SAN MARCOS 9:7 - Chatino Zona Alta Occidental

⁷ Loꞌo mdoꞌo tukwa ska koo nu yuꞌwi nchga seꞌen nduun neꞌ bra kanꞌ, kwiꞌ ynen laja koo kanꞌ nchkwiꞌ Ndiose loꞌo neꞌ: ―Ti kwiꞌ yu re lka ska ti nu lka Sñiěnꞌ ―ndukwin Ndiose―, ndiya ꞌa tiǎnꞌ ꞌin yu re. Kunan suꞌwe wan ꞌin yu re bra nu chkwiꞌ yu loꞌo wan.

SAN MARCOS 9:7 ပူးပေါင်းရင်းမြစ်များ

SAN MATEO 27:43

Ndiꞌin ta yu ꞌin Ndiose chaꞌ tayaꞌ Ni ꞌin yu, ndukwin yu; suꞌwe la si kulaa Ndiose ꞌin yu ni, si chañi chaꞌ suꞌwe ꞌa nka tiye Ndiose ñaꞌan ꞌin yu, chaꞌ “Sñiꞌ Ndiose lkaǎn” ndukwin yu re.

SAN MATEO 27:54

Loꞌo sndaru nu ndiꞌin kwan ꞌin Jesús, loꞌo capitán ꞌin sndaru kanꞌ, yuwe ꞌa tiꞌ neꞌ bra kanꞌ; lye ꞌa ytsen neꞌ xa nu naꞌan neꞌ sa ñaꞌan ngwa chaꞌ kanꞌ, sa ñaꞌan ngwa xa nu lye ꞌa mñan chalyuu. ―Chañi chaꞌ ska ti nu lka Sñiꞌ Ndiose lka ayman re ―ndukwin sndaru kanꞌ.

SAN MATEO 3:17

Ynen ykwiꞌ Ndiose nde seꞌen ndiꞌin Ni nde niꞌ kwan bra kanꞌ. Nde ñaꞌan ndukwin Ni: ―Nu nde lka Sñiěnꞌ ―ndukwin Ni―. Ndiya ꞌa tiǎnꞌ ꞌin yu, chaꞌ suꞌwe ꞌa nsuꞌwi tiyeěn ñaꞌaǎn ꞌin yu.

SAN MARCOS 1:11

Loꞌo ynen ykwiꞌ Ndiose seꞌen ndiꞌin Ni nde niꞌ kwan bra kanꞌ. Nde lka chaꞌ nu ykwiꞌ Ni: ―Ska ti nu lka Sñiěnꞌ lka yu re, loꞌo suꞌwe ꞌa lka tiyeěn ñaꞌaǎn ꞌin yu ―ndukwin Ndiose chaꞌ ꞌin Jesús. ―Ndiya ꞌa tiǎnꞌ ꞌin yu ―ndukwin Ni.

SAN MARCOS 9:6

Ytsen ꞌa Tyu loꞌo taꞌa ndaꞌan yu, kanꞌ chaꞌ ja jlyo ꞌa tiꞌ yu sa ñaꞌan ngwa chaꞌ nu ykwiꞌ yu.

SAN MARCOS 9:8

Bra ti naꞌan neꞌ seꞌen mduun ayman kanꞌ nu ngwa tsan, naꞌan neꞌ chaꞌ ja ndiꞌin ꞌa neꞌ kanꞌ ni; siyaꞌ ti nduun snan neꞌ nu ngiꞌni xaꞌan chaꞌ ꞌin Jesús loꞌo ti kwiꞌ Jesús.

SAN LUCAS 3:22

Ngwiꞌya Tyiꞌi Ndiose seꞌen ndiꞌin Jesús; sa ñaꞌan ndukwi ska kiñi cha kuun, ngwañaꞌan ngwiꞌya Tyiꞌi Ndiose lo jlyuꞌwe Jesús. Bra kanꞌ ynan neꞌ ykwiꞌ Ndiose nde niꞌ kwan: ―Sñiěnꞌ, suꞌwe ꞌa nka tiyeěn ñaꞌaǎn ꞌiin. Ndiya ꞌa tiǎnꞌ ꞌiin ―ndukwin Ndiose ꞌin Jesús.

SAN JUAN 1:34

Wa naꞌaǎn chaꞌ kanꞌ. Kwiꞌ chañi chaꞌ nu chkwiǐnꞌ loꞌo wan: Yu kwa lka ska ti nu nka Sñiꞌ Ndiose, kwiꞌ nu wa ngulo suwi Ni ꞌin yu.

SAN JUAN 1:49

―Mstru ―ndukwin Natanael―, chañi chaꞌ nuꞌwin lkaa ska ti nu lka Sñiꞌ Ndiose, nuꞌwin lkaa ree nu nka ndloo ꞌin neꞌ Israel.

SAN JUAN 12:28

Kanꞌ ykwiꞌ Jesús loꞌo Ndiose Sti yu: ―Stiǐn, suꞌwe la ka tnun la nuꞌwin. Ynen ykwiꞌ Ndiose niꞌ kwan bra kanꞌ. Nde lka chaꞌ nu ykwiꞌ Ni: ―Wa lka ngiꞌni tnun nten chalyuu ꞌñaǎn ykwiǐnꞌ, kwiꞌ ngwañaꞌan ti kuꞌni tnun la neꞌ ꞌñaǎn xiyaꞌ chunꞌ tñan nu ngiꞌni nuꞌwin ―ndukwin Ndiose ꞌin Jesús.

SAN JUAN 19:7

Mxkwen neꞌ judío ꞌin Pilato bra kanꞌ: ―Ndiꞌin ska chaꞌ ꞌware ―ndukwin neꞌ―. Sa ñaꞌan nchkwiꞌ ti ba ndukwi yu kiꞌya, chaꞌ ndukwin yu chaꞌ lka yu ska ti nu lka Sñiꞌ Ndiose; siꞌya chaꞌ kanꞌ ndiꞌin chaꞌ kaja yu.

SAN JUAN 20:31

Chaꞌ nu ndukwa lo kityi re ni, wa ngwaꞌaǎn chaꞌ kanꞌ chaꞌ ka tsaa ñaꞌan tiꞌ wan chaꞌ Jesús lka Krixtu, ti kwiꞌ nu msuꞌwa Ndiose chaꞌ kan lo chalyuu, chaꞌ ka sten wan chaꞌ ꞌin Jesús, chaꞌ ska ti Ni kanꞌ lka Ni Sñiꞌ Ndiose. Loꞌo kaja chalyuu suꞌwe nu ja tsaa tii ꞌa ꞌwan chabiyaꞌ ꞌin Jesús bra kanꞌ.

SAN JUAN 5:18

Kanꞌ chaꞌ chen ꞌa nka tiye neꞌ judío kanꞌ ñaꞌan neꞌ ꞌin Jesús, nsuꞌwi ꞌa neꞌ kanꞌ nu nchka tiꞌ kujwi ꞌin Jesús bra kanꞌ. Tiꞌí tiꞌ neꞌ kanꞌ ꞌin yu, chaꞌ yꞌni yu tñan tsan taꞌa ꞌin neꞌ, ndukwin neꞌ. Ja ndiya tiꞌ neꞌ siyaꞌ ti chaꞌ ndukwin Jesús chaꞌ Ndiose lka Sti yu, chaꞌ suꞌwa ti ngiꞌni yu loꞌo Ndiose.

SAN JUAN 5:37

Kwiꞌ ngwañaꞌan, ngwaꞌu ñi Stiǐn chaꞌ ꞌñaǎn ꞌwan, chaꞌ ti kwiꞌ Stiǐn lka nu ngwaꞌan tñan ꞌñaǎn chaꞌ mdiyaǎn. Loꞌo ꞌwan ni, ja ya kunan wan chaꞌ nu nchkwiꞌ Ndiose, ja ya ñaꞌan wan ꞌin Ni.

SAN JUAN 6:69

Wa ndyaa ñaꞌan tiꞌ ba ꞌiin. Wa jlyo tiꞌ ba chaꞌ Ndiose lka nu ngulo suwi ꞌiin, chaꞌ ska ti nuꞌwin nu chañi lkaa ska ti nu lka Sñiꞌ Ndiose nu ndiꞌin chaꞌ kaan lo chalyuu.

SAN JUAN 9:35

Loꞌo ynan Jesús chaꞌ wa ngulo neꞌ ꞌin yu kanꞌ niꞌ lyaa bra kanꞌ, kanꞌ chaꞌ xa nu ndyukwa taꞌa Jesús loꞌo yu xiyaꞌ, mnichaꞌ Jesús ꞌin yu bra kanꞌ: ―¿Ta wa ndyaa ñaꞌan tiiꞌ ꞌin ti kwiꞌ yu nu wa mdiyan lo chalyuu chaꞌ ka nten a? ―ndukwin Jesús ꞌin yu.

LOS HECHOS 1:9

Bra wa mdyii ykwiꞌ Jesús chaꞌ kanꞌ, xa nu ti naꞌan neꞌ ꞌin yu, ndyaa loꞌo Ndiose ꞌin yu ndyaa yu niꞌ kwan bra kanꞌ. Nchkunꞌ ska ko chunꞌ yu chaꞌ ja ñaꞌan ꞌa neꞌ ꞌin yu bra kanꞌ.

LOS HECHOS 7:37

Ti kwiꞌ Moisés ykwiꞌ chaꞌ re loꞌo neꞌ kanꞌ: “Wa ngulo Ndiose tñan ꞌñaǎn chaꞌ kwaꞌuǔn chaꞌ ꞌwan. Kwiꞌ ngwañaꞌan, ti kulo la Ndiose tñan ꞌin xka neꞌ taꞌaan nde loo la chaꞌ kan yu seꞌen ndiꞌin wan” ndukwin Moisés kanꞌ ꞌin neꞌ nu ngwa bra kanꞌ.

LOS HECHOS 8:36

Laja nu ndyaa neꞌ tuwiin kanꞌ, mdiyan neꞌ ska seꞌen ndiꞌin ylaa tyiꞌa. Ykwiꞌ yu kula kanꞌ loꞌo Lpe bra kanꞌ: ―Nde ndiya tyiꞌa ―ndukwin yu kanꞌ―. ¿Ja kuꞌnii chaꞌ suꞌwe tukwatyaa ꞌñaǎn ni a?

ROMANOS 1:4

kwiꞌ ngwañaꞌan lka Jesús ska ti nu nka Sñiꞌ ykwiꞌ Ndiose. Nde ñaꞌan ka biyaꞌ suꞌwe tianꞌ chaꞌ kanꞌ: chabiyaꞌ ꞌin Ndiose Sti yu ndyuꞌu Jesús xiyaꞌ xa wa ngujwi yu, loꞌo tnun ꞌa tñan yꞌni Ndiose bra kanꞌ. Bra nu mda Ndiose Tyiꞌi ykwiꞌ ꞌin Jesús, bra kanꞌ ytsaꞌ Ni ꞌñaan chaꞌ Sñiꞌ ykwiꞌ Ndiose lka Jesús kanꞌ.

HEBREOS 2:1

Tnun ꞌa ndiꞌin chaꞌ ꞌin Jesús ni, kanꞌ chaꞌ ndiꞌin chaꞌ xñiin suꞌwean nchga chaꞌ nu wa ykwiꞌ Jesús loꞌoan, chaꞌ ja xiꞌin chuanꞌ ꞌin tuwiin ñi nu wa msñian.

2 SAN PEDRO 1:17

Wa yꞌni tnun Ndiose Sti Jesús ꞌin yu, loꞌo ndyuwi ꞌa tyukwi ñaꞌaan Jesús loꞌo xaa ꞌin Ndiose bra kanꞌ. Ni siya ja naꞌan ba ꞌin Ndiose nu nka ndloo ꞌin nchga xꞌnan chalyuu, jlyo tiꞌ ba chaꞌ mdiꞌin Ni kwiꞌ seꞌen ti tsan kanꞌ, chaꞌ bra kanꞌ ynan ba chaꞌ nu ykwiꞌ Ni loꞌo nten: “Nu nde lka Sñiěnꞌ nu ndiya ꞌa tiǎnꞌ. Suꞌwe ꞌa nka tiyeěn naꞌaǎn ꞌin yu” ndukwin Ni.

1 SAN JUAN 5:20

Ngwa jlyo tianꞌ chaꞌ wa yan nu lka ska ti Sñiꞌ ykwiꞌ Ndiose lo chalyuu, loꞌo ngwañaꞌan wa mda Ni chabiyaꞌ chaꞌ ka xuꞌwi chaꞌ ꞌñaan loꞌo Ndiose. Loꞌo chañi chaꞌ suꞌwa ka tiyean loꞌo Ndiose ni, chunꞌ chaꞌ suꞌwa nka tiyean loꞌo Jesucristo nu lka Sñiꞌ ykwiꞌ Ni. Chañi chaꞌ Ndiose siyaꞌ ti lka Jesús, kwiꞌ ngwañaꞌan chañi chaꞌ ja tsaa tii ꞌa chalyuu kwi nu ta Ni ꞌñaan.

EL APOCALIPSIS 1:7

¡Xñi wan kwenta! Ti tyaan Jesucristo lo chalyuu re xiyaꞌ ska lo koo ngaten. Ñaꞌan nchga nten ꞌin Ni bra kanꞌ; loꞌo nten nu tiꞌí ꞌa tiꞌ ꞌin Ni xa nu yan Ni lo chalyuu, loꞌo nten nu yojoꞌ chkwan cha yaꞌ Ni siꞌ Ni, loꞌo neꞌ kanꞌ ñaꞌan neꞌ ꞌin Ni xiyaꞌ bra kanꞌ. Loꞌo lye ꞌa xiꞌya yija nten tyukwi ñaꞌaan chalyuu chaꞌ xiꞌin tiꞌ neꞌ bra nu tyaan Jesús xiyaꞌ, chaꞌ wa jlyo tiꞌ neꞌ chaꞌ ndukwi neꞌ kiꞌya. Kwiꞌ ngwañaꞌan ka chaꞌ kanꞌ sikwa.