SAN MARCOS 5:35 - Chatino Zona Alta Occidental

³⁵ Bra nu ti nchkwiꞌ Jesús loꞌo nu kunaꞌan kanꞌ, bra kanꞌ mdiyan ska msu ꞌin Jairo, yu kula nu lka tñan niꞌ lyaa kanꞌ, mdyukwa taꞌa loꞌo neꞌ. Ykwiꞌ msu kanꞌ loꞌo Jairo chaꞌ ꞌin nu xuwe tiꞌí: ―Wa ngujwi sñiꞌ wan, yu kula ―ndukwin msu ꞌin xꞌnan―. Ja ndiꞌin chaꞌ chkwiꞌ la wan loꞌo mstru re.

SAN MARCOS 5:35 ပူးပေါင်းရင်းမြစ်များ

SAN MATEO 26:10

Bra nu mgii tiꞌ Jesús chaꞌ nu ndaꞌan tiye neꞌ kanꞌ, ykwiꞌ yu loꞌo neꞌ bra kanꞌ: ―¿Ni chaꞌ msinꞌ tiꞌ wan ꞌin nu kunaꞌan re? ―ndukwin Jesús ꞌin neꞌ kanꞌ bra kanꞌ―. Ska chaꞌ suꞌwe ꞌa yꞌni nu kunaꞌan re loꞌoǔn.

SAN MATEO 26:18

―Tsaa wan lo kichen seꞌen ndiꞌin taꞌa suꞌwe nsuꞌwiǐn kanꞌ. Chkwiꞌ wan chaꞌ re loꞌo yu: “Ndukwin mstru ꞌñaan chaꞌ wa ndla ti tiya bra ꞌin yu. Loꞌo ni, nchka tiꞌ ti kwiꞌ yu kula kanꞌ ku siin taꞌa pascua naꞌan tyii loꞌo neꞌ nu ngiꞌni xaꞌan chaꞌ ꞌin yu.”

SAN MATEO 9:18

Bra nu ti nchkwiꞌ Jesús loꞌo neꞌ, kanꞌ mdiyan ska neꞌ judío nu lka ndloo la; mduun xtyinꞌ yu kula tloo Jesús, chaꞌ jñan ska chaꞌ tlyu tiꞌ ꞌin yu bra kanꞌ: ―Tka ngujwi ti ska nu kunaꞌan lyuꞌ ti, sñiěnꞌ ―ndukwin yu kula kanꞌ ꞌin Jesús―. ¿Ja tsaa chinꞌ seꞌen ndiꞌiǐn chaꞌ xtyaa yaaꞌ chunꞌ nu lyuꞌ ti kanꞌ a? ―ndukwin―. Jlyo tiǎnꞌ chaꞌ ka ꞌiin kuꞌnii chaꞌ tyuꞌu nu lyuꞌ ti kanꞌ xiyaꞌ.

SAN MARCOS 10:17

Ti ndyaa la Jesús tuwiin, kanꞌ naꞌan yu nxnan ska yu kiꞌyu kuneꞌ ndijyan ñaꞌan ꞌin Jesús. Mduun xtyinꞌ yu kuneꞌ tloo Jesús bra kanꞌ. ―Mstru, suꞌwe ꞌa ngiꞌni wan nchga tsan ―ndukwin ꞌin Jesús―. Kuꞌni wan chaꞌ suꞌwe katsaꞌ wan ꞌñaǎn, ¿ni sa ñaꞌan kuꞌniǐn chaꞌ kaja chalyuu ꞌñaǎn nu ja tsaa tii ꞌa? ―ndukwin.

SAN MARCOS 5:22

Kanꞌ mdiyan ska yu kiꞌyu nu lka yu tñan niꞌ lyaa kwa. Jairo naan yu kula kanꞌ. Mduun xtyinꞌ yu kula kanꞌ tloo Jesús, mdukwi ndlyuu ke yu la lyuu.

SAN LUCAS 8:49

Laja nu nchkwiꞌ Jesús, bra kanꞌ mdiyan ska nten nu mdoꞌo naꞌan tyi Jairo, yu kula kanꞌ nu ka ndloo la niꞌ lyaa ꞌin neꞌ kanꞌ. Kwiꞌ yu kanꞌ mdiya ytsaꞌ yu ꞌin Jairo bra kanꞌ: ―Wa ngujwi sñiiꞌ, yu kula ―ndukwin yu―. Ja chkwiiꞌ ꞌa loꞌo yu kula kwa chaꞌ kan yu naꞌan tyii.

SAN JUAN 11:21

Kanꞌ ykwiꞌ Marta loꞌo Jesús: ―Ja ngujwi taꞌa ngulaǎn si mdiꞌiin nde re nu ngwa ti kwiꞌyu ti, neꞌ kula ―ndukwin nu kunaꞌan kanꞌ ꞌin Jesús―.

SAN JUAN 11:25

―Naꞌ lkaǎn nu ngiꞌniǐn chaꞌ tyuꞌu nten xiyaꞌ ―ndukwin Jesús ꞌin Marta―, naꞌ lkaǎn nu ngiꞌniǐn chaꞌ chañi kaja chalyuu kwi ꞌin neꞌ ―ndukwin yu―. Ni siya kaja neꞌ, ti tyuꞌu neꞌ kanꞌ xiyaꞌ, kaja chalyuu kwi ꞌin neꞌ xa nu wa yten neꞌ chaꞌ ꞌñaǎn ―ndukwin Jesús―.

SAN JUAN 11:28

Mdyii ykwiꞌ Marta ndyaa bra kanꞌ, mnan ti msiꞌya ꞌin Liya taꞌa ngula: ―Wa kala ti Mstru ꞌñaan nde re ―ndukwin―. Nxiꞌya yu ꞌiin chaꞌ tsaa seꞌen ndiꞌin yu.

SAN JUAN 11:32

Loꞌo mdiyan Liya seꞌen ndiꞌin Jesús. Bra nu naꞌan ꞌin Jesús, bra ti mduun xtyinꞌ tloo yu. Ykwiꞌ Liya loꞌo bra kanꞌ: ―Si mdiꞌiin nu ngwa ti kwiꞌyu ti ni, neꞌ kula ―ndukwin―, ja ngujwi taꞌa ngulaǎn bra kanꞌ.

SAN JUAN 11:39

―Kulo tsuꞌ wan kee kwa ―ndukwin Jesús bra kanꞌ. Bra ti ykwiꞌ Marta taꞌa ngula ayman kanꞌ loꞌo Jesús: ―Tukun ꞌa tyiꞌi ka si nu tyoꞌo tsuꞌ kee kwa, neꞌ kula ―ndukwin―. Wa mdaꞌa jakwa tsan mtsiꞌ ayman re.

SAN JUAN 5:25

Kwiꞌ ngwañaꞌan, chañi ꞌa xka chaꞌ nu chkwiǐnꞌ loꞌo wan ―ndukwin yu―. Ndla ti tiya tsan, loꞌo wa mdiya ti kwiꞌ tyempu ni, chaꞌ naꞌ nu lkaǎn Sñiꞌ Ndiose siꞌyaǎn ꞌin nchga nten nu ndiꞌin lo chalyuu; ndiꞌin neꞌ sa ñaꞌan lka si wa ngujwi neꞌ siꞌya nchga chaꞌ xaꞌan nu nsuꞌwi tiye neꞌ. Bra nu kunan nten chaꞌ nu chkwiǐnꞌ loꞌo, kaja chalyuu suꞌwe ꞌin neꞌ, nchga nten nu xñi chaꞌ ꞌñaǎn ―ndukwin Jesús ꞌin neꞌ―.