwlyaa.

SAN MATEO 23:24

Nchka tiꞌ wan kwaꞌu wan chaꞌ ꞌin Ndiose ꞌin xka la nten; loꞌo kwityiinꞌ wan, chaꞌ nchkunꞌ ke wan ꞌin nchga chaꞌ nu ñi kanꞌ. Sa ñaꞌan lka si nsuwi wan tyiꞌa chaꞌ koꞌo wan, chaꞌ ja koꞌo wan ꞌni xuwe nu nsuꞌwi lo tyiꞌa kanꞌ, loꞌo ja ngiꞌni wan kwenta ni siya wa yiꞌo wan ska ꞌni tnun, ñaꞌan tiꞌ ska camello ―ndukwin Jesús ꞌin neꞌ.

SAN MARCOS 16:9

Ti kwiꞌ tsan kulo ꞌin smnan ngwa, kanꞌ nu ndyuꞌu Jesús xiyaꞌ. Kulo mdoꞌo tukwa yu tloo Liya Magdalena. Ti sꞌni la yꞌni yu joꞌó ꞌin Liya kanꞌ, bra nu ngulo yu kati kwiꞌin kuxi nu msñi ꞌin nu kunaꞌan kanꞌ.

SAN MARCOS 5:9

Kanꞌ mnichaꞌ Jesús ꞌin yu tiꞌí kanꞌ: ―¿Ni sa ñaꞌan naan nuꞌwin? ―ndukwin Jesús ꞌin yu. ―Kaꞌan ꞌa loo ñaꞌan naǎnꞌ ―ndukwin yu tiꞌí―, chaꞌ kaꞌan ꞌa kwiꞌin xaꞌan wa msñi ꞌñaǎn ―ndukwin yu.

SAN LUCAS 11:26

Bra ti tsaa kwiꞌin kanꞌ xiyaꞌ, tsaa naan ran ꞌin xa kati kwiꞌin kuxi nu xaꞌan la, chaꞌ suꞌwa ti xñi nchga kwiꞌin kanꞌ ꞌin yu kanꞌ. Ka kuxi la chaꞌ ꞌin yu kanꞌ bra kanꞌ, chaꞌ kaꞌan la kwiꞌin msñi ꞌin yu bra kanꞌ.

EFESIOS 6:12

Ja nxuan loꞌo nten chalyuu ti, nu chinꞌ ti jwersa nsuꞌwi ꞌin neꞌ; nu nxuun loꞌoan lka nchga kwiꞌin kuxi nu nsuꞌwi nde niꞌ kwan. Ngula ꞌa tiꞌ kwiꞌin kanꞌ, kwiꞌ kanꞌ lka nu nchka ꞌa tiꞌ tyijin lyo ꞌin Ndiose; loꞌo ja nchka ꞌin ran. Ti kwiꞌ kwiꞌin kuxi kanꞌ nchka tiꞌ ka xꞌnan chalyuu, loꞌo ngwañaꞌan ndlo ran tñan ꞌin nten chaꞌ kuꞌni neꞌ nchga loo chaꞌ kuxi lo chalyuu bra ni.

HEBREOS 10:39

Nan ni, ja ka xiꞌin chuanꞌ ꞌin chaꞌ ꞌin Jesús. Si xiꞌin chuanꞌ ꞌin Ni, kanaꞌ jian tyukwi ñaꞌaan loꞌo kasiya ꞌñaan bra kanꞌ. Nan, wa lkaan nten nu sa kuꞌ ti nxñian chaꞌ ꞌin Ni, kanꞌ chaꞌ kulaa Ni ꞌñaan ꞌin chaꞌ kuxi.