SAN MARCOS 5:9 - Chatino Zona Alta Occidental

⁹ Kanꞌ mnichaꞌ Jesús ꞌin yu tiꞌí kanꞌ: ―¿Ni sa ñaꞌan naan nuꞌwin? ―ndukwin Jesús ꞌin yu. ―Kaꞌan ꞌa loo ñaꞌan naǎnꞌ ―ndukwin yu tiꞌí―, chaꞌ kaꞌan ꞌa kwiꞌin xaꞌan wa msñi ꞌñaǎn ―ndukwin yu.

SAN MARCOS 5:9 ပူးပေါင်းရင်းမြစ်များ

SAN MATEO 12:45

Bra ti tsaa kwiꞌin xiyaꞌ, tsaa naan ꞌin xa kati kwiꞌin nu xaꞌan la, chaꞌ suꞌwa ti xuꞌwi nchga kwiꞌin ꞌin nten kanꞌ, chaꞌ kaja seꞌen tyiꞌin kwiꞌin kanꞌ loꞌo nten, nchka tiꞌ kwiꞌin kanꞌ. Ka kuxi la chaꞌ ꞌin nten kanꞌ bra kanꞌ, chaꞌ kaꞌan la kwiꞌin nsuꞌwi ꞌin neꞌ bra kanꞌ. Kwiꞌ ngwañaꞌan kuxi ꞌa ka chaꞌ ꞌin nten nu ndiꞌin lo chalyuu ni, chaꞌ xaꞌan ꞌa neꞌ.

SAN MATEO 26:53

¿Ja jlyo tiiꞌ a? Bra nu jñaǎn ꞌin Stiǐn, bra ti kulo Stiǐn tñan chaꞌ kan tii tyukwa ta angajle ꞌin Ni, chaꞌ tayaꞌ neꞌ ꞌñaǎn.

SAN MARCOS 5:10

Loꞌo mjñan ꞌa yu tiꞌí kanꞌ, chaꞌ ja kuꞌni ꞌa Jesús joꞌó ꞌin yu, chaꞌ ja kulo ꞌa Jesús tñan ꞌin kwiꞌin xaꞌan, chaꞌ tyoꞌo ran ꞌin yu, chunꞌ ja nchka tiꞌ kwiꞌin xaꞌan kanꞌ tsaa xka chalyuu tijyuꞌ la.

SAN MARCOS 5:15

Bra nu mdiyan neꞌ seꞌen ndiꞌin Jesús, bra kanꞌ naꞌan neꞌ ꞌin nu kiꞌyu nu ngwa tiꞌí kanꞌ; naꞌan neꞌ chaꞌ tiin ti ndukwa yu kiꞌyu kanꞌ, lkuꞌ yu steꞌ yu, chaꞌ wa nchkaa yu. Ja nxlyuu ꞌa kwiꞌin xaꞌan kanꞌ ꞌin yu. Ytsen ꞌa neꞌ bra kanꞌ.

SAN MARCOS 5:8

Ti tsan la wa ngulo Jesús tñan ꞌin kwiꞌin xaꞌan kanꞌ, chaꞌ tyoꞌo tsuꞌ ꞌin yu tiꞌí kanꞌ, kanꞌ chaꞌ tꞌnan ykwiꞌ yu loꞌo Jesús chaꞌ ja ta nu tiꞌí ꞌin yu bra kanꞌ. ―Tyoꞌo lya wan, tyaa wan siyaꞌ ti ―ndukwin Jesús ꞌin kwiꞌin xaꞌan kanꞌ bra kanꞌ.

SAN LUCAS 8:30

Bra nu ndyukwa taꞌa Jesús loꞌo yu tiꞌí kanꞌ, bra kanꞌ mnichaꞌ Jesús ꞌin yu: ―¿Ni sa ñaꞌan naan nuꞌwin a? ―ndukwin Jesús ꞌin yu. ―Kaꞌan ꞌa loo niǐn ―ndukwin yu tiꞌí kanꞌ ꞌin Jesús, chaꞌ kaꞌan ꞌa kwiꞌin xaꞌan yꞌni tiꞌí ꞌin yu.