SAN MARCOS 8:6 - Chatino Zona Alta Occidental

⁶ Bra kanꞌ ngulo Jesús tñan ꞌin nten kaꞌan kanꞌ, chaꞌ tyukwa neꞌ lyuu. Msñi yu kati jaxlya tejeꞌ kanꞌ, ndya yu xuꞌwe ꞌin Ndiose chaꞌ ndiya nan ku neꞌ. Bra kanꞌ msuꞌwe yu jaxlya kanꞌ, mda yu yuꞌwe jaxlya ꞌin neꞌ nu ngiꞌni xaꞌan chaꞌ ꞌin yu chaꞌ kutsaa neꞌ ran ꞌin nten kaꞌan kanꞌ, chaꞌ ku neꞌ ran.

SAN MARCOS 8:6 ပူးပေါင်းရင်းမြစ်များ

SAN MATEO 26:26

Laja nu nchku neꞌ, bra kanꞌ msñi Jesús ska jaxlya, ndya xuꞌwe ꞌin Ndiose, msuꞌwe jaxlya kanꞌ. Mda yu yuꞌwe jaxlya kanꞌ ꞌin neꞌ nu ngiꞌni xaꞌan chaꞌ ꞌin yu bra kanꞌ. ―Ku wan jaxlya re, chaꞌ ñaꞌan tiꞌ kunaǎnꞌ, ngwañaꞌan lka re ―ndukwin Jesús ꞌin neꞌ kanꞌ.

SAN MARCOS 8:20

―Kwiꞌ ngwañaꞌan bra nu msuꞌweěn kati jaxlya tejeꞌ nu yku jakwa mi nten kanꞌ, ¿ni sa ñaꞌan nkwa xkuwi nsuꞌwi nu msaꞌan loꞌo yuꞌwe jaxlya nu wa mxoꞌ tiꞌin wan bra kanꞌ? ―ndukwin yu ꞌin neꞌ. ―Kati xkuwi ―ndukwin neꞌ.

SAN MARCOS 8:5

―¿Ni nkwa jaxlya nsuꞌwi ꞌwan a? ―ndukwin Jesús ꞌin neꞌ kanꞌ bra kanꞌ. ―Kati ti jaxlya tejeꞌ loꞌo ꞌwa ―ndukwin neꞌ ꞌin yu.

SAN MARCOS 8:7

Loꞌo chinꞌ kula xuwe nsuꞌwi ꞌin neꞌ; kanꞌ chaꞌ bra nu nkwan Jesús ꞌin kula kanꞌ, ngulo yu tñan chaꞌ loꞌo kutsaa neꞌ yuꞌwe kula kanꞌ ꞌin nten kaꞌan kanꞌ, chaꞌ ku neꞌ.

SAN LUCAS 12:37

Suꞌwe ꞌa ka ꞌin msu kanꞌ, si ti ndii tiꞌ neꞌ bra nu kala xꞌnan neꞌ chaꞌ kuꞌni lya neꞌ tñan nu kulo xꞌnan neꞌ. Chañi lka chaꞌ nu chkwiǐnꞌ loꞌo wan, chaꞌ nde ñaꞌan chkwiꞌ xꞌnan naꞌan kanꞌ loꞌo msu ꞌin yu: “Tyukwa lya wan tuꞌwa msaa re.” Bra kanꞌ kuꞌni kuwe tiꞌ ykwiꞌ xꞌnan neꞌ chaꞌ ku neꞌ.

SAN LUCAS 24:30

Wa ndukwa yu loꞌo neꞌ tuꞌwa msaa, bra kanꞌ msñi yu ska jaxlya, ndya yu xuꞌwe ꞌin Ndiose; bra kanꞌ msuꞌwe yu jaxlya kanꞌ, chaꞌ ta yu ku neꞌ.

SAN JUAN 2:5

Ni siya ngwañaꞌan ykwiꞌ yu, nde ndiya chaꞌ nu ykwiꞌ jyaꞌan yu loꞌo msu bra kanꞌ: ―Kuꞌni wan ñaꞌaan tñan nu kulo yu re ꞌwan ―ndukwin.

SAN JUAN 6:23

Chunꞌ ndiꞌin la mdiyan xka ta yka naꞌan nu mdoꞌo kichen Tiberias. Ndukwi ran tuꞌwa tyiꞌa kwiꞌ seꞌen ti seꞌen yku neꞌ jaxlya kanꞌ, bra nu ndya Xꞌnaan xuꞌwe ꞌin Ndiose chaꞌ ꞌin ran.

ROMANOS 14:6

Bra nu ndiꞌin kti neꞌ ska tsan chaꞌ ꞌin ska ta nten, kanꞌ lka tsan nu ndiꞌin chaꞌ kuꞌni tnun neꞌ kanꞌ ꞌin Ndiose sikwa; loꞌo xka ta nten ka kuꞌni tnun ꞌin Ndiose, ni siya ja ngiꞌni kti neꞌ tsan kanꞌ. Kwiꞌ ngwañaꞌan ndyoꞌo chaꞌ ꞌin nten nu ja ntsen ku kunaꞌ. Wa yten neꞌ kanꞌ chaꞌ ꞌin Ndiose, kanꞌ chaꞌ ja ntsen neꞌ, chaꞌ ndya neꞌ xuꞌwe ꞌin Ndiose bra nu nchku neꞌ ꞌin ran. Loꞌo nten nu ntsen ku kunaꞌ kanꞌ, ti kwiꞌ chabiyaꞌ ꞌin Ndiose ntsen neꞌ ku neꞌ ꞌin ran; loꞌo neꞌ kanꞌ ndya neꞌ xuꞌwe ꞌin Xꞌnaan chaꞌ nda Ni nan ku neꞌ.

COLOSENSES 3:17

Nchga tñan nu nchka tiꞌ wan kuꞌni wan, nchga chaꞌ nu nchka tiꞌ wan chkwiꞌ wan loꞌo nten, chabiyaꞌ ꞌin Jesús nu nka Xꞌnaan kuꞌni wan ꞌin ran sikwa. Loꞌo ngwañaꞌan, ti kwiꞌ bra kanꞌ tya wan xuꞌwe ꞌin Ndiose Stian chaꞌ ꞌin Jesús.