SAN MARCOS 5:37 - Chatino Zona Alta Occidental

³⁷ Loꞌo ja mda ꞌa Jesús chabiyaꞌ ꞌin nten chaꞌ tsaa neꞌ loꞌo yu; ska ti Tyu, loꞌo Santiago, loꞌo Xuwa taꞌa Santiago, mda yu chabiyaꞌ tsaa neꞌ loꞌo yu.

SAN MARCOS 5:37 ပူးပေါင်းရင်းမြစ်များ

SAN MATEO 17:1

Xa wa mdaꞌa skwa tsan, bra kanꞌ ndyaa loꞌo Jesús ꞌin Tyu loꞌo Santiago loꞌo Xuwa taꞌa ngula Santiago kanꞌ; jakwa yu kanꞌ ndyaa yu lo kiꞌya kwan.

SAN MATEO 26:37

Ti ndyaa la Jesús ti chinꞌ seꞌen loꞌo Tyu loꞌo taꞌa tyukwaa sñiꞌ Zebedeo bra kanꞌ. Ngwa xiꞌin ꞌa tiꞌ Jesús siꞌya chaꞌ tnun nu wa tyukwa ti yu.

SAN MARCOS 14:33

Ndyaa yu la chinꞌ bra kanꞌ, ndyaa yu loꞌo Tyu loꞌo Santiago loꞌo Xuwa. Kanꞌ lye ꞌa ngwa xiꞌin tiꞌ Jesús, mdaꞌan ꞌa chaꞌ tiye yu sa ñaꞌan ka chaꞌ kuxi nu ndiꞌin chaꞌ ka ꞌin yu.

SAN MARCOS 9:2

Xa wa mdaꞌa skwa tsan, mdoꞌo Jesús ndyaa bra kanꞌ; loꞌo Tyu, loꞌo Santiago, loꞌo Xuwa ndyaa loꞌo yu. Jakwa ti neꞌ kanꞌ ndyaa neꞌ lo kiꞌya kwan, ja loꞌo xka nten ndyaa neꞌ. La kanꞌ, laja nu naꞌan neꞌ ꞌin Jesús, wa mxaꞌan tyukwi ñaꞌaan yu.

SAN LUCAS 8:51

Bra nu ngala neꞌ naꞌan tyi Jairo, bra kanꞌ ja mda Jesús chabiyaꞌ chaꞌ sten neꞌ sa tlyu ti loꞌo yu niꞌ ñaꞌan; wa lka ti nten sten loꞌo yu niꞌ ñaꞌan, ndukwin yu. ―Tyu, loꞌo Santiago, loꞌo Xuwa, loꞌo sti loꞌo jyaꞌan ti nu lyuꞌ kwa sten neꞌ niꞌ ñaꞌan re loꞌoǔn ―ndukwin yu.

LOS HECHOS 9:40

Ykwiꞌ Tyu loꞌo neꞌ bra kanꞌ: ―Tyoꞌo wan chinꞌ nde chunꞌ naꞌan ―ndukwin yu ꞌin neꞌ. Xa nu mdyii mdoꞌo neꞌ chunꞌ naꞌan, bra kanꞌ mduun xtyinꞌ Tyu ykwiꞌ yu loꞌo Ndiose. Mdyii ykwiꞌ yu loꞌo Ndiose, bra kanꞌ ndyaa yu seꞌen nskwa ayman kanꞌ, ykwiꞌ yu loꞌo ayman kanꞌ bra kanꞌ: ―Tabita ―ndukwin yu―, tyituun ni. Loꞌo siyaꞌ ti mslaa Tabita kiloo, naꞌan ꞌin Tyu, bra ti mdyitukwa bra kanꞌ.

2 CORINTIOS 13:1

Wa mdaꞌa snan yaꞌ ni, chaꞌ ndijyaǎn naꞌaǎn ꞌwan. Nde ñaꞌan kuꞌniǐn ni: ndiꞌin chaꞌ kuꞌniǐn biyaǎnꞌ ꞌin nchga nten nu ngiꞌni chaꞌ kuxi; ni siya xkwiꞌ loꞌo tukwa snan nten nu wa naꞌan chaꞌ kuxi kanꞌ, ngwañaꞌan kuꞌni biyaǎnꞌ ꞌin neꞌ.